|
|
الهدف من الموضوع والله يا بنات انه في بنات يتزوجون واحد غصبن علي اهلها والسبب اني احبه وانا مروا علي هالبنات بحياتي ولما انصحهم واقولهم الريال قبل الزواج غير وبعده غير يقولون ما راح اخذ الا اهوا ولا راح اعنسسس !!!!
واخر شي يندمون بس في حب يستاهل يعني تحب واحد تاخذه بس اهلها يكونون مقتنعين فيه واهوا صج ولد حموله والنعم بس في بعض البنات الحب يعمي عيونهم نصحوهم يا بنات جزاكم الله خير
شنو الفرق بين قبل الزواج وبعد الزواج !!!!!!
الصور تتكلم .gif "Eh S(22)")
غالبا ما نسمع ان الرجل قبل الزواج غير بعد الزواج شرايكم بالمقوله هذي !!!
(– فوزيه دريع .gif "Eh S(3)")
شلون؟…
قبل الزواج: ماكو مسؤولية … الواحد يحب يطلع باحسن شكل وباحسن اخلاق جدام الطرف الثاني .. الرومانسية تسيطر عالوضع..
بعد الزواج : مسؤولية .. بيت.. زوجة .. ويمكن حمال وعيال.. ومعروف مع العشره تطلع طبايع الشخص واخلاقه الحقيقيه
ف اكيد قبل الزواج غير عن عقب الزواج
بس عندي مداخله ابي اقولها ، في بنات فاهمين الحب غلط ، يعني لما تكون عندها علاقه مع شخص ما تلغي عقلها بالمره ، ما تحاول توفق بين عقلها وقلبها ، انا ما اقول لج حبي بقلبج بس ، لا …. لازم تحكمين عقلج بعلاقتج معاه ، خصوصا اذا كنتوا جادين في العلاقة ومخططين للزواج .
لأنج راح تعيشين مع هذا الشخص تحت سقف واحد ، لازم تكونين مقتنعه في شخصه بالكامل علشان ما تندمين بعدين وتقولين هذا الشخص تغير علي كان قبل الزواج شي وبعد الزواج صار شي ثاني .
وخصوصا ان بعض الرجال هوائيين بطبعهم يعني كل يوم تشوفينه بمزاج .
اتمنى من كل بنت مقبله على الزواج انها تحكم عقلها قبل قلبها وتستشير اهلها او اي انسان تثق بكلامه علشان ما تندم على شي ، هذي عشرة عمر راح تكون بينج وبينه ، يعني مو بدله اليوم لبستيها وباجر خلاص ركنتيها مليتي منها .
اول شئ انا مو خاذه ريلي عن حب
وياليتني خذته عن حب
الموضوع كله نسبه وتناسب في كل الحالات نسب ثابته في ناس بالحب ويعيشون بهنا والريال في كل الحالات بعد الزواج يتغير الريال
وممكن كفاءه بين الزوجين وما يتوفقون عرفتي
بس الثوب حلاته رقعته منه وفيه
بس بالنسبة للزواج عن حب والزواج التقليدي انا احس ماكو فرق ..
في انسان زين .. وفي انسان سيئ سواء كان الزواج بأي طريقة …
بس اللي يصير ان الوحدة لي حبت تغمض عيونها عن كل العيوب ..
وبعدين لي راحت السكرة ويات الفكرة اتقول انه تغير ..
مع اني ما اظن في انسان يتغير تغير جذري فجأة ..
فالمفروض الوحدة تحسن الاختيار سواء تقليدي او عن حب ولا تفكرررررر تاخذ واحد غصبن عن اهلها وعزوتها ..
هذي الصفه (صفه التكيف) موجووده بكل الكائنات عشان الواحد يرتااح ويعييش حياته مثل مايبييها…..عموما اللي ابي ابينه انه مو بس الريال الي يتغير حتى امره تتغير ومومهم التغيير لانه الاهم انطبااع الناس علييج لمن تتغير اطبااعج
وتسلميين عالموضووع وفعلا موضووع يستاهل النقااش .gif "Eh S(7)")
كلش مو متحسفة و لا شي و اصلا المرا و الريال يتغيرون بعد الزواج شي طبيعي بس لما نتهاوش و لا نزعل بس نذكر ايام قبل على طول نتراضى و بالعكس افضل الزواج عن حب
زواج الحب معرض لمشاكل مالها أول ولاتالي الغيره الشك…….
مافي شي مضمووون بكلا الحالتين الواحد عليه بالدعاء وبركة الاهل والباجي على رب العالمين
للعلم هذا النك مشترك بيني وبين رفيجتي واهيه مو متزوجه فلا تستغربون من الردود
انا بصراحه تزوجت عن حي دام سنتين وكانت من احلى سنين عمري واتذكر يوم امه يت بيتنا تخطبني كان احلى يوم بحياتي وصج انه صارت مشاكل وايد بس الحمدلله
اهلي لما شافوا ريلي وابوه الل الحين صار عمي على طووووووول وافقوا…
وبالنسبه للريال اكيد غير قبل العرس وبعده بس يتم حبيبج اللي حبيتيه…
تحياتي للجميع
اذا كان ريال بمعنى الكلمه ماراح يتغير الا للأحسن…
وطبيعي البنت والريال يتغيرون بعد الزواج يصير في مسؤليه ونضج اكثر من قبل
بس الي اقدر اقوله الي حبهم صح بيكون زواجهم رائع وناجح
والي حبهم وهم ومجرد مشاعر مؤقته
نو وي ينجح