|
|
والرابع طالع و خالص و مسبب لي الم بالطواحن اللي يمه ..
قالوا لي لازم اشيلهم لانهم مسببين لي الم بكل اسناااااااااني…
الله يجزاهاا خيير اللي شالتهم من قبل خل تعلمني شنووو سوو لها و بشنوووو حست وقت العمليه
لاني اسمع بعضهم عطوهم بنج كامل و البعض بنج موضعي …
وبعد ما تشيلينهم تطلعين من العياده على طول ولا يخلونج عندهم تريحيين ……
وعااادي اروح بسيارتي ولا يمكن ادوخ لازم احد يكوون معااي؟؟
اهم شي ويييين شلتي ضرسج و اذا بخاص بجم شالوه لج
الله يوفقها ويجزاها الجنه اللي تفيدني
انا شلته عند دكتور نائل الهزيم
موجود بعياده الميدان
هالدكتور عجيييييب ومممتاز
اهو اللي يدرب طلبه طب الاسنان
وشلته واحد احتاج اخياط وثانى عادى من غير اخياط وشلته عند اتخصصى بالحكومه
شلتهم بالمستشفى العسكري بس بصراحه ولا اروع يعني روحي هناك وانتي مغمضه بدون اي تفكير
سولي عملية تخدير عام بعدها بيوم طلعوني من المستشفى طبعا اول يوم ماكو اكل بس ايس كريم وعلى ماذكر قعدت كم يوم عندي صعوبه بالاكل
بس بعدها الحمدالله جني البخت سيت الموضوع كله والاهم ارتحت منهم مره وحده
وللامانه ماتبهدلت ابد يعني امي شالت ضرس واحد مسكينه شرحوها عشان يطلعونه بس انا الحمدالله
توكلي على الله وارتاحي منهم لانه كله ولا عوار هالضرس ماحد يقدر يتحمله
واحسن تاخذين احد معاج
واذا تبين قوليله يعطيج مخدر ( Nitrous) غاز الضحك حده عجيب تحسين انج طايره
.gif "Eh S(6)")
و بعالم ثاني ولا عورني ولاهم يحزنون وعلى طول طلعت مني سقت السيارة مني
ولما راح المخدر لا ورم وانتفخ ولا صار شي لك الحمد يارب العالمين
وحديييييييييييي كنت خايفة لاني ولا عمري رحت طبيب اسنان تخيلي موقفي بحياتي ماراجعت دكتور اسنان
واول مرة على طول يشيلون ضرس عقل ..يعني كنت شوي وابجي من الخووف
بس الحمدلله شلته وافتكيت منه وارتحت
وحطتلي مخدر موضعي وماااااااااحسيت ب ولا شي حتى حطت حق مكان قزت الابرة مخدر
وباذن الله بشيلهم يعياده الثريا عند دكتور كلود بس لحد الحين خايفه رغم اني اعرف شطارته
وكنت اسوق بروحي عادي
البنج الكامل مو زين ما انصح فيه
الاسنان اللي تحت اهمه اللي شيلتهم اتعب لانهم كبر بالحجم بس اللي فوق امرهم هين
وما تشوفين شر عزيزتي
طبعاا كان واحد طالع برا والباقي داخل
سويتها بجراحه وكل موعد اشيل ضرسين
وسهالات لاتحاتيييييييييين
العوار عادي مسكن ويمشي الحال
بس الله يعينج راح ينتفخ خدج بشكل فضييع
د. محمد .. ماشالله عليه ايده خفيفه بنج عادي موضعي و شاله و امي ماحست اصلا انه شلعه مع انها كانت حدها خايفه و مرتبكه
كنت معاها و يسولف معاي يلهيها و فعلا شلعه واهي ماتدري تأشرله تقول يالله متى تخلص؟ 
والحمدلله افتكت منه كان مأذيها حيييل بعد عمري
و انا كنت اراجع للتقويم عنده
هذا رقمهم اذا حابه 22669252
انا حيل خوافه قاعده افكر اطلب البنج العام … عشان يشتغلون و يخلصون و انا ماادري
لاني راعيه هبوط بالضغط ..
ناااااااطره باااجي تجااربكم
وكلهم عند الدكتور ابراهيم بهبهاني ((عيادة باب هاني))
بصراحة شغله حيل ممتاز
واحد منهم كان عملية كلفتني 150دينار لان طلع عوي وتحته خراج
والباجي على حسب 60 و70دينار
انا شلت اثنين و باقي اثنين
بمستشفى السلام
عند د . محمد عفيفي وايد شاطر اهو اقنعني اشيل بدون بنج عام و لما خلصنا الخلع
قالي : عارفه عمليتك دي كانت اصعب عمليه من عمليات خلع ضرس العقل ……انا خقييييييت لان شق اللثه و كسر الضرس اللي كان مغمورتحت اللثه 6 كسرات عشان يقدر يشيلهم و عقب خيط ب ثلاث غرز ..بس والله كان الموضوع صج متعب قمت ابجي والطبيب يشتغل بضروسي و الممرضه تمسح دموعي… كل خمس دقايق كان يعطيني بريك باله طويييييييييييل ..
اشكركم كل اللي فادوني بتجاربهم