الخياط التجميلي للبكر

السلام عليكم ورحمة الله وبركاته
انا بجر (بكر) اول ولادة لي الله يسهل

بنات تنصحوني بالخياط التجميلي ولا مايحتاج ؟ فيه ناس اتقولي سوي وناس اتقول مايحتاج والله احترت مب عارفه شسوي
ياريت اللي لها تجربه تنصحني محتاااااااااااجه النصيحه ضروري
وعندي بعد سؤال شالفرق بين الخياط العادي والتجميلي ؟

انا بجر وبصراحه مو ناويه اسوي

ليش اضيج على روحي وبعد جم سنه ارد احمل واولد

ناويه عقب الثالث انشااءلله اذا الله كتب لنا عمر اسووي

بس من اول واحد لا ليش حرام

التجميلي كانوا الحريم الكبار الي يسوونه مو الي توهم اول ياهل

عالاقل نطري عالثاني ولا الثالث مو من اول واحد كافي خياط الولاده … راح اتظبطج لاتحاتين

التجميلي بعدين لاحقه

سألي دكتورتج تفيدج احسن

لا ما يحتاج اكثر الحريم يسونها بعد نهاية اخر طفل تو الناس

بيان تفصيلي في الخياط التجميلي

مافيه اي مشكله لو سويتيه من اول ولاده

بنت خالتي وعايلتنا كلهم تجميلي من اول ولاده ولا يضر عادي

الخياط العادي هذا خارجي بس التجميلي من داخل يردونج جنج بنت لان بعضهم يوسعونها من داخل علشان البيبي

وتصير من برا خياط ومن داخل الله العالم

انا نفسج بجر وناويه اسوي تجميلي وسألي الي مجربه حبيبتي راح تنصحج بالتجميلي

نصيحة لازم تسوينه

لانه راح يوسعون المكان علشان البيبي

ولما يتوسع يصير ووووووووووووووووع

يعني انا سويته على حسابي الخاص بعد ولادتي الثانية لانهم ما خيطوني

ولاعت جبدي بصراحة اظن فاهمتني

وسويتها على حسابي والحمد الله الحين كل شي اوكي

اغلب الدكاتره الحين الكل يسوي تجميلي علطول والتجميلي خياط خارجي وداخلي يعني واهو افضل لج بس الدكتوره اهيا تشوف شكثر تحتاجين وكل وحده على حسب شكثر تتوسع المنطقه عندها
انا نفسج كنت محتاره,,بس الافضل والدكتوره نصحتني وقالت الكل الحين يسوي التجميلي يرد المنطقه سيده وما كأنج ولدتي من قبل والخياط مايظهر
انصحج بالتجميلي
واذا محتاره وايد اخذي راي دكتورتج…بس انا براي سوي التجميلي من اول ولاده مو حلوه تتوهقين وتتضرين تسوينها عقب مع الولاده ما تدرين شسالفه خل يخدرونج ينومونج وويخيطونج وانتي ما تدرين احسن مره وحده

مانصحج

مشكووووووورين كل اللي ردوا
ان شاء الله اصلي استخاره واشوف الله يكتب اللي فيه الخير
بنات نبي بعد تجارب لكل وحده سوت التجميلي أو ماسوت وهل تحسفت ولا لأ ؟