اول موضوع لي وجبرتني بعض الردود والمواضيع على كتابته

بصراحه أنا مب كويتيه أنا سعوديه ولكن قلبي بالكويت
متابعه منتداكم من فتره مهوب قليله ويعجبني هذا القسم بالذات
لكن بالوقت الاخير بكل صرااحه اتضايق إذا دخلته وهذا من سبب بعض الردود وبعض المواضيع

ادري موضوعي ماراح يعجبكم لكن يشهد علي الله كتبته حفاظا على المنتدى لانه صار هالقسم قسم مشاكل
مهوب قسم الحياة الزوجيه

والله ردود يقشعر منها البدن انصدمت منها وربي اللي تسب خالتها واللي تطنز على شكلها واللي ودها تعطيها على وجها بالنعال الله يكرمكم واللي تكتب بنات الناس انها حقيره شنوا هذا بالله ؟؟

ليش بالله كل هذا

انا عتبي على مشرفات القسم يعني شلون يسمحون بردود مثل هذي
والله عيب احنا حريم ومتزوجات وعندنا اطفال صرنا اشبه بالاطفال الصغار مو معناته نتكلم من خلف الشاشات نفقد الاحترام

لا بالعكس المحترم محترم بالنت او غيره

ولكن فيه ردود ماشاءالله عليهم وربي اشوفها اذكر الله من شدة اعجابي فيها رد رآقي

كل قصدي هو نصيحه قبلتوها ياهلا رفضتوها بكيفكم !! ((فذكر ان الذكرى تنفع المومنين))