الككاو للحامل مفيد والا مضر ؟

السلام عليكم

بنات انا لمه اسوي سيرج يطلع لي ان الككاو مفيد للحامل حسب الدراسات اللي سووها يبعد القلق و يخلي البيبي متفائل و مبتسم

بس الكل يقول بعدي عن الككاو لانه فيه كافيين و مادري شنو من صوب ثاني يقولولي مضر .. انا الككاو على طول جدامي ما اقدر اقاومه شسوي اكل والا لا

انا بالشهور الاولى

وي انتي نفس حالتي من حملت وانا قااعدة وحاطة الكاكاوات قبالي قاعدة واكل >> واهم شي اللبن يمي لاني ما اشرب حليب ولا احبه

^
^
اي والله انا بعد صارلي جم يوم بخاطري لبن عيزانين انييب من الجمعيه
نفسي ما احب الحليب بس عشان الكالسيوم تقدرين تعوضين بالبقدونس او الروب واللبن
سبحان الله البقدووونس ترا غني بالكالسيوم انا مرات ايمع لي كمية و احطه بماعون اكله جذي لووول
لاني ما اشرب حليب

والككاو ما ادري ان كان مضر او لا بس ما اتوقع

يوم كنت حامل اكل من هالكاكاو ولا اشبع ليما لاعت جبدي ماصارلي شي لاتخلون
شي بخاطركم اكلوا بالمعقول

آهات الليل ولدج أو بنتج اللي كنتي تاكلين وايد ككاو بحملهم صج طلعوا يضحكون وايد ؟ ههههه

الدراسه كانت عن الكاكاو الاسود الي نسبته تكون 75% منه كاكاو ويكون مر وحلاه خفيف هذا المفيد
اما الكاكاوات العاديه الي اسمها شوكولاته وخالطين فيها زبده وحليب وهالسوالف فهذي مايصير نكثر منها لانها كلها سكر وسعرات حراريه وترفع السكر بالدم
الكاكاو الاسود اهو الي يخلي الام والبيبي متفائلين

أول 3 شهور من الحمل حاولي إنك تبتعدين عن الككاو كثر ما تقدرين لأنه يحتوي على كافيين مثل اللي موجود بالقهوة و الشاي.
أما باجي شهور الحمل عادي اكلي بس باعتدال

عليج باعافية مفيد الحمل

اتوقع مامنه ضرر
بس لاتكثرين

أظهرت آخر الدراسات فايدة كبيرة للكاكاو إذا كلته الحامل بانتظام وهو زيادة نسبة الذكاء لدى الأجنة
يعني البيبي اللي أمه كانت تاكل كاكاو خلال حملها فيه تكون نسبة ذكاءه مرتفعة عن البيبي اللي أمه ما كلت كاكاو بفترة الحمل وفعلا هالشي لاحظته بوايد أطفال والعلم عند الله

انا احب الكاكاو وااااااااايد

بس بحملي الاول والحين الثاني كله يصير فيني حارج من اكل قطعه صغيره :

عشان جذي اشتهي الكاكاو بس ما اقدر اكل

عادي كنت اكله ويقولون مفيد بس انتى لاتكثرين علشان ماينفخ البيبي وايد

مافي ضرر بس مايطلع البيبي أسودههههههههه
لازم الأكل يكون متوازن بكل شي

انشالله مافي الا العافيه

بس لا تكثرين عشان السكـــر ..~

كل شي اذا زاد عن حده ينقلب ضده

الكاكاو عادي بكميات معقولة
بس لا تكثرين وخصوصا بالاشهرالاخيرة
يكبر الياهل ويمتنه وهالشي يتعبج ويتعبه بالولادة