|
|
السلام عليكم
شخباركم بنات
هذي اول مشاركه لي بالقسم هذا فياليت ماتحرجوني لووول
طبعا مثل ماهو مكتوب العنوان
الله يسلمكم الموضوع مو لي لان انا سنقل لوووول
بس حبيت اسال كم سوال للكويتيه ال يمتزوجه خليلجي
انا اختي مطلقه خاطبها واحد خليجي عايش بالكويت اوكي اهله اهني ويشتغل بالديره هني
واختي متردده وخايفه من مساله شلون اليهال وجنسيتهم؟ وانه ماراح يطلع لها بيت وان شلون علي اليهال اذا كبرو ودشو المدرسه؟ والجامعه الكويت اذا تقبلهم هل يرفعون النسب عن لخليجين ولآ؟
وبغت تسال الحين يعطون ٥٠ لكل طفل صح؟ هل يعطون المتزوجه الكويتيه من خليجي ولا؟
وهل يقدر يتقاعد ويمشي له راتب تقاعد//؟
ومادري يعني ذكرو ايجابيات او سلبيات هذا الزواج لان موعارفين شي ككلش وخصوصا اختي مرت ب٢ تجربه فاشله فنبي نكون اكثر حررص ساعدوني وافيدوني جزاكم الله خير والي ماتعرف يكفي ترفع الموضوع
بس الوظيفه معاشاتهم قليله بسبب جنسيتهم .. مو نفس الكويتين
وما اتوقع يعطون الخمسين
والتقاعد ماعرف عنه شي
ما ادري عن اللي سالتي … بس خليها تحط ببالها ان في حال الانفصال راح ياخذ عيالها منها اذا رزقها الله – اعرف وحده انفصلت وخلت عيالها غصب عنها 
انا عندج
اكبر مثال
امي كويتيه ((ماده اولى)) وابوي سعودي
ابوي تزوج امي سنة 1984
كان بالجيش الكويتي رتبة رقيب وبعد الغزو رقوه وصار وكيل ضابط
وامي ربة بيت
معاش ابوي كان 800
ولانه داش حرب مصر وحرب سوريا ةالغزو الكويتي (عنده اعمال جليله )
عطوه معاش تقاعدي مثل الكويتي 669 دينار
وكان يزيد معاشه 50 مع كل طفل يجي
بس الحين السعوديين ما يدشون لا جيش ولا شرطه الا ابناء الكويتيه فقط
انا الحين خلصت الثانويه بنسبة 77,5 علمي وانقبلت بالجامعه بالتخصص اللي ابيه وبرغبتي الاولى ونسب قبول الكويتين نفس ابناء الكويتيات ماكو فرق
وتمشي لي اعانه مثل الكويتي
بس الوظيفه باجر معاشي اقل وراح اتخرج مدرسه
انا اكبر اخواني واخوي عمره 18 تو انقبل بالجامعه علوم اداريه وهو اختار هالتخصص حتى نسبته مو شي 76 علمي
كلنا علمي ونسبنا سبعينات بس اختي 62 علمي وانقبلت تكنلوجيا بالتطبيقي
وعلى الله
امي عندها طلب اسكان سنة 1985 ومعطينها بيت شعبي باسمها هي من الدفعات القديمه قبل كانوا يقبلون طلب الاسكان من المراه الحين ما ادري اذا يقبلون طلب الاسكان من المراه والا لاء
بس انا عندي خالتي تزوجت اخر السبيعينات وعندها بيت بالعيون عطوها الحكومه وهم زوجها عسكري سعودي
خليها تستخير والرزق على الله
واحلى سماء ماقصرتي قلبي علاتفصيل جزاج الله خير