الوراثة

السلام عليكم

شلونكم امهات وخبيرات
ذاك اليوم قريت كتاب ولا مكتوب فيه انه الطفل يورث صفات من اهله وتعمقت بالقراية ولا اول مرة اعرف ان حتى الطفل يورث الحالة النفسية للام او الاب مثلا حالة الكابة وغيره
عاد انا يوم كنت حامل في بنتي كانت كل مشاكل بيني وبين زوجي وحاشتني كابة وحتى قبل لا اتزوج كنت دايما متضايقة والحين انا خايفة على بنتي انها تطلع عللي بهذا الشي
فمادري شلون اتعامل معاها وهي عمرها شهرين

الله يخليها لج وتتربي بعزج ان شاء الله

انتي عوضيها بالحب والحنان والرعايه التامه

ومع الاستقرار الاسري اكيد راح تصير حالتها النفسيه رووووعه

فلا تحتنينها حبوبه

تسلمين حبيبتي
بسوالله اني اطالعها واخاف تطلع علي

الله يحفظها لج ان شاء الله
حبيبتي اذا انتي خايفة تطلع نفسج غيري من نفسج وعالجي نفسيتج عشان بنتج والطفل نتاج البيئة الي هو عايش فيها
فلا تنقلين لبنتج هالشي مالها ذنب دايما ابتسمي في وجهها وناديها باسامي دلع لا تقولين صغيرة وما تفهم لا ترى يفهم الطفل ويح-س بحنان امه حتى بالبطن ولميها وضميها وخليج ضحوكة معاها لان الطفل يحب الضحك ومرة ثانية لا يغير الله ما بقوم حتى يغيرو ما بانفسهم حاولي ولا تملين من نفسج حاولي انج تتغيرين وتجددين نفسيتج بشتى الطرق وترى الحياة حلوة استمتعي فيها انتي وبنتج

رفع