السلالالالالالالالام
شلونكم
شخباركم
مادري من وين ابدي 
انشالله على الاربعا اذا الله كتب انا وخواتي واخوي بنروح العمره …. واول مرا نروح !!
فما ادري شسوي !!! يمكن تقولون عادي وسهاله بس مو من اول مره غييير !!
فياليت تقولولي شنو اخذ وياي وشنو ما اخذ ؟ يعني اشتنصحوني فيه ؟؟
وشلون الجو براد والا حر ..؟
الصراحه ودي تقولولي عن كل شي لاني متوهقه ..!! 
يعني عادي اخذ هدوم مابيهم واوزعهم ؟؟ والا ماكو ؟
ويزاكم الله خيييييييير ومشكورين مقدما
اخذي معاك ملابس خفيفه واحسبي كل يوم دراعه تحت العبايه عادي بو دينار ونص حلوو عشان كل يوم لازم تتسبحين لانها حاره ومع المناسك تعرقين وايد
صابون من غير ريحه وشامبو ومعجون اسنان وفرشاة
فطه وملابس داخليه
بنادول مهم للصداع والاجهاد
حبوب مغص
ومقص عشان بعد الطواف تقصين شعرك
اما بالنسبه للصدقات
روحي لمركز مكه الدور الارضي تلقين مصاحف تاخذينها وتدخلينها الحرم اعتقد ب30 او 40 ريال ماني ذاكره اهم شي يختمها عشان تدخل الحرم اول اسأليه عندك مصاحف للحرم وتختمهم لي ؟؟
الصدقات الثانيه افضل مطاعم تعطينهم مبلغ للفقراء يوزعون وجبات بمعرفتهم لانك اذا عطيتي واحد فلوس راح يلحقونك وايد مايخلونك بحالك احترسي
والتمر تلقينه بمركز مكه باسواق داود العلبه ب2 ريال اخذيها ووزعيها ع الصايمين اذا صادف زيارتك خميس او اثنين وقت الفطور
وسلامتك حياتي شوقتينا للعمره الله يهنيك بس لاتنسينا بالدعاء
يزاكم الله خير
قمت البس العبايه الاسلاميه و تحتها ملابس داخليه بس من الحرررررر
و بعدين لا اتثقلين اهدووووووم لانه كلا عبااايه يعني فاخذي ثلاث او اربع عبي مع ملافعهم و قبعاتهم لانه واااااااايد وسااااااااخه من زحمه الاوادم فكل ما ترجعين الاوتيل ضروري يتتوضين و اتبدلين عباتج انا مع كل رجعه الاوتيل ابدل العبايه احس اني ووووسخه من زحمه الناس و هذووله الافارقه الطراريين يتلزقوون فييج واااااااي مرررررض
و اخذي معااااج هذووله الخف اللي ينلبس مثل الجوتي علي دلاااااق كثري منهم لانج ما تقدرين تمشين حافيه داخل فلبسي هذا و عقب ما اتردين الاوتيل قطي بالزباله تكرمين لانه بصير اسوود من المشي بس و جوتي رايضه و جنطه اصغيره اتحطين فيها الجوتي اذا دشيتي الحرم لانه ما يجوز تمشين ابجوتي داخل فحطي الجوتي بالجنطه و امشي بالخف داخل الحرم عرفتي
يعني اهم شي كثري من العبي الاسلاميه و الملافع و الخف مهم علشان ما تمشين حافيه داخل و ملابس قطنيه خفيفه
ولا تاخذين عطووور ما يجووز اتحطين عطوور بالحرم ترااااا
بس هذاا اهم شي اتمني اني اكون فدتج و قلت الاشياء المهمه
اي و علي فكرة علشان اتعرفين مناسك العمره بالضبططط روحي حق اي حمله من هالحملات و اخذي كتيب عن العمرة اصغير يصير بو صفحتين ثلاث و خليه معاج علي طووول في كل شي حتي الادعيه و طريقه العمرة و كل شي تحتاجينه
و سلامتج
و عمره مقبووله … و يارب اتزوج و اتوظف و يوفقني ابوظيفتي و مع زوجي المستقبلي ههههههه
لا تاخذين مقص لانهم راح ياخذوونه منج عند باب الطياره ممنوووع اهناك تلقين يهال اشكثرررر عند السعي يحسبون لج اصلا جم مرة سعيتي و اذا خلصتي اييووونج يركضوون علشان اتقصين يعطونج مقص بريال
الله يوفقج ويرزقج الريال الصالح انا وياج انشالله لووول وتتوظفين باحسن الاماكن