|
|
وحده من صديقاتي زوجها تاركها عند اهلها بعد ما اكتشفت انه عنده رفيجه ..
زعلت منه وراحت بيت اهلها وما دق عليها ولا سل عنها ..
طبعا اهو من زمان تصيده انه عنده خرابيط ويتأسف منها ويردون طبيعي بس هالمره تركها ..
لا يدق عليها ولا شي .. حاولت المسكينه تدق عليه لمن شافت اانها ممكن تخسره لكن ما رد عليها ومره كلمها وقالها بعدين اتفاهم معاج..والحين صارلها شهرين ما سأل عنها .. ولا طلقها ..
وما خلت ابوها واخوانها يتدخلون بالموضوع لأنها خايفه ان يوصل للطلاق بتدخلهم وانتم تعرفون الرجال اذا عصبوا يخربونها ..
شتسوي ؟؟ شنو الحل ؟؟ حاولت تدق عليه بس موراد عليها كلش .. وقاعد يوصلها حجي من خواته لمن تسألهم انه مرتاح ومستانس وعمره ما تحجى عنها والظاهر لاهي مع البنت اللي اهي قالتله انها درت عنها وان علاقته فيها حيييل عميقه وانتو فاهمين يعني شنو ..
مع ان زوجها كان يموووت فيها وصارلهم 3 سنين متزوجين ..
شنو الحل ؟؟؟؟؟؟؟؟؟؟؟ تنطره يطلقها ويروح من بين ايديها ولا شنو ؟؟؟؟؟؟؟؟؟؟؟
اللي تساعد انشالله ان لها الأجر لأنها حيل تعبانه وانا تعبت معاها لأن مالقينها حلول .
ياليت تساعدون؟؟
وانشالله الله يسهل امورها
الرجال بايعها والوحده لازم يكون عندها كرامه جان من اول ما درت عن سوالفه هددته بأهله واهلها اذا ما تعدل
شوفي مرتاح ولا درا عنها وهي تفكر فيه ولا شنو تحاتي يطلقها ؟؟
تقوم و تروح تسوي نيو ستايل
و تروح بيتها و تنطر ريلها و تقوله انا احبك و و و و
و تحاول تبوقه من عشيقته مثل ما باقته منها
حسبي الله و نعم الوكيل
الحين اهي طلعت وخلصت لكن ليش ماتخلي امها تدق على الولد نفسة لا خواتة ولا امة تاخذ الكلام منه شنو قاصر على بنتي ومن هالكلام تشوف شنو رايه وشنو يبي ؟؟؟؟؟؟؟؟
صراحة هذا الي اعرفة وان شاء اله ابنات يفيدونكم
شوفي حبيبتي قوليلها تقرا سوره البقره كل يوم وتستغفر وايد وايد كل يوم وتدعي ربها انه يهديه لها لانه كل شي بيد الله واهو ابرك لها من اي احد
وعسى الله يهديه ويرده لها
وسبق ان امه كلمته وقالها مردي بردها بس ماكو شي الحين شهرين …
والله مادري شقول
خل تدخل امه او ابوه