الصبغ والحمل؟؟

بنات منو اصبغت شعرها وهيا حامل ؟؟ .. وهل ضار ولا عادي ؟؟.. احترت في ناس يقولون عادي

وناس يقولون خطر .. لأن عندي عرس وصبغتي طايحه ..

انا عن نفسي صبغت بكل حمالاتي والحمدالله ماضرني وحتى حماتي والله يتمم عليج حملج حبيبتي

انا صبغت وانا توني حامل بأول شهر حتى من قبل لا احلل واعرف اني حامل والحمدلله كل شي اوكي

والله سؤالج مهم واضيف على الصبغ الريلاكس اذا كان يضر البيبي ولا لا؟
لان ضروري جدا انا كل 6 شهور اسوي والحين من سويت آخر مره صارلي 9 شهور وخايفه اسوي وانا حامل

انا سويت بس انا اللي اعرفه مايصير باول ثلاث شهور الاولى .. انا سويت وانا بالخامس

انا لما بغيت اصبغ سالت الدكتوره وقالت عااادي ىبس شربي ماي وااايد قبل يووم الصبغه وهم بعد ماتصبغين شربي ماااي لمده يومين بعد الصبغ…
بس بفرنسا كنت بصبغ بس قلت للكوافيره اني حاامل الله لا يوريكم شلووون قالت نونونونونوووووووووو!!1 بغت تطلع عيونها شافتني مصممه سالت مديرها ويزفها ذيج الزفه!! شدعوااا

عاد اهم ماجسووون الحامل لما تووولد!!

هلا والله
بالنسبه اي انا صبغت شعري من الرابع للاخير بس خفت اول 3 اشهر مادري ليش

انا اللي اعرف مايصير وسئلت كذا دكتوره وقالت لاتصبغين ومره سئلت دكتوره قلت شنو الضرر قالت يسبب امراض خبيثه بالدم (حق الجنين) ومن بعدها ماصبغت مع ان فيني شيب وبصبغ بس خايفه ..