الدكتور عبدالهادي وما ادراك ما عبدالهادي

قلت بستخير اول شيء ..

والله هذا الكلام كان نهاية العام .. اي شهر بالضبط مااذكر ..
وبعد
الاستخاره ارتحت
المهم قلت اوكيه بدخل جمعيه (بصراحه)
ووشجعتني الوالدده فديتها ..

المهم لما صار موعد استلامي للجمعيه (تو) عاد رحت اسوي بحث للعياده والدكتور
وطلع لي (ان الدكتور عبدالهادي شهاب ) هو احسن دكتور وانه راح لعيادة بيلا كلينك ..

اخذت موعد باتليفون وطلبت الدكتور عدالهادي شهاب ..
وصار موعدي وشافني وطبعاً الاسلوووووووب يعني اعجز ورب الكعبه عن وصفه ..
انا اذكر الدكتور عبدالهادي بالهكلام مو معناته الدكتور ابراهيم مو شيء .. لا بس لان الدكتور عبدالهادي هو اللي سوا اسناني
الدكتور ابراهيم شفته مره وحده بس

المهم قال راح اسوي لج 8 اسنان لان ابتسامتج عريضه ..
قلت وكم بيطلع علي .. قال تقريباً 1960 دينار ..
اول شيء قلت اوكيك ..
وطلع من الغرفه علشان الممرضه تأخذ قياسات ..
فقعدت افكر بهالوقت وتراجعت عن قراري ..
دخل الدكتور مره ثانيه وقلت له دكتور مابي 8 اسنان بس ابي 6 وقال اللي يريحج ..

راح وياي للرسبشن وقالهم 6 اسنان 1470 دينار بس ..

صار موعد تركيب المؤقت ورحت وكان اسلوبه خيآآآآآآآآآآآآآآآآل ورب الكعبه يعني
بين كل شغله يسويها والشغله الثانيه كان يعطني بريك 10 دقايق واذا تألمت ،
يعتذر بشكل مو طبيعي ويتأسف مع ان مافيه عوار بس لان اسناني حساسه
وجهاز الشفط اللي عنده يطلع هواء بارد وهذا اللي احس فيه
غيره ما حسيت فيه ..
و الممرضه الفلبينيه اللي اسمها انجل او انجي او شيء جذيه شاطره هي اللي
حطت لي الدواء علشان تأخذ القياسات وتركب المؤقت ..
وطعمه مر ولونه اسود ..
بالجلسه الاولى اللي هي جلسة القياس دفعة نص المبلغ ولما ركب لي المؤقت دفعت النص الباقي
وبجذيه يعني اكون دفعت كامل المبلغ

المهم رحت البيت وثاني يوم بدأ لون المؤقت يتغير وشكله بااارز تخرعت والله …
المهم ان الدواء الاسود وصل لثامن سن وانا طالبه بس 6 اسنان ..
قلت : هااه يمكن الدواء بس حاشه ..!!

ودقيت على العياده قلت صار لون المؤقت اسود قالوا لا تحاتين هذا كله يروح مع الدائم والدائم مو بارز ولا شيء

بالعكس اللي بارز هو الفنيرز ..
السيراميك(الفينير) نبرد الاسنان ونحطه وهذا ما يخلي الاسنان تبرز
اما الفنيرز لانه بس مجرد لصق فوق السن بدون برده فجذيه يكون بارز

الحاصل انه
صار موعدي لتركيب الدائم ..
فهو قبل يبلش في تركيبها على طول يحطهم بالاول بدون دواء ويرتبهم ويشوف شكلهم ..
بعدين عادد يحط الدواء اللي يثبتهم ..
وهو يحطهم قعد يعدهم …!!
واسمعه يقول 8،7 وانا >>>

ياربي ليش 8 اسنان .. وراح الدكتور من الغرفه على ما تجهز الممرضه الاغراض ..
واسأل اخوي واسألها كم سن مسوي لي الدكتور وهي تقول 8 اسنان …!!

وبيني وبين نفسي اقول ماراح اقوله بكيفه انا قللت له 6 وهو حط 8
وافكر واوسوس واقول ياربي ما يجوز اسكت اخاف الله يعاقبني .. واتم اوسوس وبالنهايه قلت له
دكتور انا اتفقت وياك على 6 اسنان وانت حطيت لي 8 ..
والله وكيلكم انا بس قلت له جذيه وهو قال
( صج …!! انا اسفه حقج علي ولا يهمج هذول السنين الزياده مجاناً
وراح اركب لج اثنين زياده مثلهم تحت ومجاناً بعد انا بس من الزحمه نسيت
وظل يعتذر ..
وسبحان الله الله سهل الامور ..
وبعدها صارت جلسات الفك اللي تحت ونفس الشيء فعلاً سوا اسناني اللي تحت زياده عليهم 2 سن ومجاناً ..

وطلعوا ورب الكعبه وااااااااااااااااااااااو وفرق ..

والدكتوووور يستاهل كل خيير من جد فنان وما حسيت غير بعوار الجهاز اللي يشفط وهواه بارد وقلت له ما ابيه
وقال اوكيك عادي ..

بنات حبيت انقل لكم تجربتي بدون مقدمات وبدون حركات وقلت كل شيء دوغري ..

اللي خايفه من عيادات الاسنان ومن نصبهم ومن عدم الثقه مالها إلا عياده ( بيلا كلينك )

وعلى طيبة قلبه وشلون عطاني 4 اسنان فري حبيت اخدمه واراد له هالمعروف ..
واكتب عنه موضوع علشانه وعلشان الكل يستفيد ..

وان شاءلله اكون افدتكم واللي عندهاا اي استفسار انا حاااااااضره ..

على فكره بنت خالتي عروس وراحت للعياده وسوا لها اسنانها الدكتور ابراهيم
لان الدكتور عبدالهادي مواعيده زحمه وهي تبي تخلص بسرعه …
ونفس الشيء تقول اسلوبهم ماشاءالله سنع ..

تحياتي لكم