|
اليهال يلعبون مع بعض وفجأة تلاقينهم تهاوشوا
راح أعلمكم طريقة تتبعونها مع عيالكم علشان تمتصون غضبهم بعد ما يتهاوشون
إذا شفتي اثنين تهاوشوا قولي لهم خنسوي بينكم محاكمة علشان نشوف من الغلطان فيكم
واتكلمي معاهم بطريقة تحسسين كل واحد فيهم إن انتي معاه والمحاكمة على شكل حوار .
مثلا اثنين من الأولاد تهاوشوا وواحد منهم قام يبجي
أسأله : شفيك حبيبي ليش تبجي
الأول : فلان طقني
– انادي الثاني وأكلمه بهدوء ليش طقيته ؟
الثاني : اهو اللي طقني أول
آنا : اهااااااااااااااااااااااا إنت اللي طقيته أول علشان جذيه طقك .
الأول : لأن ما يخليني ألعب معاهم كرة
آنا : اممممممممممم الحين عرفنا ليش طقك لأنك ما تخليه يلعب معاكم كرة
الثاني : لأن اهو كله يخرب علينا
آنا : إييييييييييييييه يعني انت غلطان ليش تخرب عليهم اللي يبي يلعب لازم يلعب عدل
الأول : انا العب عدل بس اهم يقولون لي مو جذيه
آنا : آآآآآآآآآآآآآآآآآآآه عيل انت الغلطان ليش ما تعلمونه شلون يلعب معاكم
الثاني : كل ما نعلمه ماكو فايدة ما يعرف
آنا : اهاااااااااااااااا يعني تدري إن اهو مو متعمد يلعب غلط
الثاني : ايه مو متعمد بس أذانا
واتدرجي معاهم بالحوار وبالأخير قوليلهم :
– خلاص انا اقول لكم الحين قرار المحكمة
– انت غلطان لأنك طقيته وانت تدري ان اهو مو متعمد كان ممكن تكلمه بهدوء وتفهمه يا تلعب معانا عدل أو اقعد وشوفنا شلون نلعب لما تتعلم وبعدين تلعب معانا
وانت الثاني بعد غلطان لأنك لازم تركز وتنتبه للطريقة اللي ربعك يبونها علشان ما تغلط ويخلونك تلعب معاهم
يالله روحوا الحين لعبوا مرة ثانية وكل واحد فيكم يصبر على الثاني
وتلقين الغضب اللي فيهم كله راح
بس المهم لا تطلعين واحد منهم صح والثاني غلطان
يا تخلينهم اثنينهم غلطانين يا اثنينهم صح بس حصل بينهم سوء تفاهم
شرايكم ؟؟
اليهال يلعبون مع بعض وفجأة تلاقينهم تهاوشوا وتعالي حلي المشكلة اللي بينهم
راح أعلمكم طريقة تتبعونها مع عيالكم علشان تمتصون غضبهم بعد ما يتهاوشون إذا شفتي اثنين تهاوشوا قولي لهم خنسوي بينكم محاكمة علشان نشوف من الغلطان فيكم شرايكم ؟؟ |
واذا ما ردوو عليج شنو تسوين فيهم محد عطاج بال مثل الأشكال إللى عندنا فى البيت شتسوين فيهم ؟
عاد اذا محد رد عليج اطقين الاثنيييين
لا لا اتغشمر
بس حاولي اتييررين منهم الحجي وشوي شوي يتجاوبون
مشكوووووووووووووووووووووورة
يا كوكب الدرر على موضوعج وان شاء الله استفيد منه للمستقبل
لان اذا تعودوا على جذي في الهوشات الجاية على طووول يتحاكموا عند المام اول …
وأقول حق طبيخة جربي ما راح تخسرين شي
بس أهم شي كثري من قولة اهاااااااااااا اممممممممم اييييييييييييييي آآآآآآآآآآآآآآآآآآآآه
الحييييييين عرفنا
لأن هذي الكلمات تشد انتباه الياهل وتخليه يسمع اللي تقولينه
انا بنتى الثانيه تموت على البجى وما تعطينى مجال اكلمها لو تسمع كلمه من اختها مو طق فتحت حلجهااا
بس والله خوش فكره عيالي صغار لي كبروا اطبقها ان شاء الله
بالزواره لما يتهاوشون عيال خواتي يركضون ايوووني وكل واحد يقط اللوم عالثاني عاد انا شسوي فيهم"
اقعد اسمعهم لييييييييييييييين يخلصون شرهات وعتاب علي بعضهم بعض تالي اقول يالله روحوا لعبوا من اول بدون هواش وبشوف اللي يتهاوش الله مايحبه ويطخون يصيرون خوش يهالووووو بس مالهم امان مسرع مايقلبون علي بعض ههههههههههههه
انتي عندج عيال؟؟
اذا عندج عيال وكتبتي هالطريقه معناها الله يهنيج بعيالج صراحه
واذا ماعندج عيال خليني اقولج احنا وعيالنا شلون صايرين بالكويت
اليهال يلعبون مع بعض وفجأة تلاقينهم تهاوشوا وتعالي حلي المشكلة اللي بينهم راح أعلمكم طريقة تتبعونها مع عيالكم علشان تمتصون غضبهم بعد ما يتهاوشون |
حبيبتي عندنا اذا كانوا يلعبون وتهاوشوا احنا نمتص غضبهم ومنو يمتص غضبنا عقب ماخربوا عليها قعدنا بصراخهم وصيحتهم؟ والله لا العن خير الأولي على الثاني فيهم واخليهم يوحن غرفهم مايطلعون منها يوم كامل عقب ماطينوا عيشتي
مثلا اثنين من الأولاد تهاوشوا وواحد منهم قام يبجي أسأله : شفيك حبيبي ليش تبجي الأول : فلان طقني |
والله متفائله في أول وثاني
اذا صارت هوشه وسألتي منو يبجي.. خمستعش واحد يردون عليج واهم مالهم دخل وفيج خير عاد تعالي سكتيهم
– انادي الثاني وأكلمه بهدوء ليش طقيته ؟ الثاني : اهو اللي طقني أول آنا : اهااااااااااااااااااااااا إنت اللي طقيته أول علشان جذيه طقك . الأول : لأن ما يخليني ألعب معاهم كرة |
هل تعتقدين من صج ان اليهال يتكلمون جذي؟
والله ياليت الله يسمع منج
الرد على كل سؤال تسألينه اهو جذااااااااااااااااااااب
ياقلان انت طقيته أول؟؟
والله الظيم جذاب اهو الي بدا
انت بديت؟
لا جذااااب اهو البادي
وعمرج ماراح تعرفين منو الصاج منو الجاذب وتنتهي المحاكمه بحكم الاعدام للأثنين اذا ما عدمتي كل اللي يلعبون معاهم عاللقافه بعد
انا اللى عندى يتخانقون ايهم اقولهم اشفيكم ليش تتهاوشون يقولى ولدى الكبير انتى احد كلمج ؟
امسك الصغير على طرف شسالفة عندة جملة ماتتغير انتى ماتحبينى وبعدين يرد علية الكبير اى اهى ماتحبك وتصير هوشة اكبر من اللى قبلها احاول اصفى النفوس ماكوفايدة
واقول الى كبير الحين يقولك اسف اخوك وهذاك يقول لامو اسف واقول للكبير شفت قالك اسف
اقول انتو خوان يقولون لااااااااااااااااا واتيهم حالة هستيريا احنا مو اخواااااااااان
صرت شنو اسوى من يتخانقون اخذ الشغلة اللى يتخانقون عليها
او اذا صارت معركة دايمة افرقهم واقرص فيهم واحط كلواحد بزاوية وهمن يتعايرون من بعيد الله يكون بعونا
بس يحليلج عايشه بزمن وردي
اذا على كل هوشه محاكمه عيل باخذ الحزام الماسي بالمحاكمات
يمكن تنقع اذا اليهال كبار
اذا ضغار و انزغ والله بيشييييب راسج
وعلى قولة ام بدير ما راح تدرين منو الصاج و منو الجاذب
واثنينهم بيفولون اهو اللي بدا و اهو اللي بدا
وبيصكج رااسج و تزفينهم اثنينهم خخخخخخخخ
سامحيني حبيبتي صكيتها بويهج لووووووووووووووووووووول
وطريقتي بعقاب اليهال اول شي احاول افهم السالفه وللعلم ماراح افهم شي
وبعدين يوقفون وويهم على الطوفه واللي مظلوم دايم اهو اللي يبجي اول خخخخخخخ لاني عاقبته ظلم وجحود
وبس يا ستي الحين عرفت منو اللي بادي
ومرة ثانية مشكووره حبوبه
ثانيا : أم بدير
دمج وايد خفيف والله قعدت أضحك لين دمعت عيوني
حسيت وانتي تتكلمين جنج قاعدة في بيتنا
أدري بسوالف اليهال لأن اليمعة كل خميس عندنا
وأيام العطلة كل يوم يمعة واللي ذكرتيه وايد مر علي
انا صحيح ما عندي عيال بس يوم يمعتنا اليهال كله عندي يحبوني لأني دايما ألعبهم وأقص لهم قصص وأقول لهم ألغاز
علشان جذيه بعضهم من يتهاوشون اييون عندي يشتكون لي وانا أحاول أحل مشاكلهم بعيدا عن الأمهات لأن الأمهات إذا تدخلوا ممكن يصير الزعل بينهم
والطريقة اللي ذكرتها في موضوعي طبقتها أكثر من مرة ونجحت ، بس بدون ما أدخل الشهود علشان ما يعورون راسي لما يتحجون كلهم مع بعض وكل واحد فيهم يبي يثبت إن اهو اللي صح وتصير صيحة
المهم إن احنا نحاول نبتكر طرق في التعامل مع اليهال وإذا ما نفعت طريقة ندور على غيرها
الله يعطيج الصحة والعافية والصبر على التعامل مع اليهال
تحياتي للجميع
كلامج صحيح
المحاكمة ما تنفع إذا كانوا اليهال أخوان
ما أدري ليش الأخوان لما يتهاوشون يحسسونج إنهم أعداء
بس ممكن تنفع إذا كانوا أقارب
اختي أمواج البحر
طريقتج هم زينة بس جذيه المظلوم راح يحس بالظلم أكثر
الله يخليلكم عيالكم وياما راح تعيشون وتشوفون
أهم شي إن نشوفهم بصحة وعافية وخل يسوون اللي يبونه
بس أتمنى إن الله يعطيكم القوة والصبر علشان تقدرون تتحملونهم على ما يكبرون
بس مابيج تزعلين من ردي لأن انا حدي اليهال ذابحيني وعارفه ان الطريقه هذي ماتمشي على عيالنا (الكويتيين بمعنى أدق خخخخخ)
تدرين شلون حاليا قمت احل المشكله بين عيالي؟؟
اول شي اذا اشتكوا من أي شي حتى لو بسيط ينطقون أثنينهم (طبعا طقه خفيفه بس عشان يحرمون كل شوي اييون يشتكون عالفاضي والمليان.. يا هذي مرت وحاشتني والا عطست بويهي والا دش غرفتي)
ثاني شي اخليهم يتحاربون ومايكلمون بعض كلش كلش
طبعا هذي صعبه عليهم لأن يبون يلعبون مع بعض
وانا خليتهم يتحاربون ومايحاجون بعض
واذا كلموا بعض بزفهم والا أطقهم
فيرجعون يعتذرون مني ومايشتكون بعدها وايد عشان ما ارجع واخليهم يتحاربون ويتوهقون بعدين مايلعبون مع بعض
خخخخخخخخخخخخخخخخخخخخخخخخخخخخخ
_03ba:
حدي شريره صح؟؟
ومثل ماقلتي الله يهديهم انشالله ويصبرنا عليهم