|
|
السلام عليكم بنات يابطاليات مثلي شلونكم 
انا حبيت احط هالموضوع عشان نكتب فيه اهم الاسئله اللي تيي بمقابلات البنوك بالذات
يعني اللي جربت المقابله والاسئله تيي تقولنا اهم الاشياء اللي نركز عليها وننتبه لها
وشلون نجاوب وشنقول وكل شي تعرفووووونه
انا عندي معلومات جمعتها من بره ومن بعض المواضيع بالمنتدى وبحطلكم كل اللي اعرفه وانتوا بعد ابي همتكم لاتقصرون
يالله نبدي
بالبداية لازم يكون لبسج رسمي يعني تنورة ساترة تحت الركبه وقميص او بالطو
او بالطو وبنطرون مرتب يعني يبين شكلي بروفيشنال
لاتلبسون الوان فاقعه وجينز مايصير
والمكياج هادي وناعم لاتشخطون الكحلة لي الأذون ههههههههه
ولا تخلون الحمرة توصل الحنج على بو كاشخين
الجلوس زين وناعم مايحتاي حمرة فاقعه
لاتحطون صبغ اظافر اسود اللي هابين فيه مال مصاصين الدماء ولا احمر ولا فوشي
تبين تتصبغين حطي فرينش منيكير شكله ذرب
ومو تدشين وانتي تخشخشين من الاكسسوارات اللي مالها داعي على بالج كشخه
يادوب ترجية ناعمه وساعه وبس كافي وتصيرين شزينج
خلصنا من اللوك
الحين لما تدشين الغرفة لازم الابتسامة على محياج<<<<مادري من وين طلعت بس يالله
بس مو تشقين الجلج حتى ضرس العقل تطلعينه على بو مبتسمة
لا حبيبتي ابتسامه ذربة عشان لاتصيرين مبوزة ومنفسه
وامشي بثقة وقعدي شوي شوي عالكرسي لاتهبدين
ولاتحطين ريل على ريل ولاتشبكين ايدج ببعض يعني اصابعج لاتشبكينهم
ولما تتكلمين تكون نبرة صوتج واضحة لا عالية ولا تتساسرين مع روحج
ولازم تبتسمين وانتي تتكلمين وتطالعينهم بعيونهم مو تطالعين السبوت لايت ولا الطاولة ولا السيراميك
لا طالعيهم عشان يعرفون انج واثقة من نفسج
وطبعا بيسألون سؤال معروف: عرفينا عن نفسج
طبعا اجابتج تكون مختصرة لاتقولين قصة حياتج
قولي اسمي فلانه الفلانية حاصلة على الشهادة الفلانية من المكان لفلاني بتقدير كذا وحابة اني اتوظف في البنك الفلاني
بيسألونج ليش اخترتي بنكنا بالذات؟
او ليش تبين تشتغلين في بنك
قولي لأني احب طبيعه العمل المصرفي واحب التعامل مع الجمهور ولأن القطاع الخاص يحقق الطموحات ومافيه روتين ورتابة
احتمال يسألونج شنو اقرب الفروع لبيتكم او عطينا نبذه عن البنك
عاد انتي تكونين مجهزة معلومات من السايت مال البنك متى تأسس وشنو اهم الخدمات اللي يقدمونها ووين افرعهم وكذا
مثلا البنك التجاري تضيفين لاجابتج انه يملك ثاني اكبر شبكة فروع بالكويت اللي هي 40 فرع
جذي يعني حسسيهم انج عارفه معلومات عن هالمكان
اذا سألوج اذا يالج عميل معصب شلون تتصرفين؟ وهالسؤال وايد يسألونه
قولي بالبداية احاول اني اهديه وما أشد معاه حتى امتص غضبه وأحط ببالي شغله مهمة انه مو معصب مني شخصيا فما آخذ الموضوع بشكل شخصي او PERSONAL
هو يكون متضايق من شغله صارتله بره البنك او متضايق من شغله داخل البنك كتأخير بالمعاملة او خدمة ماعجبته
بعد ما أهديه وأفهم منه الموضوع اشوف الموضوع اذا من ضمن صلاحياتي أباشر باتخاذ الخطوات اللازمة وأخلصه له
اما اذا مو من صلاحياتي احول العميل للشخص المسؤول عن الموضوع
هذي اهم الاسئله والنقاط واللي اعرفهم واتمنى اي وحدة مجربه المقابله وعندها معلومات عن الاسئله والاجابات المطلوبة تضيفها هني عشان نستفيد كلنا 
انا مقدمه على بنوك بس محد ناداني
بس اللي اعرفه ان يقعد محلل نفسي يراقب تصرفاتج
و يحلل شخصيتج و يتعرف عليج من طريقه ردج و شلون تتكلمين
من جذي لازم كل وحده تكون واثقه من نفسها
و يا جبل لا يهدك ريح
و سلامتج
ممكن يسؤلونج شنو طموحاتج للخمس السنوات القادمة؟؟
منو ساره (يعني اسمج مو شرط ساره هاذا بس مثال) وصفي لنا شخصيتج أو نفسج؟؟
متقدمين لنا ناس معدلات وكفاءات اعلى منج قنعينا ليش نختارج؟؟
هذول اللي ببالي الحين
صاجة في واحد يقعد بس يراقبج مايتكلم ويشوف اذا كنتي على طبيعتج ولا تتصنعين ولا ترجفين
ولا مرتبكة يعني كثر ماتقدرين ضبطي نفسي وخلج واثقة
طبعا الحجي سهل بس وقت الصجية غير الله يستر هههههه
كلي غلا
مو خوش سؤال اللي قلتيه
شنو يايينا كفاءات وليش ناخذج بالله هالسؤال شلون بجاوبه !!!!
خلاص ان شاء الله اليوم بسأل استاذي بالدورة شقول لا سألوني هالسؤال
لان هو اللي قالي اجابة العميل المعصب ياحليله يغشش خخخخخخ
ياريت تسألينه وتغششينا معاج
خوش والله وين تشوفين نفسج بعد 5 سنين
بقوله اذا الله عطانا عمر بشوف نفسي مكانك خخخخخخخخخ
عشان سيدة يقضبوني الباب ويحطون صورتي على المبنى مكتوب تحتها بلاك لست هههههههههه
لا ان شاء الله اليوم بسأل الاستاذ وارد لكم خبر
وادعولي تعدي المقابله على خير واتوظف
هههههههههههههههههههههه
هههههههههههههههههههههه
لا قويه
على الاقل قولي اصير منجر
ههههههههه
يعني مرقعتها
واليوم من القهر نسيت اسأل الاستاذ عن اجابة الاسئله بس فكرت لكم باجابة شقاقية حدها حق السؤال الاخير اذا يايينا ناس خبرات وكفاءات ليش نوظفج قنعينا؟؟
المهم تقولون التالي بس انتوا رتبوه عاد:
ماراح تقدرون تقيموني وتعقدون مقارنة بيني وبين اصحاب الكفاءات والخبرات الاخرى الا بعد ماتجربوني بمحيط العمل عشان يكون في أساس للمقارنة لان المثابره والاجتهاد والابداع في بيئة العمل تهم أكثر من التحصيل العلمي والشهادة الاكاديمية
وبكل الأحوال البنك يحتاج لنا احنا الأثنين
يحتاج للي شهاداتهم وخبراتهم بسيطة عشان يقومون بالأعمال الأساسية واللي تتناسب مع طبيعة شهاداتهم وخبرتهم البسيطة ومنها يتعلمون ويصعدون السلم من اوله حتى يصيرون بمرتبة اصحاب الخبرات والكفاءات اللي يحتاجهم البنك للقيام بالمهمات الأكبر واللي يطبقون فيها خبراتهم ومهاراتهم اللي تعلموها
شرايكم بهالجواب؟ بذمتكم مو شي؟؟؟ بس الاجابة خذتلها جم ساعه عشان افكر فيها يعني اذا سألوني سؤال صعب بالمقابله بقولهم باجر ارد عليكم بس استشير بنات منتدى كويتيات وارجع هههههههههه
انا مره سوولي مقابله شخصيه في شكرة عقارات بس كانت المقابله عجييييييييييييييبه
اول سؤال انتي فلانه الفلاني؟ قلتله اي نعم
السؤال الثاني شصيرلج افلان الفلاني؟ خالي
جان يقول حق اللي قاعد يمه.. تصدق خالها كان يدرسني بالابتدائي وليلحين يذكرني كل ما اشوفه بالمسجد ايي يسلم علي
السؤال الثالث: العنصر النسائي عندنا راح يكونون بقسم التسويق والاستقبال ومادري شنو الثالث اي مكان تبين نحطج في فيه؟ قلت شوفو المكان الانسب حق شهادتي وحطوني فيه.. عاد انا كاتبه بالسي في ان عندي دورة تصوير وانا قاعده انسأل الريال الثاني حاط قباله لاب توب وقاعد يحوس فيه جان يطلعلي صورة ورده قالي شرايج ابهالصوره؟ قلتله حروه قالي لا موحلوه فيها اغلط طلعيلي الاغلاط : امبي شكووو اصلن الوظيفه مالها علاقه بالتصوير نهائيا بس الاخ طلع مدمن تصوير وحاب يسولف ويوريني تصويره يعطيني الاب توب يقولي شوفي لووووووووول
روز يحليلج والله مو تيني من الضحك …. لا بالله توظفتي تبين تاخذين مكانه
والله انج شي صراااحه خوووووووش اجابه للسؤال التحفه على قولتج
بناات بشروا توظفتوا ولا بعدكم !!
والسؤال اللي وين تشوفين نفسج بعد 5 سنين وايد ينطرح يبون يشوفون هل انت طموحه وتبين توصلين او لا
ممكن تقولين اكون رئيسه قسم هذا يدل انج حاطه هدف وتبين توصليله
وهم مكن يسئلونج لو ماقبلناج بهالوظيفه وين ودج تكونين باي وظيفه ؟ هم هذا سؤال بايخ
و ممكن يسالونج شنو احسن ميزه فيج والعيب اللي تشوفينه فيج ؟
وهم ممكن يسالج شنو الهدف اللي كنتي حاطته وحققتيه
وعاد ابيخ شي بدايه المقابله اييج يقولج ممكن نسوي المقابله بالانجليزي من ردج بيعرفون اذا كنتي زينه والا موزينه بالانجليزي
وممكن يسالونج عن تخصصج اشمعنه اخترتي هالتخصص ولو ماكان عالتخصص شنو تتخصصين
هالاسئله حاليا طرت على بالي واذا في شي ذكرته بقوله
واذا كنتي موظفه بيسالج ليش بتطلعين من دوامج
تقريبا الاسئله الي بالمقابله تدور حول هالمحاور
بس مافي محلل يحلل شخصيييييتج الي قالكم هالمعلومة غلطان
وهم يسئلون اسئله تنرفزج بس خلكم طبيعين بجيكون عليكم
وبالنسبة للبس
هم دلعة الصدر ماتكون وسيعه لان الحين نشوف بلاوي لما نطلع بس هالشغلات ما تنفع
والشعر يكون رسمي ومايحبون الخبه والكيرلي ا
وحتى التراجي مايصير كبار
او ممممممممممم مايبون شعر نازل عالوية لازم الوي يبين عدل
وهم ممكن يتكلمون عن زملاء العمل اذا احد تعدى حدوده او الشغل كا تيم وورك وهالسوالف الخاص بجو العمل
او ممممممم وييجيكون متى وصلتوا مكان المقابله يعني تروحون ابجر احسن لكم يعطيهم انطباع ايجابي
ودايمن يحبون الي يمدح بنكهم يعني لما يسئلوج هم ليش اخترتي بنكنا عاد قعدي ومدحي فيهم رفعيهم سابع سمه
واذا تذكرت شي ثاني اقولكم موفقيين انشالله
خخخخخخخخخخخخخخخخخخ
رحت المقابله الأولى وأبشركم شكلهم ماراح ياخذوني
قابلتني موظفه ومادري ليش اول مادخلت قمت ارجف استغربت من نفسي
وعطتني القلم والورقه اعبي خانة ناقصة بأوراقي ايدي ترجف بشكل مو طبيعي
المهم قالتلي عرفيني عن نفسج قلت انا فلانه وعندي الشهادة الفلانية وحاليا ادرس دبلوم ادارة
قالتلي وين حاطة ببالج تشتغلين بأي قسم
قلت التسويق<<<<اول شي طرى عالى بالي
قالت تدرين ان قسم التسويق اصعب قسم لان عندج تارجت معين لازم تحققينه ولا يصير لج لفت نظر بعدها انذار
وبعدها تفنيش هي قالت تفنيش انا براطمي قاموا يرجفون مع ابتسامه مصطنعه خخخخخخخخخخ عرفتوا لما تيون تبتسمون بس البرطم يرجف لا وقطرة الدمعه بطرف عيني ببجي خخخخخخخخخخ الله ياهو شعور خااااااااايس .gif "Eh S(2)")
المهم قالتلي شتعرفين عن الافرع؟
قلتلها أعرف….أعرف انو كويس ولما واحد يضرب واحد يوءع على دماغووو مايحوطش ملطق..مشو هو ده الملطق؟؟ خخخخخخخخ
لا اقص عليكم قلتلها البنك التجاري عنده ثاني اكبر شبكة افرع بالكويت<<<مطلعه المعلومة من سايتهم
والافرع دوامهم شفتين<<<قايله فنتق الاخت 
والافرع اللي يم بيتنا كذا وكذا وكذا<<<<اشكره وظفوني بواحد منهم
قالت وبعد؟ قلت بس 
<<<<<<<انا يوم قلت بس طحت من عين روحي
المهم قالتلي هذي المقابله الاولى في عندج مقابله ثانية نتعرف اكثر على البيرسوناليتي<<<<<الشخصية لغير الناطقين بالعربيه ههههههههه
الله يستر لا بالله وظفوني 