اللي طفلها يعاني من السكري تعالي شوي

السلام عليكم

انا ماقدر اقولكم شلون حالتي النفسيه اللي قاعده امر فيها بسبب اكتشافي ان ولدي اللي عمره 5 سنين فيه السكري وفجاه بدون اي مقدمات

وللعلم العايله مافيها تاريخ بالهمرض واهوا حاله نادره

بسال كل ام يعاني طفلها من هالمرض شلون تعاملت معاه

انا وصفو لي ابر انسلوين وخايفه لا يتعود عليها وتاثر فيه ….ودي اجابات على هالاسئله؟؟؟

هل ممكن ان ولدي يتعافى من هالمرض؟؟
هل في علاج غير االابر ؟؟
شلون اقدر احافظ على صحة ولدي؟؟

وهل ممكن يكون اللي فيه عباره عن عين حسود وبالقرايه يتشافى…؟؟

ساعدوني جزاكم الله خير وعسى ربي يشافي عيالنا

هلا حبيبتي اول شي ربي يشافيه ويبعد عنه كل مكروه والله حاسه فيج ويوم قريت الموضوع يتني البجيه اتذكرت نفسي قبل سنه وشهر ضبط لمن ولدي اكتشفت انه فيه سكري وتدرين جم كان عمر ولدي سنه وخمس شهور بس وكنت انا حامل بغيت اولد من ضقت الخلق كام اتيين تقلصات وايد بس اللحين الحمدلله اطمنج اتاقلمت مع الوضع اشويشوي راح تتاقلمين اللحين صارلنه سنه وفي وااااااااااايد يهال لمن انروح رابطه السكر اشوفهم فيه سكري بس اللي كان مضيق خلقي اكثر انه ولدي اصغر واحد فيهم

السلام عليكم

أول شي الله يشافيه لج ان شاء الله ويعينك أدري صعبه بس اللي كاتبه ربي يصير
واحتسبي الأجر والصبر عند رب العالمين وتصبري وعيني ولدج على مرضه
أهم شي اختي تثقفي بهذا المرض واقري عنه كل شي بالنت وسألي الدكاترة وروحي جمعية السكر بكيفان
اهم يسوون ندوات وايد عن سكري الأطفال لأنه اهو اساسا ما له علاقة بالوراثة
آنا أخوي صابه السكري ( سكري الأطفال ) واهو الوحيد من عايله شكبرها بس الحمد لله على كل شي الله يأجره بتعبه
بالنسبة لسكري الأطفال مالج غير ابر الانسولين وما لها آثار وضرورية وايد وعندج بعد مضخة الانسولين
ولازم تحمين طفلك من أي شي يرفع السكري وتهتمين بتغذيته تغذية صحيحة وعندج بعد أكو شبكة ومنتديات السكري هناك تلاقين كل شي عن هذا المرض
للحين ماكو علاج بس باذن الله قريب راح يكون في علاج لأنهم وايد قاعدين يسوون أبحاث على المرض
الله يشافيه يا رب ويأجركم ويأجره
مالج غير رب العالمين تقربي منه بترتاحين باذن الله لأني حاسه بحالتج

زنمت معاه في مستشفى الاميري اسبوع لمن ضبطوله السكري وياخذ ابر 3 ابر باليوم انا اقزه وساعات ابوه ولا تاخافين حبيبتي الابر ماتاثر عليه هذا علاجهم الوحيد اللحين شنسوي قولي انشالله يكتشفون شي غيره بس حاولي تغيرين مكان الابره كل مره ماتقزينه نفس المكان حرام تورم ايده ومرض السكري من الدرجه الولى مايتشافون منه نهائي وانا جربت قريت عليه وايد بس مو علاج يعني راح يطيب من القرايه بس العين حق مثل ماتعرفين وهمن انا ولدي مافي احد بعايلتنه كلش فيه سكري قالولي فايروس

واي شي تبين حبيبتي لا يردج الا اسانج سالي اللي تبينه

الله يشافيه ويشافي جميع اطفال المسلمين
حبيبتي انا ولدي معه السكر من الولاده والحين عمره 9 سنوات
واول ماعرفت بغيت اموت وربي بس الحين الحمدلله تعودت وتاقلمت مع المرض
بس اهم شي لمريض السكر الاكل وكل فتره سوي حقه فحوصات للنظر وتحاليل
والله ياجرنا ويشفيهم