الشق الأيمن من وجهي يختلف عن الأيسر

السلام عليكم بنات

أنا عندي مشكله أن جهة اليمين من وجهي غير متماثلة مع جهة اليسار

كلش مختلفة حيل وتبين أن أصغر كثير من جهة اليسار أنا قريت عن الموضوع و لقيت إن بعض الدكاتره يقولون نقص عضل في جهة من الوجه

الاختلاف ملحوظ جدا مع إني مامره شفت احد فيه اختلاف بين جهة اليمين واليسار

في حل للمشكلة و اذا في مشاهير عندهم الاختلاف ياليت تضيفون صورهم

رجاء ابغى معلومات عن الموضوع من الخبيرات في سوالف التجميل

شكل مافيه معلومات عن الموضوع

يمكن مافهمتوا قصدي

حبيبتي والله ودي افيدج بس ماعندي خلفيه عن هذا الموضوع بس ليش ماتسالين دكاترة التجميل?

ممكن تكون عندج عضلات وجهج في جهه اقوى من الجهه الثانيه فيكون الخد في جهه اكبر من الجهه الثانيه عاده يصير مع الناس الي جاهم مرض عصب الوجه او ابو الوجه يترك هذا التاثير في العضلات فيبين الاختلاف ما بين الجهه اليمين واليسار

حبيبتي
ماعندي فكرة عن تفاصيل مشكلتج
لكن لاتفكرين بحلها الا بفرنسا
لان فرنسا هي الاولى بالتجميل

وغالبا دكاترة فرنسا عندهن عيادات بلندن

هذا الدكتور
Dr. Olivier H. De Frahan,
بباريس وبلندن

يعتبر الدكتور الثاني على مستوى العالم
ومتخصص اكثر للوجه
روحي له استشارته ترى
نفس سعر استشارة الدكتور هشام بورزق !

الاستشاره وفتح الملف ب ٥٠ دينار

مشكورات.بنات أنا ما اصبت بأي عصبي ولله الحمد والمنه

لكن الاختلاف اضح.جدا ومأثر.على نفسيتي بشكل كبير لان مامره شفت احد
عنده اختلاف في جانبين الوجه

وياليت تعطوني فكرة عن حل المشكلة عشان اكون مقتنعة ومتهيأه للعلاج

عشا أوضح لكم المشكلة اكثر مثلا انفي من جهة اليمين شكله مختلف عن اليسار باليمين يبين أقصر وشكله غير عظمة حاجبي من اليمين بارزة بخلاف اليسار. حتى الشفه من.جهة اليمين شكلها.غير عن اليسار مع ان من الامام وجهي متناسق جدا لكن من.الجنب الفرق كبير جدا ….

اهلن اختي
علا فكره هذا طبيعي ويمكن 50بالميئه من الناس جي بس ماتلاحضين
ركزي ودققي بتلاقين النص اليمين يختلف عن اليسار
وهذا الكلام عن تجربه

حبيبتي ترا كل الناس جهه اليمين عندهم غير عن اليسار مو بس الويه لا الجسم كله شي طبيعيي جدااااا

بس انتي تقولين اختلاف كبير! يعني الي اول مره يشوفج يلاحظ هالشي ولا بس انتي ملاحظته؟

انا الدكتور قالي هذي شغله طبيعيه ولو تركزين بالناس خشومهم جهه غير عن الثانيه وعين اصغر من الثانيه

ممكن يكون أحد ملاحظه ومايعلق …,,وأنا ملاحظه الاختلاف بشكل واضح مع اني مامره شفت احد عنده هالمشكلة

الا ممكن اللي عاملين عمليات تجميل لكن الناس الطبيعيين ماعندهم هالاختلاف

ياليت تفيدني ببعض الصور

مدري مع اني مامره شفت احد عنده اختلاف ملحوظ

اختي حتى دكتور أوز مرة قال انه جهة اليمين غير جهة اليسار وكل العالم تختلف عندهم الجهات واكثر شي ممكن يلاحظونه الحواجب تكون مختلفة حتى الفخوذ لا بيستي بنطلون تحسينه طرف اضيج من طرف لا تتوسوسين واذا تستحين سالي امك اختج القراب اذا وايد مبين او لا