الرجاء المشاركه بالرأي

اخواتي انا لدي مشكله و عايشه ضيقه مو طبيعيه أنا مو عارفه شسوي عندي امتحانات و دوام لا ادرس و لا اروح الدوام و لا اكل و لا اشرب ما ابي اطول عليكم
مشكلتي اني تزوجت واحد وانا كنت الزوجه الثانيه و عشنا سنتان من اروع ما يكون . و فجأه و فجأه بدون مقدمات كنا سهرانين بليل قمنا الصبح الرجل لا يحبني و لا طايق يدخل البيت و قالي ابي اسافر و طول بالسفر و بعدين قالي لا تروحين البيت لانه انا بعته ( لان و اهوا مسافر انا رحت عند امي انام ) حتي ملابسي ما اخذتهم و لمن انا سألته عن السبب قالي ان زوجته الاولي طلبت الطلاق بس الامر غريب صار فجاه و من شهر فبراير للان انا لم اراه و لا يتصل بي و لا يكلمني و فعلا باع البيت و ملابسي حطهم بكراتين و خشهم عنده بالمخزن مال الشركه و انا ماني عارفه شسوي انا فعلا احبه و ادري انه اهوا يحبني لانه المراه تعرف اذا زوجها يحبها و لا لأ . انا بصراحه رحت للشيخ الحداد و قرأ علي بس لازم اهوا يروح و انا ايضا لم اكمل لاني فقدت الامل في كل شيئ انا و الله و الله احبه فما الحل برايكم

اكيد في حلقه مفقوده بالموضوع ليش الريال فجأه قلب عليج صار شي ولا جذى بدون مقدمات غير جذى حبيبتى انتى تزوجتى واحد على مرته وانتى تدرين ان الموضوع مايخلا من مشاكل اذا واحد بروحه ومانلحق على المشاكل فمابالج بريال متزوج يمكن مرته طالبه الطلاق عشانه تزوج وهى اكيد الاوليه الغاليه وام عياله والريال تلعوز مسكين محتاج فتره يفكر ويعيد ترتيب اموره صبري ودام ملابسج عنده خاشهم اكيد انه متمسك فيج للحين ادعى ليل نهار والجئي لربج بالدعاء وماراح يخيبج يارب اذا الله كاتب لج تستمرين عنده بتستمرين واذا الله موكاتب لج ميخالف عديها خيره وماتدرين وين ربج يوجهج المهم الزمى الاستغفار والله يفرجها عليج ويرجع لج ريلج ويهديكم لبعض.

الله يهديه ان شاء الله .. و يكتب لكم ما فيه الخير .. عليج بسورة البقرة و بالدعاء فإنه لا يرد القضاء الا الدعاء ..

و قولي الدعاء اللي بتوقيعي 7 مرات الفجر و العصر يفرج الهم ,, و توكلي على الله و اعلمي ان في كل شي يصير للمؤمن خيرة له ,, والله معاج

و الله اختي روز ادري انه في حلقه مفقوده و ادري ان الامر غريب بس الله يسامح الي كان السبب بس اختي حتي لو اهيا كانت طالبه الطلاق ليش يصير بين يوم و ليله يعني نايم عندي بليل و يقوم الصبح يتريق و يروح الشغل و ما شفته للحين ؟؟؟؟؟؟؟؟ صح و الله اني ادعي ربي بس مو قادره انساه

عدل كلامج يافلانه

ماتدرين أحد ناظلج ولا مسوي لريلج *** يكرهج عليج بالرقيه حبيبتي

و الله اني تعبانه نفسيا و مالي خلق حق شي و لا أدرس و لا انام و لا اروح و لا ايي بس افكر بحل

انزين دقي عليه مو تفجين عنه وسألي عنه دايما وحسسيه انج معاه على طول
والله يفرج عليج

مالج الا سجادتج وصلاتج وصدقيني كل شي بيتعدل ان شاء الله

الله يفرج همج عاجل غير اجل

الله يهديه

يا رب ادعولي

عسى الله يهديه انشالله وسخره لك ومالك الا الله وانتبهي حق دراستك الان شهاتك هي اللي بتنفعج والله كريم
في موضوع انا كاتبته ادعيه للزوجه دشي عليه

شوفي حبيبتى انتى لما خذيتية تدرين انة متزوج وحياةالزوجة الثانية غير عن الاولى

اتوقع من كلامج الريال مسحور … ولازم انج تودينة حق احد يقرا علية

حاولى اتدقين علية وقوليلة ابي اهدومى ضرورى

بعدين مو تعرفين مكان شغلة نطرية اهناك بدون سابق انذار روحيلة على غفلة وقوليلة اي شي وخلييية ايي معاج ودية عند الشيخ لما يقولج شنو اللى فية

وانشاء الله ماكو اللا العافية

بنت الحزن: اولا هذا ابتلاء لج من رب العالمين,والله عزوجل يبتليج علي قد صبرج.ماعليج الا انج تستخيرين

والله اعلم بكل شئ وعليج بقيام الليل فان سهام الليل لاتخطئ والله كل يوم في الثلث الاخير من الليل ينزل الي

السماء الدنيا فيقول هل من داعي فأستجيب له هل من سائل فأعطيه هل من مستغفر فأتوب اليه.وايضا الزمي

الاستغفار لان الرسول صلي الله عليه وسلم يقول من لزم الاستغفار جعل الله له من كل هم فرجا ومن كل ضيق

مخرجا ورزقه من حيث لا يحتسب.وصدقيني سوي اللي قلتلج عليه الجئ لله رب العالمين انما أمره بين الكاف

والنون ان اراد شيئا فانما يقول له كن فيكون.

و الله خواتي انا ماني عارفه اشلون اشكركم و انا والله ادعي بس انا اخاف ادق عليه مثل ما قلتو اخاف يقول هذي قاطه ويها و لا يفشلني انا ما راح استحمل فشرياكم انتو

خواتي و الله سوي نفس ما قلو و كلمته يوم الثلاثاء و كلمني و كان صوته مستانس و قالي ارد اتصل فيج علشان يعطيني مفتاح السياره السبير و ما رد اتصل للحين . دزيتله مسج و كتبتله ليش ما دقيت ما رد و لا عبرني هل استمر و لا اخاف يقولي قاطه ويهج

والله قصه غريبه الله يعينج