الطلاق من صوب او العيش في جحيم

خنت زوجي وطاح علي، طبعا انهار وعصب وناداني بأسوأ الالفاظ .. لدرجه انه يشك بعياله مني.. طردني من البيت, طبعا كل هذا انا استحقه و اهو للحين ما طلقني بس قالي يمكن اردج بس عشان يستر علي لا أكثر ولا أقل.
يعني الرجال ما يحبني.. وبصراحه أنا حيل قل حبي له، وما اتجهت لأحد ثاني الا لأنه فيه شي مو بزوجي.. هذا ما يبرر غلطتي لكن الحين انا بمفترق طرق ومحتاجه النصيحه.

عطاني اختيارين مالهم ثالث. اهد الحياه كلها (تلفون انترنت شغل اصدقاء زيارات تلفزيون سياره) او اتطلق.
اقدر اصبر عن كل شي الا الشغل ما اتخيل نفسي ليل نهار بالبيت, الجمعه والسبت يمرون علي من اثقل ما يكون.
و حتى لو رضيت، غير أول سنه تعاسه من الحره الي فقلبه راح يظل طول حياته يذكرني فيها، نفس تجارب ناس وايد ردو لأزواجهم…
ابي يطلقني عشان يرتاح ويحس انه عاقبني لاني ادري انه بيتعذب لو شافني كل يوم وتذكر خيانتي ، حتى لو رضا ما اهد دوامي ما اقدر اتخيل نفسي بدون وجه مكسورة في بيتي بين عيالي طول ما انا عايشه، اهو يبي يعاقبني يا بالطلاق يا بالحرمان و اعيش مع الطوف بالبيت…

بنات الي مرت بنفس التجربه او تعرف احد مر بمثلها خل تشاركني…

للحين انا مو بوعيي بس في عندي قناعه اني اقدر اعيش بدونه ولا اني اعيش معاه بحزن.

بنات لو سمحتو اجتهدو ردو علي

الله يهديكي يارب ويستر عليكي دنيا واخره ،

انتي خايفه من عقاب زوجك ، مو خايفه من عقاب ربنا؟

مفروض تحمدي الله انه زوجك ما طلقك ولا ضرك ولا فضحك بين العالم والناس ، ترا زوجك بمعنى الكلمه رجال وصاحب كلمه ما شاء الله عليه ،

ازا طلقتي رح تمشي بطريق الحرام ، لانه نقسيتك طريه على هالشي ( اسفه لهالكلام ) انتي بين زوجك ومعك زوجك وخنتيه ، كيف لما تقعدي بدون زوج وبدون رجال؟؟
الشيطان رح يكون مسيطر عليكي زياده عن اللزوم ،،

مع احترامي الك حبيبتي ومو قصدي اقلل من قيمتك ولا اتدخل بحياتك هاد شي خاصك فيكي وانتي حره ، بس انتي طرحتي موضوع وانا بجاوب عليه ، هادي مجرد اراء رح تقرئيها ،

نصيحتي تضلك مع زوجك ، وتستري على نفسك عشانك وعشان اولادك ، وتطلبي العفو والسماح والتوبه من رب العالمين ، ربنا اله حكمه انه زوجك ما يتركك ولا يطلقك ،

ومافي شي بضل على حاله ، يمكن زوجك يتغير معك عبر السنين ، ما بتعرفي شو الدهر مخبيلك ،

الله يصلح الحال يارب ويستر على المسلمين ،

الله يهديكم

الله يهديج

شنو هذا ماكو دين!! الحمدلله الذي عافانا والله لايبلينا..توبي لله..وزوج يسامحج ومايفضحج هذا وين حصلتيه..الوحده على ادنى شي ممكن يفضحها زوجهها عند اهلها او يطلقها لاتفه سبب..احسج فسقانه اقول انطمي واحمدي ربج ماطلعت فضايحج للناس كلها طلع زوجج مو كفوج!!!

الحمدالله ان لقيتي ريال عقب هالمصيبة يستر عليج
وانت الحين ارضي بكل شي صدقيني فترة واذا شافج متحسفة
ونادمة على اللي سويتيه ان شاء الله يسامحج
وتبدون بداية وصفحة يديدة
وتقولين ان ما تحبينه المفروض تشلينه على راسك عقب ما ستر عليج
والله يهديج ان شاء الله

الله يسامحج على اللي سويته !! وريلج زين منه مخيرج

عموما انا انصحج تطلقي منه مو علشانج وعلشان مصلحتج علشانه اهو المسكين اللي راح يتعذب كل مايشوفج ويتذكر اللي سويتيه فيه

ثاني شي ترا بيقعد يعايرج على الطالعه والنازله وانتي اكيد اكيد ماراح تستحملين تعيشين بين ٤ اطوف

الريال ماينسى خيانة مرته له .. فلا تتأملين انه راح ينسى ويسامحج
*

وليش خنتيه وااضح ان شهم لانه سترعليج اعرف وحده قامت تكلم من لما تزوج عليها زوجها بس اتوقع ماعندج سبب اقووول خلج عليه وان شاء الله يسير ماضي وانتهى بس ياريت تعبرين له عن ندمج والله يسامحج دامه غفر هاذي واضح انه طيب اخلاقه وانتي ام عياله وبينسى مردا بينسى وبليز يعني بنات انا ما ادافع عنها بس اللي ماعندها رد سنع لا ترد

يعتمد على نوع الخيانه
وهل كانت جسديه والا بالتلفون بس واهو شنو اللي اعرفه وجكه وشنو اللي صار؟؟!

عشان اعرف اقولج عدل ..

المهم
انتي تتتوبين لله عن الذنب وتحاولين كثر ماتقدرين تبينين جدامه الندم
وتحلفين له انها كانت بس علاقه تلفونيه <<
عشان لا يكره العيال ويسوي فيكم شي لاسمح الله ..

واذا لابد حلفي على المصحف انج صاينته اللهم بالتلفون ابليس وزج وجذي…

يعني حاولي كثر ماتقدرين ترقعين حياتج معاه وتمشين امورج

اما اذا ماتبينه تطلقي منه واحب الله المحسنين

انا اقول توبي توبة نصوحه وتطلقي دام انك ماتحبينه وزيادة على انه بيعايرك طول عمرك

وحده اعرفها نفس حالتج صادها وهي تخونه واهي الحين عايشه وياه من احسن مايكون والسبب انها تابت توبه نصوحه والشي الثاني

الدعــــــــــــــــــــــــــاء تدعين ربج انه ينسيه اللي سويتيه ويغفرلج طبعا رضا ربج اهم

وانتي طبعا تغيري واهتمي فيه ودلعيه

لان اللي اعرفها بالبدايه كرهها عيشتها لاتلفون لاطلعات وبعد مادعت الحمدلله الله يسر امورها

انا قاعده اقولج جذيه لان بعد الطلاق شبيصير فيج ؟؟ اكيد بتعذبين اكثر

نسيت اقولج ان صار يقولها الحين صرتي احسن من اول بواجد

حبيبتي الحين انتي غلطتي والغلط ما ينفع فيه لا دموع ولا حيره !!
الغلط ما عنده الا شي واحد .. انج ما تكررين نفس الغلط مره ثانيه بالمستقبل !!
المؤمن لا يلدغ من الجحر مرتين .. والندم بيفيدج مؤقت بس لا يصير هوس وكل مره تفكريم باللي صار …
فكري فيها يمكن الله بيصحيج من غفلتج ؟؟! والتوبه النصوحه أهم شي عند رب العالمين ,, اذا الله يسامح بني آدم ما يسامح ؟
سمعيني حبيبتي انتي كلش ابد ابد لا تتسرعين .. تركي كل اللي قاله عنج وقعدي شوفي الوضع !! تتحملين ما تتحملين ؟
تقدرين ما تقدرين ؟! لازم أول شي تقعدين بعدين بناءا على حآلتج النفسيه تقررين الانفصال أو تمين معآه .. أهم شي لازم نفسيتج ما تكون هآبطه !! أهوا الحين بحآله لا يعلمها الا الله … حآولي تكفرين بذنوبج بالدعاء والصلاة والتوبه النصوحه وتردين مره بآره فيه وفي بيته .. بالاول راح ينتقدج وهذا رد فعل طبيعي تحملي وصبري .. صبري صبري صبري .. بس اذا ما قدرتي خلاص بعد شتسوين تطلقي .. بس بالاول ربي طلباته منتي خسرانه شي والله يسهلج انشالله
ادعي ربج وتوبي واستخيري

نصيحتي, انفصلي عنه بدون طلاق