المقعد الامامي

الزوجه العزيزه احيانا في امور صغيره
نعطيها اكبر من حجمها وبالتالي تنكد على حياتنا
مثلا اذا صادف يوم وصعدتي سيارة زوجك
وكان معك حماتك ام زوجك
اذا جلست بالامام مع ولدها
في نساء تتضايق وتعتبر الشي هذا
انتقاص من قدرها
لكن لو رجعنا للواقع هي اكبر سنا واحترامها واجب
وبعدين خل تتصور الزوجه محلها
بعد ماتكبرويتزوج ولدها اكيد ما ترضى ويحز بنفسها
لان الام اغلى شئ ومكانتها كبيره
الي تفكر بعقلها تشوفها مساله عاديه
انتوا شرايكم

معاج كلامج عين العقل بس انا خالتي ام زوجي اول مرة ركبت معاي انا من نفسي رحت اركب ورا نادتني خالتي ركبي قدام انا بنزل قبل قلت لها لا خالتي مايصير انتي ركبي قدام مطاعت وزوجي قالي تعالي قدام امي بتنزل بعدين ورحت قدام
ثاني مرة كنا طالعين رحلة جماعية وخالتي كانت بتركب ورا حلفت لها الا تركبين قدام بس مطاعت وحماي اخو زوجي كان واقف عدنا قالي ركبي ركبي انتي قدام والحين خلاص صار الوضع عادي انا اركب قدام وخالتي ورا مع اني ضد ها الشي

ترضين امج تركب مع اخوج ورا ومرته قدام !!!

لا والله تركب قدام وعن طيب خاطر واصلن خوات رجلي اكبر مني 30 سنه مااخليها تركب ورا احتراما لسنها
وماعندي مشكله (:

اكيييد اهي اللي تقعد جدام مستحييييل اجدم نفسي عليها بأي شي هذي امه

بس انا خالتي ماتحب تقعد جدام بعض المرات تخليني انا اقعد جدام

شكرا لمروركم وتفاعلكم

ليش هي بالاساس تدخل ويانا تخرب الرومانسية مثلا.
لا اذا عندها زوج تركب وياه وتخليني مع زوجي اريح لي.

ام زوجي ما ترضى تركب قدام

لكن انا أصر عليها واركب ورا مع ولدي

أستحي اركب قدام و خالتي ورا

اكيدلازم تركب قدام هذا ولدها وهي الاكبر لازم الاحترام

انا ماشوف انها مشكله او تنقيص من قدر الزوجه اذا ام زوجي او اخته الكبيره ركبت قدام وانا ورا شالمشكله
بالعكس انا ولا مره راحت معاي ام زوجي بالسياره لكن حماتي الكبيره راحت معاي وخليتها تركب قدام وانا ورا

انا معاج 100% بالعكس هالشي ما يزعل احسبه امي و الي ما أرضاه على امي ما أرضاه عليها ..

أكيد إذا شخص كبير بالسن راح أقعد ورا، مستحيل أرتز جدام و أعطي ظهري للشخص اللي وراي ،ما أدري بس احنا عندنا عيب بعايلتنا، و اذا هالشخص ما يبي يقعد جدام أنا أقعد وياه ورا، ساعات نكون انا و زوجي بالسيارة و نشوف مرة كبيرة أو شايب يبي توصيلة و نسوي نفس الشي بعد و نخليهم يقعدون جدام، ما أدري بس أعتقد هذي أمور بديهية تربينا عليها وما نتناقش فيها و لا نحطها في بالنا أصلاً وننقد على روحنا إذا ما التزمنا فيها.
اللي بتزعل من هالشي ما عندها سالفة كلش.

امه عادي بس اخته لا ما ارضى

قاعدة عندنا الاكبر سنا اهي اللي تقعد جدام
امي امه اخته

الصح اقعد يم زوجي بس اذا خالتي قعدت مافيها اشكال

كلامج صحيح
انا اخوات زوجي اكبر مني ب٢٠ او ٢٥ سنه
مارضى اركب جدام وهم معانا !
اصلا عيب ، بعمر امي واحسها مب عدله
صرت من نفسي اذا بيركبون معانا على طول اركب ورى قبل لا يجون مع انهم ما يرضون وليش و شحقه
بس اقولهم خلاص عاد قعدت