|
|
السلام عليكم ورحمة الله وبركاته
بسأل بخصوص عدد المواد المسموح التسجيل فيها,
اللي أعرفه انه يعتمد عالمعدل وعلى اذا كان الطالب خريج ولا مستجد وجذي,
بس أبي أعرف بالضبط يعني مثلا من 2.5 لما 3 ياخذون حدهم 6 مواد <قاع أألف
منو يعرف جم المواد المسموح التسجيل فيها وجم لازم يكون المعدل؟ وشكرا.
تحت ال3نقاط مسموح لج 6 مواد يعني 18 وحده
اقل شي 4مواد يعني 12 وحده
مشكورة اختي يزاج الله خير والله يوفقج
أغلى المشاعر: هلا اختي حياج الله واخذي راحتج الموضوع موضوعج, الاخت Fofa ماقصرت قالت ان اقل شي 4 مواد يعني 12 وحده, فما اعتقد يصير 9 وحدات (3 مواد)! بس والله اعرف وحده ماخذه بس 3 مواد هالكورس وعادي, ان شاء الله الخوات يفيدونج اكثر لاني مو متأكده واذا ماعرفتي روحي التوجيه والارشاد سئليهم
6 مواد كحد أقصى ((( أما الفائقات مسموح لهم 21 وحدة فقط ))
أما كحد أدني اعرف بنات وااااايد ماخذين 6 وحدات و5 وحدات ..إلخ
وللتأكد بعد أحسن سئلي التوجيه والإرشاد في كليتكم عشان تاخذين الخبر الأكيد ^_^
ومشكورين للي جاوبوا .. الصراحه وايد استفد
بس عندي سؤال ::
بموقع التسجيل لما اختار ماده يكتبون :
( غير مستوفي الشروط ) !!
المفروض تطلع كلمة ( أضف ) !
شنو يعني ؟ وليش يكتبون جذي ؟
اللي تعرف تجاوب ضروري
مشكووووره وما قصرتي
خلاص أجرب وأشوف شيطلعلي