|
|
السلام عليكم ورحمة الله وبركااااااااااااته
امس تيمعنا في بيت اهلي واختي سولفت لنا عن تعاملها مع الدكتورين اسامه الصانع ووسام فقيه اللي مستضيفينهم بالمنتدى
على لسان اختي
اختي كانت تعبانه وتعاني من عوار بجسمها الجهاز الهضمي وعرفت من السونار ان فيها حصوه بالمراره راحت لدكتور مشهور وشاطر بالكويت وقالها لازم نسويلج منظار ونشيلها المهم تخيلو مع انها سهله دشت العمليه وماقدر يشيلها لان اختي من الحالات النادره اعضائها متلاصقه مع بعض مثل الصخر ماقدرو يسوون ولاشي ودخلو 4 كامرات بدل وحده مسكينه 4 فتحات وعوار وحاله ولااستفادت شي
قالو لها ننطر دكتور اجنبي زائر ان شالله ونكون اكثر من كتور والله كريم ويمكن فتح بطن مومنظار بعد .gif "Eh S(11)")
تخيلو لاي درجه كان الوضع سيء ناطرين دكتور من بره
المهم اختي ماقدرت تصبر بسبب العوار والحاله النفسيه قالولها عن الدكاتره اللي بالمنتدى كويتيات 
وراحت لهم طيرااان بمستشفى رويال حياة
تقول والله العظيم روووووعه وتحسينهم فاهمين ( د.اسمه ووسام) حتى زوجها ماكان مقتنع من اللي صار بالعمليه الاولى تقول اقتنع وقال بالحرف الواحد ( ماحد بيسوي العمليه الا هم)
اختي كانت خايفه تدخل العمليات مره ثانيه ترى صعبه منظار وفتحات ويمكن يصير ويمكن لا والاتصاقات شي مو هين اللي اكبر دكاتره الكويت ماقدر عليها 
وراحت للدكتور الاول تطلب السيدي وتقوله انه ماراح تنطر الطبيب الزائر وانه بتسويها عند دكتور اسامه والقروب اللي معاه
والله العظيم قالها زين مااخترتي وان الدكتور اسامه استااااذي ولاتترددين روحيله وانتي مغمضه @@
اختي استانست وارتاحت اكثررررررررر وبالفعل فكره القروب حلوه بدل دكتور دكتورين وبدل ايدين 4 ايادي تشتغل عيني عليهم بااااارده تقول مريييييييييحين والله
حتى مكانهم مريح وهاااااادي
دشت العمليات وهي متطمنه ومتوكله على الله
والحمدلله طلعت ناجحه العمليه والدكتور حل المشكله وقال سهله وماخذت مننا وقت الف الف الحمدلله
والله العظيم اختي تقول مومصدقه وصج ملائكه رحمه الله يحفظهم وتذكرت كلام الدكتور الاول ان الحالات الصعبه اللي ماقدر عليها يحولها على دكتور اسامه ووسام …. وتقول اختي بعيونها شافت امثله قبال عيونها شكثر حالات سوو عمليات صعبه عنده منها (( وحده مسويه الحزام ومحد قدر يشيله الا هالدكتور من بعد الله سبحانه لانه كان عليه التصاقات ومادري شنوو ))
والله يابنات ورب الكعبه ذكرت تجرربه اختي عشان مصلحتكم وحابه افيدكم والله من وراء القصد
ومشكورين دكتور اسامه ووسام والاخت *** اللي وقفت مع اختي ولاهدتها كل فتره تتصل تتطمن عليها واخلاقهم والله تخلي المريض يتشافى وصج لي قالو النفسيه نص علاج للمرض
ومشكور منتدى كويتيات اللي دلانا عليهم ومشكوره بنت الكويت العزيزه
ومشكورين بنات على المتاااابعه الله يعطيكم العافيه ونسألكم الدعااااااااااااء الطيب
وينج غاطه عنا دشيت ملفج بس عشان اطمن عليج اذا لج مشاااركات
الحمدلله تطمنت والله يحفظ اختج من كل مكروووه
والف شكر للدكتور أسامه والدكتور وسام
وماتشوووف شر
والله يتمم عليها
واهم صج ما شا الله تبارك الرحمن شطار
الله يخليه لنا انا من مرضاه اللي دايم اراجع عنده والدكتور وسام مايقصر
وحمدالله على سلامة اختج