تخطى إلى المحتوى
الرئيسية » اللي عندها خبره بالجهال تدخل

اللي عندها خبره بالجهال تدخل

بنتي عمرها تسع شهور والله كانت تنام وشحليلها
بس ماأدري صارلها اسبوع بس تبجي وماترضع حليب
ماأدري من شنووووو
اللي يقولون اسنان واللي يقولون منخرعه من شي
واللي يقول مملوعه هاذي كلها توقعات
حريم
تكفوووووووووون قولولي شنو اسوي لها
المستشفى يقول مافيها شي

هلا اختي ماتشوف شر بنيتج

ولدي كان يعاني مثل بنتج في بدايه التسنين ولعوزني ومافاد معاه الطبيب وديته لحرمة تعالج قالت لي مسقط وفي اوخيته وهالحجي ماعرفت له بس جزاها الله خير رفعت له اللوز وعطته شراب ومن اول يوم يبين معاج مفعول شغلها

والاعراض نومة متقطع بس يبجي شوفي الفتحة اللي يراسه المسيها بيدج تلقينه نازله شوي مخفوسه داخل

نصيحه وديه لاقرب حرمة تعالج لاتنطرين لانه يتعب

وديها لمره تشوفها

صج يمكن فيها وخيته

والا مملوعه ….

الله يشافيهآ ويحفظهآ
آتوقع مملوعه ولا اسنانها تعورهآ
لاتحاتين بس انتي دهنيها بزيت زيتون دافي
لان اذا مملوعه بيريحها ويخفف عليها

الله يحفظها لج خليجية

مطيريه
الجفول
دانة الرشايده
يعطيكم الف عافيه على الرد حبايبي
وجعله الله بموازين حسناتكم
وخلاص بوديها لحرمه اليوم وبشوف
انـــــا بنتـــــــي عمرهــــــا 5 شهــــور
ودايـم تبجـي بشكـل مو طبيعـــــي

ووديتهـــــــا لمــــره وقالتلـي فيهـا وخيتـــــه
وجوتهـــــــا وتحسنـــــــت 10 ايـــــــام
والحيـــــــن ردت وان شـــــــاء اللــــــــــه
باجــــــر بوديهـــــــــــا مـــره ثانيـــــــــه

وديها لمره تشوفها
فيهاااا عظيم يعرفونه الحريم الكبار.. ما تقدر تشرب حليب وما تنام عدل..وديهااا حرمة راح تعرف له..
والله يخليهااا لج ان شاء الله..
تكفون شنو يعني وخيته وعظيم شنو معناهم عفيه ؟؟
اقتباس:
المشاركة الأصلية كتبت بواسطة مرايــــــــم خليجية
انـــــا بنتـــــــي عمرهــــــا 5 شهــــور
ودايـم تبجـي بشكـل مو طبيعـــــي

ووديتهـــــــا لمــــره وقالتلـي فيهـا وخيتـــــه
وجوتهـــــــا وتحسنـــــــت 10 ايـــــــام
والحيـــــــن ردت وان شـــــــاء اللــــــــــه
باجــــــر بوديهـــــــــــا مـــره ثانيـــــــــه

اختي ولا تزعلين ليش تجوينها هذي ياهل وكاهو الكوي مافادها بتردين تكويييينها !!!!

اقري عليها وان شا الله تسنين مرحلة وتعدي
لووول انا احضرية ما فهمت شنو مملوع وخيتة و عظيم
ترجموا لو سمحتوا خليجية
مرحبا
بنات يعطيكم الف عافيه
وديتها لحرمه تعالج تقول عظيم وتسنين ومملوعه من عند ايدها و تقول شامه عطر
عاد دهنتها بزيت زيتون ودلكتها ولفعتها
وبالنسبه لعظيم رفعتها وقالت تعالي بكره وبعده عشان يروح
وبالنسبه للتسنين عطتني فروك
وبعد قالت حطي فحمه خوذي ملعقه كبيره كمون وشوي مره وقشر بصل
ونزلي حفاظة بنتك وبخريها نفس الكبو شرايكم له داعي؟
تقول هاذا عن الشمم مايضرها حتى لوشمت عطر
وتقول يطلعن اسنانها بسرعه
وبس
مرايم–
ام التاريخ–
قلبي ابيض–
يعطيكم الف عافيه
رورو هوني
درابيل و حليب
اشكركم على المرور

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.