ان الله مع الصابرين

انا وحده متزوجه من جم سنه وعندي عيال وبنات
مشكلتي اهي ام زوجي
والله يا بنات معتبرتها مثل امي من دخلت عليها وانا ما اناديها الى يمه
مابي احسسها اني غريبه عنها قلت خلني اناديها بهذا الاسم وادري انها بتفرح بهذا لاشي
كنت ما احبها تقعد بروحها اجيها واسليها كل يوم
وقت لاغدا انزل لها ووقت المغرب عندها
طبعا
مو مقصرا فيها كلش ما اروح السوق الى لازم ادخل واجيب لها شي معاي وحتى الجمعيه اوصي زوجي انه لازم يجيب لامه كثر اللي يجيب لي
لاني مابي عيالي باجر يقسون علي كنت دايم احط نفسي مكانها
ما تتخيلون يا بنات
الصدمه
انها دايم تشيش زوجي علي وتمدح بنات من جماعتهم عنده
ليش جذيه
ما تخاف من ربها توصف مفاتن الحريم جدام ولدها
طيب شتبي من هذا كله
سكت ووطوفت هالشي
تخيلو بنات
اي شي يصير في البيت حطت السبه علي
اذا انحاشت خدامه من خدمهم قالت انتي السبب
اذا ولدها سوى شي غلط طبعا انا مالي شغل تقول كله من تحت راسج
حاولت اسايرها واقول حرمه كبيره والمفروض استحملها
واهي بمكانت امي مع العلم امي عرها ما ضايقتني بشي ولا حسيت بالمهونه كثر اللي حسيته عند ام زوجي
على طول تشيش حتى جيرانها علي وتحاول تشوه صورتي باي طريقه
الين جاي اليوم لالي ما عقبه يوم
قالت عني كلام مهوب فيني
شي عجيب وظلم قوي
سويت لها مشكله من غير اي شي وقامت تصرخ علي بصوت عالي
وانتي وانتي وانتي فيج وفيج
وانا ضليت ساكته
وعرفت انها ناويه نيه شينه فيني
ووصلت فيها انها تقول لزوجي طلقها
زوجي انصدم يعني انا مالي شغل بالسالفه وكافه خيري وشري واهي
تصر على كلامها
تحاول تكرهه فيني باي طريقه مدري ليش

ما كلمتها ولا كلمه
كنت اطالعها وقلبي يحترق
ليش تقول هالحجي
لو اني مره ملسونه جان شسوت لو اني صج راعيه مشاكل شقالت
في عز حرتي وقهري والمي منها
رحت لشقتي ودعيت عليها من كل قلبي
دعيت على وحده تحاول تفرق بين زوجين
دعيت على وحده ما تتمنى السعاده الى لها ولبناتها
دعيت على وحده تبي تخرب بيتي وانا حاطتها بين عيوني

كان دعائي واحد
كنت اقول
اللهم ارني عجائب قدرتك فيها وانت اعلم بها واعلم بنياتها
اللهم من ارادني بسوء فجعل تدبيره تدميره
اللهم انت اعلم بنياتها فاذا كانت تنوي لي شي به شر فجعل نيتها بها وببناتها
ودعيت وقلت اللهم اربط لسان كل من تكلمت عني بسوء واغتابتني وظلمتني بشي لم افعله

بعد مرور شهرين على هالموضوع واخر سالفه بينا حصلت

ما تتخيلون
شصار لهم عقب
اللهم لا شماته

وحده من بناتها تطلقت وانقس البيت بينها وبين زوجها
والثانيه اطردتها خالتها من البيت وسوت لها مثل اللي سوته فيني امها <<اللهم لا شماته بس شوفو حكمة ربي في الموضوع

مثل ما سوت فيني ربي سواه في بناتها

واهي صابها ثقل في اللسان لدرجة انها ما تقدر تتكلم الى قليل وطول الوقت ساكته

اشوف بعيونها الم وحسره وعيونها تغرق دموع واهي تطالعني
كنت ما ابي ابين لها اني اطالعها علشان ما اجرحها او تقول انتي تتشمتين فيني
واليوم وانا توني راده من دوامي
نادتني وكانت بروحها
ما فهمت منها الى بعض كلمات
قالتهم لي وبقولكم الكلام اللي نطقها الله على لسانها

وهذا اللي قالت
يا بنيتي يا ما ضلمتج ويا ما تكلمت فيج عند القريب قبل البعيد
سويت فيج شي ما يتسوى
وصبرتي ولا شفت منج الزله
واشوف في كل يوم لي حوبه منج
واشوف في كل يوم لي حسره بقلبي والسبب فعايلي فيج
قالتها ودمعت عيونها وقالت تبقين امي وام الغالي

وهذا انا توني اكتب لكم الموضوع وهذا اللكلام اللي قالت حصل قبل اقل من سبع ساعات