|
|
هلا بنات شلونكم ؟؟
اليوم قررت ارد لكم بموضوع جديد ومؤثر.gif "Eh S(15)")
بس اسألكم بالله ما تنقلون موضوعي الا بشرط تذكرون اسمي بالمنتدى وما احلل اي وحده تنسب الموضوع لنفسها
نبدأ؟؟؟
عندي صديقه من مدة كم سنه
تزوجت من رجل ( متزوج قبلها 12 وحده.gif "Eh S(12)")
)
في البداية عانت معاه وااايد
كان يقارنها بغيرها
وصارت لها معاه مشاكل نفسية
حست انه مو متقبل جسمها وشكلها
ولا يحب يقرب منها
وكان على ذمته زوجه يحبهااااا من قلب
ويقول لو تفارقني اموووت
حاولت تاخذ قلبه وتعيش معاه عيشه لطيفه
قبلت بأشياء وااايد لكنه مو مقتنع فيها
وتطلقت منه
عاشت ايام اليمه
صكت على روحها الباب
وجابلت السجاده والقبله
ولجأت لرب العالمين
وبعدين؟؟؟؟؟؟؟؟؟؟
ردت عليه
ماهي معاناتها؟؟
ولماذا ردت له ؟؟
وكيف استطاعت ان تستبدل حياة النكد والشقاء الى حياة الهنا والسعادة؟؟
هذ ما ستعرفونه من خلال مقابلتي لها
خليكم معاي .gif "Eh S(8)")
يا ربى يا كريم افتح على أم السنع ويسر لها أمورها يااااارب
وبانتظارج يا الغالية .gif "Eh S(17)")
كانت علاقتي معاها قوية جدا
هي بنية كبيرة تعيش وضع صعب جداا مع امها
وحياتها ملخبطة وتحتاج الى الزوج اللي يضفها
كانت بحاجه لبيت تستقر فيه وزوج يشعرها بالأمان
وخطبها …
رجل صالح تقي مشهود له بحسن الخلق والسلوك
وصاحب خيــــــــر ( مادي ومعنوي)
وكان فيه مشكلة وحده …
انه مزواااااااج
ولما سألو عنه اخوانها
وعرفو حسبه ونسبه واخلاقه ودينه
وعقله وثقله حبوه وايد
بس كانو مترددين لأنه اكبر منها ب
30 سنه تقريبا
المهم البنيه كانت تستخير وتستخير وقلبها
يميل له
لما قررت ان توافق عليه
و في وقت الملكه
جاها اخوها
وقال لها تدرين انه اكبر منك ب 30 سنه ؟؟
وعنده على ذمته زوجتين ؟؟
أم عياله و وحده ثانية ؟؟
تقول تفاجأت …
لكن خلاص الناس متجمعين والعشا جاهز وانا اتجهز بالمكياج والتسريحه
والذي منه
فقلت الخيره فيما اختاره الله
و وافقت
وانتقلت الى عش الزوجية …
حطني ب بيت بسيط جدااا
وانا مو هامني المهم عندي اني اعيش حياة زوجية مستقره اشعر فيها بالأمان
لكن مع الأيام حسيت انه ما يرغب بالصرف علي ابداا
واذا حسسته اني محتاجه لأي شي يشتريه بنفسه
ويقطه علي ( ملابس ممن بو دينار ونص ).gif "Eh S(2)")
وانا متقبله ومو هامني
اهم شي عندي انه رجل صالح وحبيب وخلوق
والماده شي ما يهمني ابدااا
فاجأني انه ما يبي اي احد من اهله يكون له احتكاك معاي
ما شفتهم ولا اعرفهم
وبحكم ان رجل كبير في السن
أمه وابوه واخوانه متوفين
واسرته هم زوجته العوده و عياله
صرت له الممرضه والزوجه والصديقه
والأخت الحنونه
اطبخ والبس واتسنع
واستقبله بالحب والود
وما اشوف منه اي تقبل
بديت اسأله اش فيك ؟؟
يقول لي مو مرتاح اقول له ليش ؟؟
يقول مادري
واشوفه يروح يوم عند ام عياله ويوم عنده زوجته الثانية ويوم عندي
ويقول ان ام عياله ماله اي علاقه معاها وما تكلمه
أما الثانية يمدحها مدح ويمووووت عليها ويقول لو تزعل ولا تقول طلقني
راح امووووت ما اقدر اعيش بدونها يوم واحد
تقول اسمع كلامه وقلبي يطبخ
اقول وانا ؟؟ ليش ما اخذت قلبه ليش ما حبني
شنو اللي ينقصني ؟؟
مع الأيام صرت اداحره ( اناقشه)
وبشده واقوله اب حقوقي الشرعيه
ابيك تصرف علي ابيك ……..
وابيك………..
وابيك………
و طيت سلسلة من الطلبات والشروط
وبدت المشاكل …
وصار ينتقد كل شي فيني
حتى اجزاء جسمي صارت بعينه ( مشوهه)
و كان يقول لي انا اكره فيج ( …….) و (………) و(…..)
ياربي هذي خلقة الله شسوي
حاولت اضعف واتزين
واتجمل بس تبقى اشياء ما تتغير
ومع الايام مليت
وصارت النقاشات بينا حاااااده
هو يعيب وينتقد ويحرم
وانا ارد عليه بالمثل
انت فيك وفيك وفيك
وقام صوتي يعلو ويعلو
وصرت انتفض واعصب
.gif "Eh S(14)")
لما جه يوم وقال لي شوفي يا بنت الناس
انا رجل كبير بالسن والمكانه
ورجل صالح
وما اقبل على نفسي باللي تسوينه
تسلوبج مو حلو معاي
وانا بصراحه بطلقج
وطلقني ورديت بيت اهلي بااااااااائسه وحزينه
تقول :
رديت لبيت اهلي ولأمي القاسية واخواني المشغولين
امي ما تبيني التزم بالدين
وباليوم عشرين مره تسبني بأقذع الأسباب
وتوصفني بكلمات وصخه جدااااا وما تنقال
وانا قلبي يدمي
و اعتكتفت على ذاتي
سويت لي منهج خاااص لحياتي
وقمت افكربذاتي وبحياتي
واكتشفت اخطائي مع زوجي واخطاءه معاي
وقمت اتعقل اكثر واكثر
وافكر بحياتي واخطائي
وصفاتي اللي تحتاج تطوير
وقمت اطور شخصيتي واتردد على المحاضرات والدورات
واغلب وقتي
بين مصحفي وسجادتي وصلاتي وقيامي
وصرت انسانه ما لها هم الا الله والدار الآخره
وقمت اتذكر هذي الجمله ( ارجعها فإنها صوامه قوامه)
وقلت بقلبي :
يا رب رد لي زوجي وسنع حياتي معاه
فإني صوامه وقوامه
يا رب
رد علي زوجي
وتميت على هذا الحال شهووور طويله
وكنت كلما اشوفها او اتصل فيها
تقول لي انا واثقه جدااا اني برد على زوجي
اقول لها والله ماشاء الله عليج واثقه من نفسج
ترد علي :
واثقه بالله
وف يوم حصلت المفاجأة
اتصل زوجها بأخوها وقال له انا ما اقدر اعيش بدون اختكم
ابيها يعني ابيها لازم اردها
وكتب لها رساله مثل المراهقين وحطها على سيارتها.gif "Eh S(21)")
وتفاهمو على كل شي
وفي وقت الرده
قال لها راح اعطيج مهر
10 دك فقط
تقول ما عجبني الوضع
فقلت ما عندي الا ربي
رفعت ايدي لسما وقلت يا رب
ما راح اسقط في الاختبار
بقبل بالقليل من متاع الدنيا
بس اشترط … انه يتصلح معاي وتصير حياتنا سعيده
عقب فتره انا تزوجت وانشغلت مع بيتي وعيالي
واهي انشغلت مع زوجها
وكانت بين فتره والثانية تتصل واحس انها مرتاحه وسعيده
ومن سفره لي سفره
صحيح سفرات بسيطه
و دول قريبه
لكن زوجها كان ما يستغني عنها ابدااا
وقام يقضي معاها اوقات طويــــــــــــــــــله
ومره سألتها غريبه احس ريلج على طول عندج
جان تقول اي ما عنده غيري
سألتها وحريمه وينهم ؟؟
قالت امالعيال على حالها ماتحاجيه ولاتكلمه وعايشه في البيت العود مع عيالها وجناينها
وما لها اي علاقه معاه
سألتها : و الثانية ( اللي يمووووت عليها ) ؟؟
اصدمتني لما قالت : طلقها
شلوون ؟؟
قالت والله ما ادخل بخصوصياته اللي اعرفه انه بينهم مشكله
حاده وانهم اتفقو علىالانفصال
قلت لها سبحان الله والله دنيا غريبه
وانتي شلونج معاه
قالت اوووووه سكتي بأحسن حال
سألتها شلون ؟؟
تقول انا تغيرت وهو تغير وصارت حياتنا حلووووة ومريحه
ومفعمه بالحب
الحـــــــــــــــــــــب الله يا حلو الشعور
كلميني عن الحــــــــــــب شلون دخل حياتكم وغيرها
عقب ما كان ما يبيج و ينتقدج ويعيب على كل شي فيج
لا عيوني هذا الحجي ما يبي مكالمه هاتفيه اش عندج العصر ؟؟
قالت ما عندي شي
واتفقنا انها تسير علي الساعه 5
نشرب شاي ونسولف
لما صارت الساعه 5 الا جم دقيقة
اتصلت باطمئن انها دلت بيتي ( الجديد )
جان تقول انا جدام بيتج
وطقت لي هرن ( طاطاطاط) .gif "Eh S(6)")
تأكيد انها جدام الباب
فتحت لها الباب
ودخلت صالة الاستقبال
وبدأنا الحوااار العجيــــــــــــــب
عن الحـــــــــــــــــــــــب بين الزوجين
صج الله عوض صبرها خير
وكله انمسح 
ارتاحي وكملي ويعطيج العافيه
قالت :
في حياتي مع زوجي قبل الطلاق
ما كنت اعرف نقطه مهمه
وهي ان شدة الحب والتعلق وملاحقة الزوج
تطفش
كنت اظن ان الملاحقه
والجدال والنقاش واللصوق بالزوج
تزيد من الحب
وتقرب زوجي لي
لكنه نفر مني وسمعني كلام مؤلم وطلقني
وعقب ما انفصلنا
رجع كل واحد منا لنفسه
وصلحنااخطاءنا وردينا
على بعض
تدرين يا أم السنع هو خذا قبلي 12 وحده تقريبا
من جنسيات متعدده اصغر مني واحلى مني
وحده منهم حبها بقوة وعاش معاها 14 سنه
وبعدين صارت له مشكله وقرروا الانفصال
طبعا انا ما اعرف مشكلتهم لأنه ما أحب أتدخل بمشكلة غيري
حتى لو شريكتي
و ما قعد الا عندي ليش؟؟
فهمته – واحترمت احتياجاته – حرصت على اشباعها
واهم شي
حــــــــــــــبيته
بس ما خليته كل همي
المحبة العظيمه للزوج توصل الى مرحلة
تضعف الايمان بالقلب
هني ذكرتني بشي
ذكرتني ب دورة شرح رسالة العبودية
اللي اقمتها قبل كم سنه
كان ابن تيمية يقول فيها :
ان العباده هي كمال الحب
وكمال الخضوع
و ان العبد اذا تعلق بشخص ( بالحلال)
يقلل ذلك من تعلقه بالله
فالاعتدال بالحب مطلوووووب
وخلتني وهي تتكلم احس بأن قلبي طااااااااااير
وحسيت واحنا نتناقش انا راااااااقين جدا
والله قمت اتلفت
واتأكد انا في بيتي
احس اني بحلم احس اني بعالم ثااااني
الله ما اجمل الصديقة اللي ترفع روحانياتج
وتقربج من الله شعور عظيم