|
|
معلماتي العزيزات
انا توني منتقلة مدرسة يديدة صبيان وراح ادرس الصف الخامس انشالله … ابي المعلمات اللي عندها خبرة تقولي شلون ابتدي اول يوم دوام وادخل معاهم بشخصية قوية وشنو الكلام والعبارات والنصايح اللي اقولها لهم تخليهم يخافون مني ويحترموني ونفس الوقت يحبوني
ياريت كل وحدة درست صبيان خامسة تنقلنا تجربتها وانشالله الكل بيستفيد
هلا حياتي ..
بالعكس خامس حلوين وممكن تسوين معاهم أحلى شغل …
بس من أول حصـه .
دخلي بشخصيه جاده .. وخليج راكزه ..
لان الصبيان يختبرون الابله .. عشان جذي لا تبينين لهم انج متوتره .. أو متردده ..
لا خليج راكزة وعارفه شنو تبين ..
قولي قوانينج .. ويفضل تكون صارمه وحازمـه فيهم ..
لا تضحكين معاهم وايد أول شي .. ولا تشدين الحبل ولا تسولفيـن ..
حاولي تكونين جاده معاهم ..
عقب شوي شوي .. أبدي ترخين الحبل معاهم ..
يعني اضحكي وتغشمري .. وعامليهم جنهم أخوانج الصغار أو ربعج ..
بس خلي لـ عصبيتج قيمه .. يعني مو على اي شي تعصبين ..
عشان اذا عصبتي .. تكون لـ عصبيتج هيبه ..
وان شاء الله راح يريحوونج …
موفقه حياتي
ثاني اسبوع نفس ما قالت رهوشه ارخي معاهم شوي وكلميهم على انهم كبار يستانسون