الي جهضت بلاسبوع الرابع تدخل بليييز

بنات انا اجهضت بالششهر الاول والدكتور قالي لازم يسويلي فحص عشان يشوف اذا في بقايا للطفل ولالا وطبعا انا خواااافه فرفضت هالشي وعطاني حبوب اسمها methergin وبروفين مسكن للالم الي لها تجربه بلاجهاض وكلت هالحبوب من غير لاتسوي تنظيفات تدخل تطمني

انا اجهضت بالاسبوع السادس وماسويت تنظيفات ولا فحص بس سونار داخلي بعد ماطاح البيبي وتنفست عند الوالده ربي يحفظها مثل النفاس مدت اسبوعين وقف الدم رديت لزوجي عادي بس بعد شهر سويت سونار خارجي اتاكد اذا الرحم نظيف او لا والحمدالله ماكان فيه شي
انتي خلي هالحبوب وتنفسي عدل وعليج بالرشاد معفوس مع تمره و سمن صج صج ينظف عدل وسلامات وان شاءالله انه خيره والله يعوضج

دااام شهر ماتوقع يحتاج تنضيف
انا سقطت علي شهر ونص وسويت سونار والرحم نضيف مافيه اي بقايااا
وصرف لي دكتور مضاد حيوي وينضف ان كان فيه شي وربي يعوضج ويعوضني ان شالله

انا اجهضت بالاسبووووع الخاااامس او السادس ماني ذاكره

بس ماحتجت تنظيفات طاااح الجنين وماصرفولي حبوب ولاشي

تنفست عدل ورديت لزوجي عادي الحمدلله. وسويت عقبها سونار ولله الحمد نظيف الرحم

اشربي حوار واكلي دويات نفاس … واذا كف الدم حطي تحميييله تنظفج …

انا اجهضت كان لي خمس اسابيع نزل علي دم بني وعقب احمر نفس الدوره من باجر رحت سويت سونار قالي الدكتور رحمج نظيف

ماحتجت لا حبوب ولا تنظيفات الحمدالله

الدكتور قال اعتبريها دوره

انا اجهضت ٥ او ٦ اسابيع كان حمل ضعيف والنسبه ماتضاعفت
ونزلت علي دوره عاديه مثل كل مره بس حاشني عوار وتنفست ١٠ ايام وسافرت اغير جوو وعشان
تتعدل نفسيتي وبعدها بأسبوعين سويت سونار داخلي وتأكدت ان الرحم نظيف

انا اجهضت بالشهر الثالث ونزل كل شي مع البيبي وما احتجت تنظيف وثاني يوم سويت سونار داخلي وكل شي نظيف

بنات حبيت انبهكم
اللي تجهض قبل لا يكتمل البيبي ترى ما تعتبر بحكم النفساء يعني لازم تصلي وتصوم مثل الاستحاضة وليس الحيض يعني تتوضى لكل صلاة من جديد

انزين انا خايفه من السونار الداخلي بعد ماادري احسه نفس الفحص اخاااااف اف ماكو طريقه ثانيه اعرف فيها ان رحمي نظيف وشكرررا لكل الي ردو علي

يعني اكل الحبوب ولالا ماكو وحده جربتهم

انا اجهضت و مابقالي شي بالشهر الثالث و ياااني طلق و عوار الله لا يوريج انتي اخذي مسكنااات

حبيبتي سوي سونار داخلي وتطمني احسن
عشان ماتحسفين بعدين لاسمح الله
وبعدين بنت عن بنت تفرق انا اجهضت بالاسبوع
السادس والحكومه والخاص قالولي لازم تنظيفات
وترى كلنا نخاف من الفحص والسونار الداخلي
بس كلها لحظات ويخلص

خذيت هالحبوب والحمد لله نظفت بعد 10 أيام.بس كنت آخذ لهوم وحسو. ولا احتجت تنظيفات

امبيه مووووصج يعني السونار الداااخلي لازم اسووويه انزين يعور ولالا يابنات ادري اسالتي واجد بس والله خايفه واول مره امر بهالشي

السونار الداخلي ما يعور لا تخافين مو مثل الفحص

انا نزل البيبي في الاسبوع الخامس و عادي ماكو شي و لا عطوني ادويه – و مو شرط سونار داخلي انا قلت له مابي فسوالي سونار خارجي و كان كفايه