اول حمل والاوضاع متلخبطة ابليز ابي نصيحتكم

حبيبتي والله حاسه فيج

انا من اهل الحساسيه ولما حملت كل شي ممنوع انا اقولج استحملي انا استحملت
انتي بفتره حساسه وفيها تكونين الجنين ما نصحج باي ادويه ممكن تاثر باجر لا سمح الله
على نموه ولا نمو مخه

انا بعد السادس بديت استخدم بخاخ وانا حملت بعز الغبار والحساسيه الحين الجوي يبتدي يتعدل ويفصى وراح تخف الحساسيه معاج

ادويه للبشره روحي دكتور جلديه في ادويه خاصه للحامل وبشرتها وممكن هرموناتج ماث لازم تتحملين
انتي يطلع لج حبوب في بنات تطلع لهم بقع سوده
فا شي احسن من شي فركي ويهج بليمون خل يشيل لج الدهون بويهج عشان لا تتكون الحبوب

اما بخصوص الشعر ماقدر افيدج لان شعري نفسج يطيح
وانا ماخذ فيتامينات بحمالي يتعبوني معدتي ما تتحملهم

فا اتوقع لو تاخذين الحبوب راح يتعدل شعرج

والله يثبت حملج يارب ويتمم عليج

ميخالف حبوبتي وسعي بالج .. كل الي قلتيه هذا عااادي انتي ناسيه انج حاامل فعادي يصير عندج كل هاللخبطة هذي البشرة وشعرج مقدور عليهم باجر مع الفيتامينات الي راح تاخذينهم من الشهر الرابع راح يتحسن .. والزكام حطي حرتج بالبرتقال وياارب ما تشوفين الا كل الخير حبوبتي ويقومج بالسلامة ياارب العباد ..

حياتي انثى الكويت اللة يطمن قلبك وانشاء اللة تخف هالحساسيةوربي يجزاك خير اسعدني كثير كلامك

حياتي تسلمين عالنصيحة وانشاء اللة بحط حرتي في البرتقال واللة يصبرنا يارب ويقومنا بالسلامة

الله يعينج بس ترى هذا كله طبيعي وانتي حامل بس اهم شي لا تاخذين ادويه خاصه انتي توج المرحله الاولى ما ينصحون تاخذين لها شي والله أنا حتى بندول ما كنت أخذ بعد الخامس عادي بس الحين لا بس انصحج لان هم أنا الحساسية ذابحتني تستخدمين فكس الفلبن اذا عندج خدامه فلبينية تعرفه أكيد اسمه white flowerوايد ريحني تحطين جم نقطه بخشمج قبل النوم عجيب وهم فيه خلطة بس مو حق الحساسية حق الإنفلونزا انج تقصصين بصل وحدة او ثنتين وتحطينهم بكونتينر زجاج وتحطيم فوقهم ٤ قفاش كبار شكر وتسكرين الكونتينر عدل وتخلين البصل يوم كامل ثاني يوم راح تلاحظين ان فيها ماي شخلي البصل وأخذي الماي شربيه واستمري عالهاخلطة جم يوم وان شاء الله كل امورج طيبه وبالنسبة للحبوب والشعر كلنا نفس للحاله أهي مرحله وتعدي والحمد الله على كل حال والله يسهل عليج ويقومج بالسلامة *