اللي تروح دايم حق المساج تدخل تفيدنا

الله يعافيكم بنات اللي دايم تروح حق المساج وفاهمه فيه تجاوبني عل سوالي صج ان الجسم يكون داخله هواء ومع التمرخ يطلع من الجسم لان وحده تسوي مساج قالت لي السالفه بس ماصدقتها لان يديني وريولي يعوروني

ليه محد يبي يرد وش دعوه حاقريني

مساج شنو انا متعوده كل شهر او متي ماحسيت بعوار اروح سبا تايم روعه لكن انتي قصدج الرداده اللي تردج وتطلع الهوا عقب الولاده هذا عاد وين تلقينهم الشطار الايرانيات العراقيات ملوت اول الحين كله نصب بنصب روحي سبا وقوليلهم

ما ادري

ام عبودي لا انا اقصد ان الجسم لعظام اليدين والرجلين يحتبس داخلهم براد شكلها تنصب علي

انا كل شهريين او ثلاث اسوي مساج ولكن ما فهمت قصدج شنو الهوا بين العظام !

يمكن صح داشج هوى

وصح في طرق اطلع الهوى مثل كاسات الهوى و المساج

آنا صارلي كذا سنه اروح اسوي مساج
شوفي حبيبتي مثلا اذا في مكان بظهري او ايدي اواي مكان بجسمي يعور اهي مع المساج تقولي اهني يعورج صح؟أو هالمكان أو هالمكان بدون ما أقولها
بعدين اقولها اي صح اهني يعورني تقولي اهني في هوا داش وتقعد تفرك وتسوي مساج وتحطلي فكس عليه وتقولي لا تتسبحين نطري جم ساعه او يوم ثاني
وطبعا ايي اليوم الثاني والعوار رايح
وطبعا الهوا اللي يدش اهو هوا التكييف وطبعا احنا جونا غير جو مره حر ومره برد ومره رطوبه وهذا كله يأثر على جسمنا
نطلع بره حر ولما ندخل البيت تكييف
سالي مجرب المساج وايد زين /واذا جسمج كله يعورج يفضل انج تسوين كاسات هوا واهو يطلع كل الهوا اللي بجسمج
طبعا راح تشوفين جسمج بعد الكاسات تكون امبقعه دوائر وكل ما يكون البقع لونه غامج هذا دليل على ان هالمكان يعورج اكثر وان فيه هوا اكثر
أي استفسار بعد حبيبتي آنا حاظره