اللي ترغب في التغيير تسجل معاي

بنات …. انا بطلت الموضوع مو لاني بحاجه تشجيع كثر ما ابي اشجع البنات

ابي 10 بنات فقط …….. وبندخل في مسابقة لغاية شهر 5 …….

ويستحسن اللي تبي تشارك تكون تبي تقل 15 الى 20 كيلو …..

اقل تقدير 10 كيلو واكبر تقدير 20 كيلوا ………..

البنات الباجي ممكن يتابعونا فقط …….. يعني ابي اللي يشاركون يكونون جادين وخلوا الباجي علي

اولا اللي راح اقترحه عليكم مو رجيم …. انسوا الرجيم اهوا نظام ….. غذائي صحي ….

مافي ترهل ولا لون شاحب للويه … بتكون في بدائل غذائيه وايد بس هم اكو شروط

الشروط اولها ان نلتزم بطريقتي …. حرفيا ….. والتغيير يكون حسب الذوق بالنسبه للبنات يعني تقدر تضيف وتحط اشياء على ذوقها بحدود انا اختارها

نظامي فكرته مأخوذه من نموذجين ( الاول نظام كروز ) هذا بالنسبه للغذاء والتمارين الصباحيه اللي مدتها 8 دقائق

النموذج الثاني عباره عن يوم صيام …. ماناكل في الا اناناس …. وعصير اناناس كي دي دي ….. وبالمساء موزتين فقط

وممكن استبدال الاناناس بالفراوله مثلا …… كنوع من التغيير

راح احط كل شي بالتفصيل الممل …….. وخلال شهرين اوعدكم تنزلون اكثر من 17 كيلو بإذن الله

هم بحط لكم وصفات تساعد على الشد + التخسيس ….. ورسم الجسم

اللي موافقه تبتدي معاي تشارك لان اليوم بكون اول يوم لي

بس ابي تشجيع حار جداااااااااااااا يالله عاد لاتحبطونا اللي تبي تصير شيريهان تشارك بس

بس عشان تفهمون فكرتي اكثر مممممم

اول ماتقعدين من النوم …. تسوين تمارين خفيفه مدة 10 دقايق فقط … اي تمرين تحبين انا اطبق تمارين كروز ….. اوكى

بعدين تاخذين الريوق ( يعني نظموا اوقاتكم عدل )

الساعه 11 الظهر تاخذين وجبه خفيفه : النماذج بتكون وايده وراح احطها لكم ممكن تاخذون قهوه

وقت الغداء الساعه 1 او 2

بعدها بساعتين هم وجبه خفيفه

المغرب انا اشرب قهوتي ( انتوا كيفكم اختاروا شي اختياري )

العشا يكون الساعه 7 بالضبط لا قبل ولابعد ….

بعده بساعتين وجبه خفيفه

قبل النوم عاد تاخذين شي للتخسيس …… وهم وايد المشروبات ….. بحط لكم نماذج

الحين في شي صعب؟ والا اتوكل على الله اروح بروحي لووووول

اتمنى الفكره وصلت الفكره ومافيها

ابي بنظام اليوم الاول ….. ( نظام جورج كروز ) الرائع

تتقيدين بقوانين بسيطه طالعوا معاي

قواعد النظام

تناول الافطار بعد ساعه من الاستيقاظ وعمل تمارين كروز ( بعد الاستيقاظ مباشره )

تناول وجبه خفيفه بعد 3 ساعات من الوجبه الرئيسيه

التوقف عن الاكل قبل 3 ساعات من النوم

محاولة النوم في وقت باكر ( لازم نعدل اوقاتنا ) يبي وقت عشان اطبقها صح

اوكى الحين فهمتوا ………………..

الحين ابي اي شطوره حابه تسجل معاي …. تروح تشتري من الجمعيه اطباق بلاستيك المقسمه

مقسمه ثلاث اجزاء

الطبق مقسوم من النص …… الجزء الاسفل نصف كامل والجزء الفوقي مقسم الي نصفين ايضا

يعني عندج بالطبق المقسم ( جزء كبير ) واجزاء ثانيه اصغر

الجزء الكبير تاكلين في رز … او شوربه او سلطه او فواكه ….. الاماكن الاقل مساحه للخبز او البقوليات واللحوم

ملاحظه مهمه : كل مره اتيين تاكلين سلطه حطي عليها ( ملعقه صغيره زيت زيتون ) أو ملعقه صغيره ( زيت الكتان ) او ملعقه صغيره ( خل تفاح مع ليمون وشوبة ملح )

كل مره حطي شغله من هالاشياء راح تساعد بشكل كبير على التخلص من البطن نهائيا

وابي هم اتييبين كوب قياسي

اي شي بسكر تشربين منه 150 ملي فقط لاغير

من غير سكر شربي 250 ملي

يعني كبداية نظام تحتاجون طبق مقسم … لكمية الطعام

وكوب قياسي

الحين بحط لكم جدولي مممممممم بدائل منوعه …….. اللي تحب تضيف اضافات من عندها برحب بالفكره لان بتساعدنا على التنويع وعدم الملل…. ويكون لنا نظام صحي متكامل ولذيذ …. مع رشاقه دائمه بعون الله

مشروبات الافطار

حليب بالموز …. ( عباره عن حليب + نص موزه مقطعه شرائح + بياض بيضه + ملعقة عسل )

تضرب بالخلاط وبالعافيه

حليب بالتمر ( حليب تحطين داخله 3 حبات تمر ) تاكلينها حاره مع الحليب وايد لذيذ وصحي ويغني عن الريوق على فكره من تجربه

حليب ساخن ضيفي عليه 3 ملاعق شوفان تركيه 10 دقايق غطيه راح يذوب وشربيه بالعافيه هذا مغذي وصحي

عصير برتقال فريش انتي تسوينه بايدج مع اوراق نعناع شويه وبالعافيه

حليب مع كورن فليكس

حليب مع ملعقة عسل قصب السكر ( العسل الاسود ) فوائده كبيره

عصير ليمون مخفف بالماء مع سكر ( بارد ) ومنعش