انتفاخ في فتحة الشرج

السلام عليكم و رحمة الله و بركاته

قبل كم يوم طلعلي انتفاخ في فتحة الشرج و عزكم الله مع اسهال و آلام حاده في البطن خاصة الجهه اليسرى…. و أجس بخمول و غازات…

شنو السبب؟ و العلاج؟

السبب والعلاج تحصلينهم عند طبيب الجهاز الهظمي راجعي الطبيب ابرك لج من تشخيصاتنا احنا مو اطباء

احتمال بواسير او ساعات يكون التهاب بالقولون احس روحي المستوصف خليهم يحولونج المستشفى اظمن ولا راجعي عياده خاصه بالجهاز الهظمي

شكله بواسير او القولون لا تسكتين روحى الطبيب المختص قبل لا تتفاقم معاج المشكله

انا اقول روحي لطبيب مختص بامراض الجهاز الهضمي يمكن تكون شغله بسيطه اذا تلاحقتيها في البدايه وماتشوفين شر يارب

جزاكم الله خير..

و إنشاء الله بحاول ألقى طبيب زين للجهاز الهضمي

اللي تعرف رقم أي دكتور عالجت عنده لا تبخل علينا و تحط رقمه و اسمه

روحي عند دكتور فواز العامر بمركز الجراحات التخصصيه بحولي الي قبال الشعب زوجي عالج عنده بعد ماياس من علاجات الحكومه الي مامنها فايده

بالشفا العاجل ان شاء الله وصدقيني اعراضك هذه لازم طبيب مثل ما نصحوج الخوات

طمنينا عنج حبوبه

انا بقولج كذا دكتور من تجربتي لهم الشخصيه

د.معصومه العلي في مركز ثنيان الغانم بالاميري
د. محمد الشمالي وعياده بالشعب عند مكدونالد
د.اياد الرويح مادل عيادته وين بس يمدحونه
د.خالد المخيزيم عيادته مقابله لعياده محمد الشمالي

وطمنينا عنج

اعتقد انها بواسير
ونصيحتي لوجه الله روحي لدكتورة لانه فحص الشرج محررررررج جدااااا

المشكله مستحيه أدش عند الدكتور يفحصني…

أبي علاج بدون فحص, ما يصير؟ هههه

راجعي دكتورررره مو دكتور

لازم فحص وساعات لازم يشيلونها بعمليه شتسوين مضطره

شوفي بالجرايد اذا فيه دكتوره مختصه بالجهاز الهضمي جني سامعه بفرجينيا كلنك فيه دكتوره خاصه بهالسوالف

بس مرات يكون بسبب الامساك المزمن والشد اثناء الغائط اعزكم الله تطلع البواسير
بس اكيد في كريمات او تحاميل حق هالامور اذا خفيفه مو شرط دكتور