|
|
السلام عليكم ورحمه الله وبركاته
الحمد الله على سلامتي وسلامه كل بنات تجمعنا
احمد ربي واشكره انه الله خلاني وطلعني بالسلامه وولدي حبيبي بحظني بعد ما عانيت من اللي صار فيني
طبعا انا هذي 3 ولاده لي في مستشفى الصباح طبعا انا اولد فيه لأنه انا حاله خاصه لأن عندي الحوض ضيج
والرحم مايل لليمين فمراجعاتي كلها بالخاص ولمن اتقرب ولادتي اروح الصباح
دخلت المستشفى في 8-3 طبعا انا المفروض على حسبه دكتورتي بالخاص اولد في 26-2
مارضى الدكتور وطبعا اراجع دكتور وبعدين فجأه تغير حق واحد ثاني ويقولي انه مشغول قلت ايه عادي
المهم دكتوري اهوه اللي اولدني وسوالي دخول المستشفى علشان في 10 -3 عمليتي
الصدمه الاولى اني دخلوني في اقدم جناح قديم بالمستشفى اللي اول ما دخلت الجناح انقمت قلبي
والسسترات يكتبون بياناتي وانا خانقتني العبره مو قادره اتكلم من الظيم اللي جدامي
وقاعده احط اغراضي وانا ابجي خلاص مو قادره مستحيل اولد قيصريه وارجع نفس الجناح طبعا بوريكم صوره الحمام عزكم الله
راح تنصدمون وسوري على هالصوره بس بوريكم المعاناتي
شوفو الضيم الستاره اللي لمده يومين انا امجابلتها اقول حق أهلي تعبت وانا اعد الخطوط اللي فيها من الملل لو ما الاب توب معاي جان انا الله يعلم بحالي
المهم انه لمن حجزت غرفه خصوصي قالو مستحيل اتحصلين لأن في 3 اجنحه مصكره للصيانه وزحمه حيل على باقي الأجنحه
وطبعا وااسطات الدنيا ما خليت احد ما أعرفه والى ودقينه عليه لأني كنت ميته من الخوف اني اطلع من القيصريه وما ألقى
يوم 10 -3
من الصبح صكرت اغراضي كلها ولبست لبس العمليات وزهبت نفسي وكنت حدي متخوفه واقرى قرآن لأني خايفه من البنج الموضعي وطبعا ما خلو اختي تدخل مسكينه اتحاول مو راضيت تحت لين يو خذوني وطول الطريج وانا اقرى قرآن ودموع لأني احس اني بروحي ابي احد ماكو وايه نسيت اقولكم قبل العمليه بيوم اكتشفت انه الدكتور اللي اراجع عنده مو اهوه اللي بسوي العمليه
الدكتور اللي كان بمكانه واول ما دخلت غرفه العمليات جان اشوفه جان اقوله عاش من شافك دكتور من دخلت المستشفى حتى ما ييت لي ولا دريت انك انت بتسوي لي العمليه جان يضحك يقولي خلاص كا شفتيني الحين وخلاص لا تبجين وبتمر على خير ان شاء الله وفعلا الله سهلها لي سبحان الله وكانت العمليه رووعه وقاعده اسولف واضحك معاهم والممتع بالأمر انه كنت مو عارفه شنو ببطني قبل العمليه بيوم قالولي بنت تخيلو ويوم طلعو البيبي قعدت ابجي لا شعوريا قلت سبحان الله يا مخرج النفس من النفس
بس المشكله كان البيبي شارب ماي اشوي وماصاح بسرعه واخترعت جان ينومني دكتور البنج اشويه
صحيت بالأفاقه وكان الدكتور يمي وقالي الف مبروك عمليتج ممتازه وتمت على خير وانا صرفت لج اقوى نوع مسكن اول ما يفج البنج عنج طلبيه من السسترات علشان لاتحسين بالألم
تخيلو اهنيه بدت المعانات
غيرو جناحي من عمومي الى عمومي آخر السستر اللي يايه تستلمني امنفسه ومعصبه حدها !!
ما ادري ليش
كان بادي معاي العوار تخيلو اقولها سستر بليز ابي مسكن تقولي وليش ما قلتي للدكتور ؟؟ اقلها قلت له وهوه كاتب بالملف تقول انروح الجناج وبعدين اتصل فيه تخيلو ونروح الجناح والحمد الله القى اختي داشه بويهي وابجي اقولها ميته من اللم وردت على اختي نفس الرد وهيه امعصبه خلاص بدق على الدكتور واقوله
يوم وصلت للسرير تخيلو البورتر اهيه اللي تساعدني وهيه امعصبه تقولي نطي وتحركي بسرعه من السرير لي السرير الثاني ؟؟
وانا ميته من البجي مو قادره آخر شي اسحبت ايدي حيل مالها خلق تنطر الله يسامحها وبعد ساعتين الله رحمني وطلع لي غرفه خصوصي وتعالي عاني مره ثانيه بنقله السرير والنقله من مجناح لي جناح الخصوصي اللي الوع من العمومي تكرمون يلوع الجبد وحيل قديم يبجي والحمام لا تعليق
تخيلو خلوني اعاني بجي من الألم من 12 الظهر الى 4 العصر مالهم خلق يدقون على الدكتور
وريلي واختي رايحين ورادين عليهم وانا اترجاهم تكفون بموت مو قادره ياله تكرمو ويه دكتور ثاني وشاف الملف وعقبها حطلولي مسكن وبس مادريت عن شي عقبها ………….. من باجر لمن يه الدكتور انصدم من اللي صارلي وعصب عليهم ووراني بالملف انه اهوه كاتب لي وانهم اهم مالهم خلق يشوفون الملف وقالي اشكره قالي مالهم خلق بيفتكون قالو داقين على الطبيب وما يرد وانا محد دق علي متخيلين ؟؟؟؟؟؟؟؟؟
البيبي دخلوه بالعنايه لمده يومين ثالث يوم انا توني بدايه امشي واتحرك يابوه وقطوه عندي ولأنه مالهم خلق الله يسامحهم يغيرون له حفاظ امخلينه من الساعه 2 الظهر لي 9 بالليل مو مغير له وكل ما اناديهم تقولي زين وزين وحاقره طاف
رابع يوم طلعت من المستشفى ورديت البيت انصدمت منطقه الحفاظ ملتهبه حدها حرام يكسر الخاطرمحترقه وبس يبجي
الحمد الله ريلي راح الصيدليه ويبنى كريمات وبدى يخف لله الحمد
اللي صارلي ونقلته لكم مو علشان اخرعكم من مستشفى الصباح لأن فعلا في حالات لازم تولد اهناك ووكانت العنايه الطبيه في العمليه من اروع ما يمكن والحمد الله مرت بسهاله بس اللي عانيت منه الأهمال
اتمنى فعلا انه يتعدل المستشفى وطاقم السسترات يارب لأنه اللي مريت فيه من عذاب ما اتمنى احد يمر فيه صج
اقول حق خواتي تتوقعون جم جلسه مساج محتاجه علشان انسى اللي صارلي لووووووووول
سامحوني الصور حيل كبار بس ما اعرف اصغرهم
دمتم سالمين
تبين الصج كنت متوقعة واسمع عن الصباح بس ماااااا توقعتها بهالاهمال
ومالت عليهم الصباح اللي مجبور الله يعينه بس اللي مومجبور يروح يدلل روحه بالخاص
اجر وعافيه ياقلبي والصور لاتعليق الصراحة
ماجنه ديرتنا ديرة عزززز
والله القيصرية بروحها عذاب
او الخاص صج رحمه
انا بالنقلة من سرير لي سرير اهما شالوني شيل واااااااي وين فيني حيل اقوم او انا بطني مشقوق ومخيطو !!!
الله فكج الحمدالله او عدت على خير
ومبروووووووك
والحمد لله على السلامة
انا لما ولدت قبل قيصرية بالعدان سنة 2024 كانت ولادتي حلوة والمسكن قوي والبيبي عند السسترات لأني عملية
قطيعه الصباح شفيهم ما كو احساس
ايه والله المصيبه انه ديرتنا ديره عز خير وجذيه مستوى المستشفيات عندنا
للأسف
دمتم سالمين
وليش مادقيتي على مسؤولت الجناح؟؟؟
نفسي انا صارلي جذي معامله خايسه رحت حق مسؤولت الجناح هزئتهم والدكتور همن زفهم لاني دقيت واشتكيت عنده وتسنعم عقبها صارو شحلاتهم انصح اي وحده تراجع بمستشفى الصباح تاخذ رقم دكتورها
واذا شفتي استاف السسترات مو شي اشتكي عليهم عند مسؤولت الجناح
الحمدلله انتي بخير والبيبي
عسى الله لا يعودها لج من تجربه
اهم شي سلامتج انتي والبيبي
هذيل ملائكه الرحمه وينهم وين الرحمه الحمدلله والشكر انتي بس تشوفين وحده تبي شي بالمستشفى وربي انج تسااعدينهااا اشلوون هذي واهي ممرضه
الله يعينج اشلوون تحملتي (( المكاان بروحه يجيب الهم والغم ووووع )) لا والمشكله انج قيصريه الله يعينج على الالااام
وانسي كل إلي صار ولاتفكرين هذا مستوى مستشفيات الحكومه الله يسامحهم هذا سيفو وهذا خلاجينه
هذا مستشفيات الحكومه وما تسوي انا مراجعات بالصباح ما اتحمل شلون الولاده
ومبروووك ما ياج
عاد انا قبل اسبوعين سويت عندهم ربط والسسترات يهبلون معاي
بس على قولتج الجناح يلوع الجبد
والشغله اللي بطت جبدي مخلين دكاتره بنج متدربين يغزوني ابره الظهر >>> طلعت روحي من العوار