اللي ريلها يحب السفر تدش .

سلام يا اخلى بنات …
بس حابه اعرف اللي عندها ريل ويحب يسافر بالسنه عشرتعش مرة شتسوي ؟؟؟؟؟
تتحلطم بكل مرة وتتضايق ولا تسكت وتاكل بنفسها ولا تزهبله الجنطه وهي تضحك ؟؟
ابي اعرف شعوركم خل نتشاور بالموضوع ونشوف الاصلح لهلحاله شنو ؟؟؟…….

انتي تذكرين مأساة وحده قريبه مني ريلها برى اكثر من قعدته بالديره

بصراحه السالفه بحذافيرها تبط الكبد !!!

انا زوجي يسافر وايد بس سفراته شغل مو راحه واستجمام و بالعكس انا مقدره هالشي مع انه شوي صعب وضيقة خلق بس اول و تالي سفراته كلها لمصلحته ومصلحة بيته

نا اقول ياعسوله انها تحاول معاه قد ماتقدر تحاول تجذبه للبيت تكلمه بالحسنى اذا الوضع يتحمل واهو يتقبل اتكلم امه او اخته يكلمونه

واذا شافت انه ماكو فايده نهائيا وان معزم ملزم ليش تضيق خلقها ماهو مزئطط ومستانس وماعنده فيها واهي تاكل من عمرها وصحتها
تحقر وترفع الجام وتريح اعصابها

يبي يسافر ويغير جو ليش بلش بنت الاوادم معاه جان ماتزوج

مشكورين حبايبي عالرد ……… بس صج اهي مشكله مو سهله إلا اذا تقدر المرة تتأقلم مع الوضع وترفع الجام مثل ما قالت الاخت بس هم اهي لها قلب .. والله ان الحريم يتحملون ما تتحمله الجبال ، والله يعينها اللي ريلها جذي احس انها اكيد تعاني من الشك من موضوع السفر الزايد لانه بس للوناسه والمشكله ان الوضع راح يزيد المشاكل مع الوقت لانه صج غير مريح …

حسب البلاد الي يسافر لها

واذا كان يسافر بهدف العمل الله يصبرها

بس اذا يسافر للمغرب والبحرين ولبنان وبانكوك ومن هالدول المنتهيه

اعتقد يحق لها تطلب الطلاق منه ولاتتحسف عليه نهائي

تدرين ليش؟

لانه ماراعى مشاعرها وحسب حساب لها ولاهلها

صدقيني الدول هذي للعزوبية والناس الي تحب الحرام والشرب

وماعتقد بيهنالها عيشة مع واحد يحب الزنا والشرب والسكر والعربدة

يعني في عيوب تتحملها المرأة بزوجها لكن هالسوالف لا والف لا

وماعليه اي حسوفة

بالاول طبعا تدخل اهلها واهله واذا ماتسنع فراقه عيد

صدقيني الانسان الي يغازل او يكلم بنات او يخز ببنات خلق الله بالسوق يموتج قهر

شلون لمن تعرف الزوجة انه رايح برجلينه يدور الحرام عند الساقطات والبنات النص كم

بالله عليج ليش ماخاف الله وليش ماحسب لها حساب وليش ماوقف هالسوالف بعد العرس

صج قهر الله يعينها بس ويعين كل زوجة ابتلت برجال من هالنوعية

أنا العكس تماما .. شغلي كله سفر وخطيبي صايرة له عقدة من السفر .. وآخر شيء بكى علشان ما أسافر ولأنه ما هان علي وعدته إني ماأقبل أروح أي مؤتمر لين بعد ما نتزوج ولازم هو يكون عنده إجازة ويسافر معاي غير جذيه ما بسافر .. تدرون شو استوى . أختي مرضت واضطريت أسافر ألمانيا شهر ونص ولما رجعت قال .. ياحيه سفر الدوام أسبوع بالكثير .. سافري مع الدوام ولا تسافرين مع أهلج …!!

والمشكلة إني بسافر آخر ها الشهر ألمانيا مرة ثانية ويمكن أقعد شهرين .. ما أدري شو بيسوي فديت روحه .. والله قلبي يعورني عليه ..

زوجى يسافر لشغل اكثر من السياحه وبداية زواجى كنت اعصب وما اسوى الجنطه
من كثر الزعل ): بس ماشفت فايده من النكد لان الرجال بيسوى اللى اباله ولا راد على احد فشوى شوى تعودت وعادى صار الموضوع ولم يقولى بسافر اسوى الجنطه وانا اضحك ولا تتاخر علينا يالغالى ومانواطن فرقاك ومن هالسوالف اللى تعرفونها وسبحان الله صار مايسافر الاا للضروره والله — وربى يسخره لى يارب

انا ويا عهود اللحب على حسب الديرة الي بسافرها
ودام احب السفر ليش يتزوج
بس دايمن راح ازهب الجنطة وضحك

اللي ريلها يسافر ما أقول إلا الشكوى الله ما لها إلا الدعاء والله المستعان

ريلي اغلب سفراته شغل وبعد عمري طول ما اهو برا الكويت على طول يتصل علي وبالعكس ازهبله الجنطه وانا ادعيله بالتوفيق بس يضيق خلقي لما احس انه راح يكون بعيد عني لاني فعلا اشتاقله وايد عسى الله لايحرمني منه
واذا على سالفة الدول اللي فيها خرابيط انا اقول ان الريال اللي براسه لعب وخواره راح يلعب حتى وهو محكور واظن الخرابيط موجوده بالكويت مو بس بالدول اللي ذكرتوها

فعلا انا اشوف انة الريال لومشتهى يخربط راح يخربط بالكويت
بس انا اشوف انة الوحدة توقف الريال عند حدة اذا اكثرت سفراتة يعنى اذا بالسنة يسافر ثلاث اربع مرات بروحة ومع ربعة بس للوناسة اقل شى اسوى احرق الجنطة واتبرع فى بدلاتة الان المساكين احوج منة
طبعا المراة بنظرى لازم اول شى تحبب زوجها فيها ماتقصر عنة خصوصا بالعلاقة الجنسية لازم تبدع احنا بزمن مفتوح
وتهتم بنظافتها ونظافة بيتها واعيالها وبأكلها
وبعدين لى تعلق فيها اهنى تقدر تشد وترخى بسالفة السفر عشان يكون فى تجاوب من طرفة
طبعا الوحدة لازم تجرب الحيلة فى هالامور والشاطرة اهى اللى بتخلية يترك السفر مثل ماالريال يمنع المراة من اشياء تحبها اهى بعد تقدر ومافى شى اسمة مستحيل

اب

اب

اب اب