الشهادات عاجل وانا متأخره

السلام عليكم جميعا
خواتي ابلات الابتدائي خلاص وقفتم توزيع الشهادات
لان اليوم رحت مدرسة ولدي قالولي تعالي السنه الجايه
ولا علموني بنتيجته

كلكم جذيه ولا بس مدرستنا الله بالخير
واذا الكل جذيه شلون اقدر اعرف نتيجته
ادري اني متأخره بس كل انسان له ظروفه
ومشكوررررررررررررين

شلون نتيجه بدون شهاده يعني تقعدين الصيف ماتدرين ناجح ولاساقط شنو هذا روحي للمنطقه التعليميه

motamashkesa
مشكوره (اسمج حده صعب)
بس يطلعولي الشهاده ولا لأ؟

اي المنطقة تطلع لج اخر شهادة له

احنا مدرستنا لي اليوم وهم يوزعون

و اذا كلش خلوا الشهايد عند الحارس

ايه حبيبتي يعطونج الشهاده

مشكورين ما قصرتو
واحنا ندرس ثنوي نفس الطريقه اخر شي عند الحارس
بس مدرسة ولدي موشي صراحه
شكلي بشتكي عليهم

والله شي غريب

احنا مدرستنا لي اخر يوم يوزعون الشهادات!!!

أول مره أسمع إنهم يوقفون توزيع الشهادات قبل آخر يوم!!!

ابتدائي مافي رسوووب ناااااااااااجح ناجح .. ماعدا رابع وخامس .. في نجاح ورسوب

واحنا تم توزيع الشهايد لمده يومين فقط …

وكانوا حاطين اعلان صارله مده على باب المدرسه بوقت توزيع الشهايد

واللي ماخذت شهايد عيالها .. تاخذهاا بداية العام الدراسي

(( صراحه كنت قاعده ساعتين على شهاده وحده … )) … رحت حذفتهم ع الوكيله عصبت

الشهادات عند السكرتاريه لي باجر موجودين

حتـى احنـا لي باجـر توزيـع الشهادات ..
واساسا الشهادات تصير احيانا على يوميـن وثلاث أيـام ..