|
|
بغيت اعرف شنو المشكلة اذا الزوج حاط رقم سري حق نقاله
هل هذا الشي يخليج تشكين ان عنده سوالف لان بصراحة زوجي حاط رقم سري ومايرضى يفتحه
دايم يقنعني ان هذه الشغله عادية وكل الرياجيل حاطين رقم سري مو علشان شي بس علشان لو في مسجات وسخة بينه وبين ربعه يقول ماأحبج تشوفينها
والله العظيم احترت اصدقه ولا اقعد على شكوكي
تشترين اثنين برد يعطونج تلفون
بس مو يحط رقم سري
لا توسوسين حبي ماكو الا العافيه
الرقم السري اي احد يحطه مو شرط تكون عنده علاقات
صح يمكن حاطه… عشان التعليقات او مسجات تخص مشاكل او خصوصيات ربعه او الدوام ..او ..او
استبعدي اللي ببالج عشان تحسين بالسعاده وياه…لان الوساوس ماتجيب الا الهم والنكد
وربي يخليكم لبعض ويسخره لج …
بس انا ماشكيت الا اني صايده عليه سوالف
مثلا اول ايام زواجي عطاني جهازه علشان اكلم اهلي عاد انا فتشت جهازه لقيت مخزن اسم سوريا عاد انا انصدمت اخذت الرقم علشان اتأكد
دقيت وطلع الرقم لبنت والله للحين اتذكر صوتها ….المهم واجهته قال رفيجي غشمرته ثقيلة اموزع رقمي عاد انا حفظته علشان سبحان الله اذا دقت علي قدامج ماارد عليها احتراما لج
وبعد فترة لقيت عنده مسج مكتوب هذا ايميلج والباسورد رقمج السري مافهمت المسج واجهته قال الف لي سالفة شطولها
ترى من تزوجته حاط رقم سري بس انا اذا عطاني جهازه علشان اكلم افتشه
والله اللحين محتارة حدي حتى انا اللحين متهاوشه معاه علشان هذه السالفة قلت له اما انا او رقمك السري قال اذا تساوميني علشان الرقم عناد ماراح ينفتح الرقم
شرايكم اكمل زعلي او اطنش السالفة لاني زهقت من الشك
وتراضي مع ريلج لاتخلينه لاحد امسكي بيتج ..وموفقح حبيبتي
رحت وحطيت رقم سري مثله وقلت حتى انا رفيجاتي يرسلون لي سوالف خاصه ومابيك تشوفها
قام يشك ويعصب علي وتهاوشنا على هالسالفه قلت له بالعربي تحط رقم سري بجهازك انا راح احط مثل ماتسوي راح اسوي
ودام حياتنا كلها ارقام سريه ماراح نرتاح ونهايتنا اكيد الطلاق ، اتفقنا نلغي شي اسمه رقم سري
مابي اخرب حياتج واقولج ازعلي لكن سوي مثل ماسويت وخلي اعصابج بارده ومثل ماتسوي راح اسوي ولاتلومني !!
كبري عقلج
يعني فل نفترض
قلتي شغله
قال مابي
قلتي لا ابيك تشغله
قال مابي
ويمر الوقت واهو معند
وتقولين يا انا يا تشغله
وقال بشغله وبوريج شفيه واذا لقيتي شي لوميني
وان ما لقيتي شي ظفي وجهج ياللي فيج وفيج
اخر شي شغله
طلع ما فيه شي
شنو موقفج حزتها
الرياييل يحطون ارقام سرية عشان من الرياييل اللي معاه لانهم همج واشكره ياخذون تليفونات بعض ويشوفون المسجات والمكالمات والخرابيط
مثلا انا
زوجي رفيجة شمسوي فيه
ماخذ تليفونه وحاط رقمه بلوتوث
وسويت لي مشكله معااااه لاصارت ولا استوت
دق على ربعه قدامي وسبيكر
قال لهم منو حاط رقمي بلوتوث قعد الملعون ضحك وقال فلان وقال عطني فلان وكلم فلان وسفل فيه قدامي وقال له رفيجة هذي اللي تقول مالها شغل بموبايلي ولا تفتشه خخخخخخخ عصب زوجي وسكر بوجهه التليفون
وانا نقدت على روحي يوم سمعت صاحبه يقوووول (هذي اللي تقول ان مالها شغل بموبايلك ولا تفتشه)
شفتي الرياييل
ترا كانو ماخذين تليفونه غفله واهو مو حاس