الروتين الممل

السلام عليكم بنات

شخباركم انشالله مرتاحين ..

بنات ابي اعرف انتو مثلي ؟؟

احسن نفسي مالة من روتين حياتي اليومي ، احس مافي تغيير مافي شي يونس

اقعد من النوم زوجي رايح الدوام اخذ عيالي واوديهم عند امي واروح الدوام

ارجع من الدوام مرات اتغدى عند امي ومرات في شقتي مع زوجي وبس عقبها

نوم العصر او اشوف اليهال لانه ماعندي خدامه وبالليل اطلع بس ما احس في

شي او مكان يونس كل شي ممل ..

لا تقولون لي سافري زوجي ميزانيته ما تسمح ..

والله احس صاير فيني اكتئاب كلا ضايق خلقي وابجي ومتوتره

حتى افلام فيها غموض نفسيتي ما تتحمل اشوف

وكارهه التلفزيون والاخبار اللي فيه ، ولا خبر مفرح كله حروب وقتل ودمار

ااااخ تعبت ابي حل

Up up up

احمدي ربج عندج ام تروحين لها وتردين وعيالج بعافيه
الله يطول بعمرها

ليش ماتشتركين بنادي او تدشين دورات تنمي موهبتج مثلا رسم او فوتوشوب او تتعلمين لغات او حياكه .. الخ ..

يا قلبي الله يعينج

الحمدلله على كل حال
حجزي فندق انتي وريلج ارتاحوا شوي

ما اقدر لانه في الوقت اللي انا في النادي وين اخلي عيالي

اذا ماتقدرين تودين عيالج عند احد عيل خلي شغلج بالبيت

اشتريلج جهاز مشي .. مثلا

واشتريلج سيديات تعلمج الرقص والتمارين الرياضيه .. مو لازم سيديات اليوتيوب فيه كلشي

تبين رقص .. تبين رياضه .. تبين تتعلمين رسم .. تبين تتعلمين عالميك اب .. تبين كروشيه .. كلشي موجود

واشتريلج جم كتاب قعدي اتقري فيهم واتثقفي وزيادة العلم اتزيد الثقه بالنفس ..

والنت عندج مفتوح تقدرين تلهين عمرج فيه انا يوم افتح قسم الميك اب واقعد اطبق

ويوم افتح قسم الطباخ واقعد اطبق

ويوم الاشغال اليدويه واقعد اطبق ..

ويوم قسم التصوير والفوتوشوب

وترى هالتطبيقات و تنمية مهاراتج تقدر تفيدج انج تسوينلج مشروع صغير تلهين عمرج فيه ..

واذا ماديات تسمح دشي بمشروع حتى لو كان بسيط يبي اشياء مو موجوده بالكويت مثلا وعرضيها والحين البرامج بالاي فون والنت ابلاش تعرضين بضاعتج وانتي قاعده بمكانج منها تقوين امكاناتج الماديه وتساعدين زوجج سواء حق سفر او حق شاليه او حق فندق او غيره
ومنها تشغلين وقتج
ومنها تتعرفين على ناس يدد وتكونين علاقات اجتماعيه يديده

وسويلج جدول اعمال وعبادات مثلا يوم السبت تقرين سور معينه من القرآن وعدد معين من التسبيحات والاستغفار .. ودعاء معين .. والاثنين غير والثلاثاء غير .. هم تاخذين اجر وهم تحصنين بيتج وعيالج وهم تتقربين من رب العالمين والله ترى بتحسين بلذه مو طبيعيه ماراح تحسين بالملل كل ما زهقتي بتركظين على سيادتج وتسوين هالاعمال ..

وريلج وينه عنج انتي على الاقل متزوجة وعندج عيال يلهونج يالله الحمد لله على كل حال اممم شوفي حاولي انج تسوين رفريش بحياتج مثلا تغييرن اللوك زوري اهل ريلج عزمي امج وام ريلج عندج بالشقه عزمي اهله ربعه عندج الشاليهات ممكن تتعاونون انتي واهلج وكل واحد يدفع وتروحون شاليه

قولي الحمدلله ع نعمة الامن والامان .. انا كنت نفسج كله اتأفف وماله من كل شي بس لهيت نفسي بشغلات اسويها في البيت كل يوم مسويه شي .. والحين طايحه اسوي باندات وتيجان حق بنتي وبنات العايله .. واذا ناموا عيالي فتحت النت شوي اتسلى

وسويلج جدول اعمال وعبادات مثلا يوم السبت تقرين سور معينه من القرآن وعدد معين من التسبيحات والاستغفار .. ودعاء معين .. والاثنين غير والثلاثاء غير .. هم تاخذين اجر وهم تحصنين بيتج وعيالج وهم تتقربين من رب العالمين والله ترى بتحسين بلذه مو طبيعيه ماراح تحسين بالملل كل ما زهقتي بتركظين على سيادتج وتسوين هالاعمال

معاها لانه 2في 1
تحصلين اجر. وتقضين وقتج بشي مفيد

واحمدي ربج عندج اهلج ناس في المستشفيات على وايرات مركبين وناس حرب وجوع وانتي ببتج وعيالج وامج مرتاحة
حمدي ربج ترى النعمة زوالة والواحد يطالع الى ادنى منه عشان يشكر ربه وحاول تسوين لج قهوة وحلو وتزورين امج الصبح ياحلاته والله اليهال نايمين من العطلة وهدوء وتوصلين فيها الام ماتعوض وصدقني لاصار فيها شي لا سمح الله بتندمين على وقتج بدونها

البنات كفو ووفو الصراحه

اب اب اب اب اب

البنات ماقصرووووو ماشالله عليهم بس حبيت اعلق علئ الاخت لمى الهاجري حبيبتي قولي ماشالله لانها متزوجه حسيتج حاسده المتزوجات مادري لو رديتي عليها بدوون هالكلمه الي قلتيها

وريلج وينه عنج انتي على الاقل متزوجة وعندج عيال يلهونج يالله الحمد لله على كل حال!!!!!
ماشااااااالله وشكراً