|
|
قوة بنات اشلونكم ؟؟؟
الله يهون علينا و عليكم . .
بنات أنا حامل بالشهر السابع .. و ماشالله على جونا اللندني .. كل يوم غبرة أكثر من اللي قبلها 
تعبت من الحساسية .. خشمي يحكني .. أذوني تحكني .. عيوني تحكني .. أمشي و أعاطس ..
يمكن أعطس 100 عطسه باليوم .. عاد رفيجتي خرعتني قالتلي احتمال لا سمح الله ولاده مبكرة لأن البيبي يمكن ينزل الحوض من كثر العطاس 
صج صج احتست بعمري .. كليت برتقال و ليمون و شميت بصل و طبعا ما ينفع مع الحمال حبوب الحساسية ( زرتك ) و لا غيرها ..
تكفوون بنات اللي عندها طريقه تخفف الحساسية بهالغبار لا تبخل علينا , أنا سمعت أن في حبوب حساسية حق الحوامل , بس الصيدلية قالولي ما يصير لا حبوب و لاقطرات و لا بخاخات ..
حدي حدي لايعة جبدي .. تكفووون ساعدوني .. الله يهون علي و عليكم 
حتى باول الاشهر عادي بس تاخذين حبه مثلا كل يومين مو يوميا 
سئلي الصيدلاني او طبيبتج وراح تقولج ان مافي مضره من الزيرتك
اذا طلعتي بره لبسي الكمام علشان ما يدخل الغبار داخل خشمج او حلجج وشربي ليمون مع برتقال فوحي مع بعض وشربيه وووووايد زين والله يشفيج ان شاء الله ويحفظ البيبي قولي امين
كميثره … عيزت و الله يا قلبي .. خلصت برتقال السووق ,, ماكو فايدة !!!
المشكلة احنا بالصيف ,,, و أنا ولادتي آخر الصيف ,, يعني حد المعاناة طووول الصيف
دقي على اي صيدليه وسئليهم .. انا سائله دكتور عدنان ابل استشاري امراض صدر وحساسيه .. وسائله نداء بو خضور طبيبه امراض نسا .. وسائله صيدلانيين 2 بالشفا وسائله صيدلاني مال جمعيه السره وكلهم قالو الزيرتك اوكي بعد الشهر الثالث من الحمل
انتي زياده في الاطمئنان دقي على طبيبتج