الى الاخصائيات الاجتماعيات الرجاء الدخول حاله انسانيه

السلام عليكم حبيباتي الاخصائيات
انشالله ما اعدم نصايحكم ، وكل وحده ترد لها اجر انشالله ،
انا صادفتني حاله بنت و كانت مو طبيعيه من ناحيه الانطواء والخجل ، بالابتدائي > المهم اهيا قالت لي انه شخص من الاسره اعتدا عليها ،، ماني قادره اقول اكثر شي يعور القلب ،، المهم شلون اتصرف ،، انا اللي سامعه عنه انه في شخص بوزاره التربيه نتصل عليه وهوا يتعامل مع هذي الحالات ، الله يخليكم نوروني ،، واذا كنتوا مكاني شلون تتصرفون ،، كاسره خاطري البنت

هلا اختي انا باحثه نفسيه اولى بوزاره التربيه وهذا من مهام الباحثه النفسيه متابعه هالنوع من الحالات بالتعاون مع مكتب الخدمه الاجتماعيه ارجو افادتي بمدرسه البنت عالخاص وانا راح اتابع الموضوع بنفسي وجزاج الله خير

حسبي الله عليه حشااااج هالجلب
انا مواخصائيه بس صج عورني قلبي عمى بعينه اللي مابقلبه رحمه
ليش ماتدقين على وليه امرها وتستفسرين عن حالتها احسن وان ماشفتي تجااااوب
مافي احسن حل الا وهوه المخفر حسبي الله عليهم مايخافون الله هالاشكال ماينفع معاها الا هالحل واذا مافادتج امها محد راح ينفعج الا هالخفر

حبيت اضيف نقطه بخصوص الدكاتره الموجودين بالوزاره لابد من تحديد موعد مسبق من قبل الباحثه النفسيه بالمدرسه والبنت تراجع بمرافقه الاهل يعني لابد من معرفه الاهل اولا واخيرا وحتى تقدر تتجاوز هالازمه

وللعلم الموضوع جدا حساس اذا انتي بنفس مدرسه البنت الافضل انج تبلغين الباحثه النفسيه بأسرع وقت لتدارك الحاله

هلا حبيبتي مشكوره على الرد حبيبتي الحاله اللي عندي تعرضت حق هذا الشي من فتره ،، واهوا مو مستمر حدث مره ،،، بس انتي عارفه الموضوع حساس جدا وصعبه تواجهين الام بهذا الشي وممكن انها تقلب عليج انتي يالاخصائيه ،، فهل قصدج ابلغج مثلا وشيل ايدي من الموضوع ؟؟؟ يعني ما اكلم الام ولا اعطيها مقدمات ؟ احولها على طول عندكم ؟؟؟ بالنسبه حق المدارس الخاصه شلون وضعها عندكم ؟؟ هل في قسم بالتعليم الخاص متخصص بهذا الشي ؟؟ الرجاء الافاده ؟؟ وبعد شي ثاني > تعبتج حبيبتي ادري ،،، بالنسبه حق الطلبه اللي تحسين عليهم اعتداء جسدي ،، يعني اهلهم ما يتعاملون معاهم الا بالضرب لدرجه الخوف الغير طبيعي من اهله شلون نتعامل مع هذي الحالات ،، وانشالله يا ربي ياجرج على هالعيال اللي يكسرون الخاطر

تم الرد عالخاص

لااااااااااااااااااااااا لااااااااااااااااا حبيبتي انا اخصائيه اجتماعيه توني متخرجه .. بس اعرف اتعامل مع هالحالات تدرين شتسوين ..

لاااااااااااااااتعلمين اهلها يمكن يحرمونها من التعليم او حتى يمنعونج انج تتدخلين معاها ..

في دكتور اسمه غنيم الفايز نتعامل معاه بوزارة التربيه لمثل هالحالات هو طبيب نفسي .. تقدرين تتواصلين معاه ويجي المدرسه ..

اما تتصلين عليه .. او عن طريق توجيهكم دورين رقمه وتتصلين عليه ..

هو متخصص في هالحالات ..

وانا اخذت عنده دوره .. وكان يتكلم عن مثل هالحالات اللي تعرضوا لتحرشات جنسيه وطرق التعامل معاهم .. تواصلي معاه ..

دوري رقمه وتواصلي معاه ..

واحفظي سر البنت ..

ولاتواصلين مع احد وتعطينه بيانات البنت ..

البيوت اسرار .. والبنت سمعه ..

وانتي ادرى بالسريه فشغلنا ..

مع احترامي لكل اللي ردوا قبلي ..

بالتوفيق ..