اليوم صارلي موقف تعالو

انا مدرسة فى ثانوية بالاحمدي …عندي بنات يهبلون ولازم بالصف وحدة تعر عليج اليوم طولت لسانها وحدة خايسة قاعدة طول الحصة سوالف وضحك جان احط بدفتر العلامات اكس عليها وعلى إلايي معاها جان اسمعها تقول ( تلعب بالعلامات )
بطت جبدي جان اقولها انا بسوي نفسي موسامعة بس اواريج…
قطيعة لسان اشطوله ابروحها ساقطة ولاشفوي ولاشئ اتلوع الجبد….
عاد قررت اروح ابتدائي في محافظة مبارك على الاقل عند بيتي وقالولي بواسطة وبحطلي هالواسطة من يفتحون باب النقل اول وحدة انا …
مادري اشرايكم؟؟؟ ويصير انتقل وانا هالكورس متعينه يديدة؟؟؟؟

فيدوني تكفون

..

واي الله يعينج .. بنات هالجيل كلش ماكو احترام …

مادري عن النقل .. البنات ان شاءلله يفيدونج …

ماحبيت اطلع بدون ما اعلق .. سوري …

…

تنقلين بس مو هالسنة السنه الجايه

قوليلها ايه العب بالعلامات .. وكل مازدتي زدت بلعبي وانتي الخسرانه

مشكله بعض البنات كسللانه وفاشله وقليلة ادب

ميخالف يالغاليه هذول مراهقات وانتي بيدج تحسنين سلوكم

على بالج الابتدائي راحة ههههههههههههه

ترى اخس من جذي دلع ومصاخة بس الابلة اهيا الى لها دور بتعديلهم لان الاهل الله بالخير هالايام( البعض عشان ماتزعلون)

وجع حتى وجع و الله لو منج اشرشحها اوديها الاداره وبالطابور تتهزأ عشان تحرم اهي وامثاله يسوون جذي
اما يالنسبه حق انتقالج و الله مادري شوفي اللي يريحج وين وروحي

الابتدائي وايد احسن لج
موفقه

عادي حبوبه راح تتعودين عليهم

بس جم زفه منج يتادبون

بس انا براي الثانوي واايد ارحم من الابتدائي

لان الثانوي بنات كبار و يتهددون بالدرجات

بس القرار الاول و الاخير لج

والله يوفقج

النقل صعبه الحين

ما لج الا السنه اليايه

لو انج معاقبتها بنفس الوقت راح تنحرج وما تكررها

انا عندي الابتدائي احسن ,,

بنات هالوقت لسانهم اشطولة ، مافي احترام للمعلمة .. بس والله حتى في الإبتدائي تلقين نفس النمونة هذي ويمكن أخس .. والمهم أنج ماتعطينهم ويه وتخلين كل وحدة توقف عند حدها. والله يعينج حبيبتي على هالأشكال

انها مثلك ثانوية وجربت كل المراحل من الرياض الى الثانوية ههههههه خبرة والصراحه الثانوية وايد وايد اريحلي من كل المراحل الي مرت علي طبعا هذا على حسب التخصص

اليوم عيل عطوني مراقبة 11 علمي وكان عليهم فيزيا دخلت الصف وقاعده اعدل مع البنات الادرج مع اني مو ملزومه اني اعدل وكل البنات قاعدين ورا متيمعين حق الغش قتلهم قوموا مو راضين طشرتهم غصبن عنهم ولا وحده تصرخ علي وهي معصبة بعد متخيله طالبة تصرخ عليك شنو تسوين ؟ وقالتلي يلا ابله وزعي الاوراق ما صارت لي متى يعني مالك شغل بالبنات واحذفت القلم على الدرج مالها

عاد انا ما عصبت عليها بملامح ويهي لالالالا طلعتلها عيوني عطيتها غزة قتله اعصاااااااابك بصوت مشدود اشفويك انا صارلي ساعه واقفه اقول عدلوا ومحد يسمع هذا كله من وقتكم جذي تردين على الابلة بصوت عالي ما كو احترام مع اني مو متأخرة على توزيع الاوراق انا رايحه مبجر بعد وبسسسسسسسسسس

الله وكيلك مو بكت الا مااااااتت من البجي وزعت الامتحان وبس

الله يعينج

السلام عليكم . شوفي حبوبة . بنصحج نصيحة لوجه الله من أخت كبيرة لها عمر في مدارس التربية. ومع احترامي لكل الآراء الي طلبو منج استخدام الشدة . أكبر خطأ ابج تستخدمين الشدة . الجيل تغير الجيل هذا ما يهمة شي الا نفسه. والشدة والعناد راح يعقبها شدة وعناد من الطرف الآخر. مروا علي بنات قليلات أدب . ما فاد معاهم الا اسلوب واحد اللين والمقابلة الاساءة بالحسن لا تتوقعين انه هذا الاسلوب ضعف بالعكس البنات في سن المراهقة لو عاملتيهم بهذه المعاملة راح تكسبينهم . حبيبتي آنا أتكلم عن تجربة عشتها وايد في التربية هذه البنت تقدرين بشخصيتج اتخلينها خاتم في ايدج اخذيها على جنب كلميها بحنان التمسي لها عذر ما تدرين شنو ظروفها

شوفي حبيبتي قولي لها انج تقدرين تتخذين اجراءات ضدها مثل تقولين للادارة أة استدعاء ولي أمرها بس قولي لها ان قلبج عليها انج تحبينها اهي والبنات مثل خواتج الصغار . وانج ماتحبين تحطينها في هذه المواقف. ومن هذا الكلام الي يبن لها ان قلبج عليها وذكريها ببر الوالدين وان أمها كاسرة خاطرج لو انها اعرفت شنو بنتها تسوي في الصف وذكريها ان الرسول صلى الله عليه وسلم يقول المسلم من سلم المسلمين من لسانه وانج اتبعتي هذا الحديث وحثيها على اتباعة وقولي لها بما انج جديدة وصغيرة اشرايج نكون صديقات . بس طبعا في قرارة نفسج تكون في حدود . بس انج في هذه الحالة راح تكسبينها وقولي لها بما ان عندج طاقة فكلفيها بعمل . تشرح جزء من الدرس . أو عمل نشاط في الاذاعة . وصدقيني عن تجربة بتصير أهدى طالبة وتهدي البنات واحتسبي الأجر . هذولة بنات الكويت ولازم انقدم تضحيات للكويت

الله لايبارك بشيطانهم على اقل شي يروحون الى المنطق التعليمي -والمنطقة اللله يخلف شي ثاني عن المناطق التعليمية ليييييششششش ماتدريييييين؟

الله يعينج…..

انصحج لا تحطين عقلج بعقلها وعليج بدرجات وزف وبس لاتحرقين اعصابج وحده مو مهتمه لا تهمج وعندج الإداره..

بس عفيه لاتقولون كل بنات الثانويه جذيه انا توني متخرجه واحب ثانويتي حييييييييييييييييييييل واموووووووووووووت بابلاتي..

حتي اني الحين ما احب قعدة الصبح كل ماقعدت الصبح تخنقني العبره اتذكر المدرسه وايامها الحلوه…

ثانويتي احلا ثانويه بالكويت وبذات الاحمدى لان ابلاتي يهبلون فديتهم…

حتي حبيت التدريس منهم والحين ناويه على مدرسه بس انتم خرعتوني وحابه اكون مثلهم ثانوي…

ابلاتنا مازالوا يذكرونا بالخير حتي تو زرناهم واستانسوا منا ويقولون احنا دفعه غير و ان شاء الله كل دفعتنا بتزور المدرسه بيوم خاااااااص لهم….

احبهم والله يذكرهم بالخير فديت رفيجاااااااااااتي وابلاااااااااااااااتي