المراقب المالي بوزارة المالية؟

السلام عليكم

منو عندها فكرة عن شغل المراقب المالي تبع وزارة المالية؟

حبيبتي انا مادري بس اخو رفيجتي تقول انه مراقب مالي جنه اهو تخصصه محاسبه بس اهو يشتغل بالماليه بس يدوام بالعدل يعني يكون مراقب هناااك بس اهو اساسا موظف بالماليه مادري اذا هذا الي تقصدينه ولا لأ

اي هذا اللي اقصده

اي رواتبهم عاللية و البونص عااالي انا سمعت 3000 الى 4000 دينار بالسنة و مركزه مهم بالوزارة او المكان اللي راح يكون مراقب عليه اذا تقدرين اشتغلي واايد زين لج و موفقة

بس شنو شرطهم.. يعني يبون خبرة ولا لا؟

مرحبا

اللي اعرفه انه في دورة يأخذونها عشان يصيرون مراقبين اعتقد 3 شهور العصر

بعدين يصير مراقب مالي الدورة من ديوان الخدمة جنه

مشكورة بس ياليت احد ياكدلنا هالمعلومة

ماعندي فكرة

بس المدققين في من وزارة المالية وفي من ديوان المحاسبة

اعتقد ديوان المحاسبة يمكن اسهل

لان اعرف خريجين يدد يحطنهم مدققين

بس المالية مادري اذا ممكن يحطون خريجين يدد

حبيبتي لازم خبره مايصير يحطون احد جذي مراقب مني والطريق او ان مثل ما قالو ان اعتقد دوره من عندهم او راتبهم زين سألت رفيجتي قالتلي ان معاش اخوها تقريبا 1000 وشي وشدي حيلج انشالله يعطونج هالمنصب

حبيبتي المراقب المالي لازم يكون تخصصه محاسبة ويقدم امتحان اذا اجتازة ينجح ولازم خبره ماتقل عن 5 سنوات بمجال التخصص والامتحان وايد صعب والله المستعان

مشكورين

السلام عليكم ……….. شلون يكون التقديم للوظيفة المراقب المالي ……… ويبون جامعى والا دبلوم محاسبه ………

اكييد جامعي او مثل ما قالت كلمة المرور لازم خبره وانا اعتقد ان مافي تقديم اهم متى ما طلبو بالاسم احد حق هالوظيفه يصير التقديم او نادر ما يسونها كل مره يحطون شخص من نفس الوزاره بس يمسكونه هالمنصب واذا كان يعني خبير ويصلح او قديم بعد

لازم تجتازين الامتحان عشان اتصيرين مراقب مالي وطبعا بعدين يوزعونهم عالوزارات بس اهم اساسا موظفين تبع الماليه