المكتوب على الجبين لازم تشوفه العين

اول شي عيدكم مبارك وعسى الله يعوده عليكم وانتو وكل من تحبون في صحه وسلامه

عندي موضوع حبيت اثيره واكيد كلنا مر علينا يا دباديب ويا تخاتيخ ويا بطوطات

ظاهره الخش والدس وتهبيط العزوم في الرجيم ليش وصلنا حق هالمرحله

ليش قامو يخافون يقولون مسوين رجيم ؟؟

ضعف ايمان ولا صج خوف من الحسد؟؟

ليش تكسر مياديف بعض ..؟

لي قلتيلها مسويه رجيم قالت لااااااااا مخربته وتقولين انتي تخربين عادي الكل مخرب ليش انا ملتزمه

وساعات من غير لا احد يسالهم تحلطم وتقرطم على الرجيم

ماسوينا رجيم زايدين مخربطين ليش وصلنا حق هالمرحله

هل هالشي خوف من الحسد ؟

ولا تشائم ؟

ولا ماكو ثقه في حب الخير حق بعضنا ؟

احب لاخيك ماتحب لنفسك ترا الي الله كاتبه لج بتنزلينه محد يرد شي خير ولا شر الا رب العالمين

صفو النيه خلكم على قلب واحد شجعو بعض ..

عيدو النظر فكرو عدل ترا الي صج الله كاتبه لج مايرده حسد احد

وحتى لو ماتبين تقولين لاتهبطين غيرج

هلا دارين

موضوعج حلو الله يعطيج العافية

الخوف من الحسد مو شي غلط

بس الغلط ان يوصل لمرحلة المرض والتشائم

صج العين حق بس الله الحافظ

والوحده ترقي نفسها وتحافظ على الاذكار وان شاءالله مايضرها شي

حياج الله بنوته نورتي الموضوع صج الحسد حق بس لاياكل كل حياتنا لانوصل لي مرحله المرض بالحسد خل يكون عندنا ايمان في رب العالمين والله الي يكتبه الله مايرده بشر

انا معاج بعد بهالسالفة

بس شنسوي هذا اللي صاير فالوحدة الحخين اسلم لها انها ماتقول علشان لا يحبطونهاااااااااااااا

بالنسبه لي اعامل اللي جدامي مثل ما تعاملني
اذا اهيا من النوع العادي اللي تقول انها مسويه وجذي والله اقولها واذا تبي اسم الدكتور او الريجيم اعطيها من عيوني
واللي تخش عني لا والله اقولها تخفيف وما اقولها اني مسويه ريجيم او لأ

موضوعج حلو
انا عن نفسي وايد امن بالحسد
وبعض الناس ما يصدقون على الله يشوفونج مسويه رجيم يركزون عليج
اكلي واكلي اتحسين قاصدين يخربون عليج
وبعضهم رشيقين ما شاءالله وهم حاسدينج على اراتج
وانا عندج اكبر مثال سويت رجيم مضبوط وضعفت وليد ما شاءالله يعني نيولوك وباستقبال واحد طلعت منه متخسبقه فوق حدر
والنتيجه ما بقى مرض استغفرالله يا ربي ما حاشني لي يومج هذا
العين حق والوحده لازم تخاف على عمرها
باسلوب لبق وحلو تقدرين تبعدين التركيز عنج وبنفس الوقت انتي ماشيه بدربج
اقول لج هالكلام وانا اكثر وحده ما يتبلش في بؤها فوله!!

والله يرزق كل وحده الوزن الي تبيه بالصحه والعافيه يا رب

خخخخخخخخخخخخخخخخخخخخخخخ
لا يامعودة انا وحدة ما اخاف ونازلة 5 كيلو اعترف
بس وين اروح من عين الناس اكيد بيحوشني طشار ههههههههههه
والله وبالله مرة رحت السعودية رايحة عمرة وبالطريج (رايحة بر )
التقيت بجارة لي عند احد الاستراحات ما عرفتني ( كنت خاسة فوق العشرين كيلو ايامها )
انا عرفتها طبعا هذي وهي رايحة عمري بققت عيونها
وتحوشني بوحدة والا انا ما اروح العمرة الا اسبوع كامل انا مرقدة بالمستشفى بمكة
معاي حق اخاف والا لأ؟؟؟؟؟

صااجة والله… مع اني بعيدة عن الكويت صارلي 5 سنين بس من المنتدى لاحظت ان وااااايد اشياء تغيرت ( للأسف للأسوأ)
وقاعدة احاتي لما نرجع شلون راح انتأقلم مع هالتغيير!

ياحلو ايام أول (ترى ماني عيوز لول) بالثنوية او الجامعة تقريبا الكل كان على قلب واحد…وماكو من هالحسد الزايد والاطباع الشينة…

الواحد لازم يقرا على عمره والله الحافظ

في شي اسمه قضاء وقدر والمرض قضاء وقدر واذا الله كتب عليكم المرض بتمرضون

انا ماشوف الحين ملوت الرابح الاكبر يخافون من العين قاعدين يضعفون ولا الاجانب الي ينسحتون تسحت بس احنا الي دايم نربط الاحداث السيئه بالعين العين حق بس اقضاء والقدر موجود ترا ياناس

السلام عليكم
وعيدج مبارك وعساج من الفايزين والعايدين ان شاء الله
عاد تصدقين هالموضوع كنت اكلم فيه رفيجتي … الريجيم صار بخش ودس.. ما شاء الله عليهم من تقولين لهم ما شاء الله ضعفانه تتكم جنها مقروصه انا ما سويت ريجيم وكله ملخبطه واذا تبين منهم معلومه ما تطلع…
انا ماا اقول الا الله يعطيهم على قد نيتهم ويوصلون الوزن اللي يبونه بصحه وعافيه.. وفكيت عمري ما اسال ولا جني شايفه وحده ضعفانه

زين تسوين قاب لان الناس نفوسهم صج تغيرت الواحد مايسال ولا شي وهم مايسلم

هايييي دارين

مشكورة عالموضوع الكلام حلو

بس ترى العين والحسد شي مذكور بالقرآن وعموما الحسد ظاهرة معروفة بالكويت على كل شي الي يسوى والي مايسوى

مادري ليش !! على قولتهم يحسدون الفقير على موتة اليمعه يعني شوفي لأي درجه

بعديييين انا تدرين من العيد الي طاف لي يومج الي يشوفني امبيه حدي حدي فارقة محد يصدق بهالفترة صار فيني جذي

بس الصراحه مادري ليشششش اكيد لاني قاعده اكل مو رجيم بس هم مو لي هالدرجه في ناس انا اعرفهم

والله العظيم يعني مايكونون قاصدين بس عينهم مشالله وحده بوحده يعني ما يقصدون بس عينهم حارة

او في ناس بسرعه تصيبهم العيييين هالشي معروف ولسوء حظي انا وبيييتنا من هالنوع الي على اقل شي تحوشنا

وهالشي بشهادة الي حوالي من الناس مو مني وايد مواقف تصير امبيه الكل ينصدم

وسالفة الرجيم ما تنخش يعني حتى الي بتقول مااسوي رجيم الناس بيقول عنها جذابه يعني شلون ضعفت

ويالله ادعوليييي خل ابلش مادري شفيني الارادة بالماينس مره وحده مو قادرة

مرات نخش عن الناس إن مسوين رجيم عشان لا يخريون علينا
يقولون ويه عادي اكلي، أحلى شي بالدنيا الأكل ليش تحرمين روحج
واللي صج يبطون جبدي، لما نتحجى عن معاناتنا مع الرجيم، اللي تقول أشوه إني ضعيفه وآكل اللي أبيه. عليج بالعافيه جسمج، بس لازم تشجعيني مو تحريني.

اتصدقين الناس اجناس يعني في ناس يخشون ياربي ليش يعني بس تبون انتوا اللي تضعفون و غيركم لاء و اذا اهم خايفين من الحسد يبا ذكروا الله دايما ترا اللي يحافظ على الذكر الله يحفظه من كل شر ……

انا استانس اذا قالوا لي ضعفانه عاد اذا كنت مسويه رجيم اقول و اذا مو مسويه هم اقول و عادي اقول نوع الرجيم اللي استخدمه علشان اهم يستفيدون و يسوون الرجيم اللي انا سويته و الله اني لما اقول لهم احس اني سويت شي عطيتهم دافع علشان يسوون الرجيم و هم هالشي بعد يعطيني دافع على اني استمر بالرجيم اللي اسويه لأنه عجب الكل …. مادري ما اشوف فيها اي مشكله اني اقول اذا مسويه رجيم او اذا استعملت اي شي يضعفني ……….

بس هم مثل ما قالت اختي بنت الكويت انه هالشي مرض و الله يشافيهم منه

و هم قبل لا انسي في شغله حلوه امي كانت اتقولها لي لأنها تدري اني بخور السوق عسى ما سويت شي الا و رحت علمت الكل عليه و الصراحه هالشغله زينه و اهي يا جماعه اذا سويتوا اي شي و ضبط معاكم و اسألوكم الناس عن التغيير اللي صار لكم سواء من رجيم من شعر او بشره عادي قولوا بس قولوا انكم خلال ما كنتوا تستخدمون هالشي شوي تعبتوا بس انه هالتعب مو من هاللي استخدمتوه لاء من جسمكم اهو السبه لأنه ما تقبل في البدايه و بجذي راح اتكونون خليتوا الناس يستفيدون و هم خليتوا العين تطفي عنكم ……