بالنسبه لرضاعه طفل ال3شهور

مرحبا خواتى حبيت اسألكم عن رضاعه طفل ال3شهور

كم ميلى او كم رقم ؟

وخلال كم ساعه؟

وهل بالليل اذا كانت اخر رضعه لها الساعه 12 بالليل هل اذا نامت ما اقعدها ارضعها

علشان اغلبالبنات يقولون اذا نامت لا تقعدينها ترضعينها الا اذا قعدت تبكى؟

ياليت تفيدونى عسي الله يوفقكم

حبوبه مكتوب على علبة الحليب الصناعي شكثر تعطينها .. وغالبا كل ساعتين او 3 ساعات الرضعه وهم يكتبونلج عالعلبه …
واذا نامت بالليل لا تقعدينها متى ما قعدت وبجت رضعيها هذي نصيحة اكثر من دكتور لي من ايام النفاس وهم يقولون لا تقعدينه بالليل عشان يرضع .. لان اذا كبر بتتأذين

حبيبتي مالج شغل بالعلبة لان كل طفل غير عن الثاني شوفي بيبيج احتيلجاته شنو مثلا اذا كنتي ترضعين كل ساعتين من اول ما معدته تكبر راح يجوع بسرعة يعني ما يصير ساعة الا يبي رضعة ثانية هذي طريقة و الطريقة الثانية ان لما تخلص رضعته يكون مايبي يهد الممية و يبجي اذا خلص الحليب فهمتيني
لان في ناس يزيدون الكمية مالت الرضعة مو على اساس العلبة و انا منهم
اتمنى اكون فدتج

شوفي حبوبة
انا ولدي بهالعمر كان ياخذ الرضعة الوحدة مكيالين ( 100 مل)
وكان يرضع كل ساعتين أو ثلاث ساعات
لما يبجي يكون جوعان
ولو نايمة بنتج لا تقعدينها لأن النوم وايد مهم للطفل مثل الأكل
البيبي بروحه لما يجوع يبجي
بس المعدل كل ساعتين أو ثلاث
ولما تكمل ينتج عمر ثلاث شهور اشتري من الجمعية حبوب ميلوبا رز وحليب وضيفي على الممية أول أسبوع مع كل رضعة نصف مكيال (قفشة الحليب)
والأسبوع الثاني مع كل رضعة مكيال كامل
وبعدين تصيرين تضيفين مع كل مكيال حليب مكيال ميلوبا عشان البنت تشبع وهم تتغذى
ونصيحة مجربة من أم آخر رضعة بالليل الماي اللي تستعملينها يكون مغلي فيه شوية يانسون وايد مهم طارد للغازات ومفيد للمعدة وأهم شي يخلي البنت تنام عدل وما تأذيج
ودوري عندي مشاركة عن بداية إدخال الطعام للطفل وايد راح تفيدج ولا تأخرين الأكل لن عقب البيبي يأذيج عشان ياكل من أول الشهر الرابع بلشي شوي شوي
بس أهم شي ابتدي بإضافة الميلوبا (رز وحليب) على الممية عشان المعدة تتعود
الله يحفظ بنتج وأولاد الجميع

لاتعودينها على رضعه الليل

اذا كانت نايمه خليهاا احسن لج

لانها اذا تعودت بتاذييج ماتنام بلييل

انا بنتي 3 شهور اعطيها ماي رقم اربع وماشاءالله تشرب وكل ثلاث ساعات يعني اذا ا شربت الساعه 9 تشرب 11

واحطلها بسكوت مليوبا

واذا نايمه ما اعطيها حليب

غير الناس
م.موون
نهى
اسووره

شئ حلوو

كل الشكر لكم ولتفاعلكم ما قصرتوا حبيباتى الله يسعدكم

من صجكم ميلوبا الارز وميلوبا بسكوت مع الحليب !!

اصلا الياهل لازم ما ياكل شي ليما يكمل 4 شهور وله تسبب له هالشغلات حساسيه ويتأذى بالمستقبل

لا تجازفون بعيالكم على بو ان ينام ويشبع !!

ومنكم نستفيد