|
|
الســلام عليكم ورحمة الله وبركاته
اول موضوع اكتبه في هذا القسم .. وان شاء الله يكون موضوع مفيد ونشوف مشاركاتكم
ودي نعرف من الطالبات المتزوجات
شلون تقدر تنظم وقتها بين دوام الكلية او المعهد الصبح وبين بيتها وزوجها وناحية ثانية دراستها ..
خلونا كلنا نستفيد من تجارب بعض
(( ودعواتكم لي انه الله يوفقني بزواجي .. ويهدي زوجي ويسخره لي))
بس لما قريته عرفت انه مو انا
انا متزوجة و ادرس و ريلي بعد يدرس بس بره يعني كلش ما احاتي مسؤولية شي غير دراستي 
والاصعب حقيقة هو وجود الاولاد واكيد المستوى راح ينزل شوي بس لازم تصارعين وتقاومين ((صارت حرب ))
والله يوفق الجميع ويوفقج
والمشكله الاكبر ان احنا برا الكويت يعنى لو فى الاهل اشوى يساعدون بس الحمدلله ماشيه اهى صعبه وصعبه وااااايد بس التنظيم جدا مطلوب وراح يكون فى اشياء وايد طوفينها على حساب مافى وقت بس من خلال تجربتى اللى عندها طموح انها تصير وتكبر مافى شى صعب Take It Easy وتشمى موفقة يارب انتي وزوجج والله يعينكم ويسهل عليكم
تسلمين للرد
:: جامعية ::
الله يوفق كل الطالبات يارب وكل المتزوجات وانتي اولهم
بس ماعرفنا طريقة تنظيمج للوقت ،، ؟
اما نزول المستوى الله يستر احنا بس ملجة والتفكير كله صار عنده هههههه الله يعين اذا سكنت معاه في بيت واحد
:: sereen ::
الله يوفقج ويسهل عليج يارب .. فعلا الغربة صعبة ..
بس لها ميزات بعد انج ما تحاتين العلاقات الاجتماعية الكثيرة وشرهة فلان وعلان .. يعني تكونين محصورة في بيتج ودراستج بس
بالتوفيق لكم
وانتظر المزيد من المشاركات
انا كنت باول كليه لما ملجت وتزوجت اول ثاني سنه بالجامعه والحمدالله الامور ميسره حملت ببناتي الثنتين ويبتهم وانا ادرس لكن لاني كنت عند الحموله فما احاتي شي لاطبخ ولا يهال بروحهم بالبيت
ولما خلصت دراستي طلعت بشقه
فلا تحاتين هالامور لان الله ييسير من حيث ما تعلمين
والله يوفقج
شكرا بعد عمرى ملاك بس الحمد الله اهلي واهله مو مقصرين اروح الجامعه وانا متطمنه على بنتي
بس صج مالج خلق الدراسه بس شنسوي اندز عمرنا دز
واللهــ يوفق الجميــع…
انا متزوجه وطالبه وام والحمد لله على وشك التخرج واخيييييييرا ادعولي اللة يجزاكم خير
موفقين يابنات اااايه جذيه شطورات وياجبال مايهزك ريح الله يعين خواتي المتزوجات واللي عندهم عيال وهم طالبات والله يوفقهم