الدراي فود << جدول مقارنه !!!

للأسف لاحظت كثير اشخاص يسألون عن افضل اكل لقططهم, وكثير يجاوبونهم "دراي فود"

الدراي فود من اسوأ الاشياء اللي ممكن تعطيها للقطط، خصوصاً اذا كان جزء كبير من حميته، وللأسف كثير اسمعهم يقولون "هذا النوع مفيد""وهذا اعطيته لقطتي وصارت نشيطه" او "تخلصت من المشكله هذي يوم عطيت قطتي دراي فود"

الدراي فود مستحيل يكون مفيد، وباختصر الاسباب انه "غير مغذي، فقير بالبروتين، غني بالكاربوهيدرات، سعراته الحراريه كثيره…" (اييي حتى رويال كانون غير مفيد)

وممكن يكون سبب لأمراض مزمنه كثيرة

و احياناً نقرأ مكونات بعض الماركات ونقول "افضل من غيرها"، لكن الحقيقه ان المكونات والنسب في اكل الحيوانات غير دقيقة (لأنهم يكتبون المعلومات احياناً على اساس "الحد الأدنى" و "الحد الأعلى" وهذا غير دقيق) واحياناً ما يذكرون بعض المكونات المهمة،

وجدت جدول يذكر النسب لكل ماركه ومنتجاتها على اساس النسبة (البروتين، الكاربوهيدرات، الدهون) و على اساس الكمية كل 100 غرام (الفوسفور، الألياف)

وبكذا يسهل المقارنه بين المنتجات.

المعلومات جايبينها من المصانع نفسها، وكاتبين انه بعضهم صاروا يرفضون يعطونهم المعلومات لذلك افضل شي انك تتصل بالمصنع وتسألهم (غالباً تلاقون رقمهم بالمنتج)

ـــــــــــــــــــــــــــــــــ

اللي نبحث عنه ونبي في المنتج انه يكون *غني بالبروتين *فيه فيابر (ألياف) *قليله الكاربوهيدرات والسعراات الحرارية

ملاحظات :

*الجدول مثل ما قلت ممكن يكون خاطئ لأن هم ياخذون المعلومات من نفس المصنع
*البروتين في الجدول غير محدد مصدره (يعني ممكن يكون نباتي وممكن يكون حيواني)
*انا ذكرت الجدول عشان "ناخذ فكره" عن المنتج ولا نعتبرها معلومات دقيقه وصحيحه 100٪
*مهم جداً قراءة "المكونات" أيضاِ للمنتج (غير النسب) لمعرفه مصدر الدهون، والبروتين ..

وتفضلوا هذا رابط الجدول، الجدول سهل وممكن اي احد يقارن بين الماركة هذي والماركه هذي وياخذ فكره،

وراح تلاقون بنفس الموقع جدول للأكل المعلب (الرطب)، وجدول للمنتجات الغير امريكية (مثل ويسكاس)