الخدم .ولجنة التعريف بالإسلام

بنات بقترح عليكم خوووووووووش اقتراح
كل وحدة عندها خدامه مو مسلمة خليها تجرب توديها لجنة التعريف بالإسلام
هناك ما شاء الله عليهم يقدرون يحببونهم بالإسلام وهم يتكلمون نفس لغتهم
والفايدة بتكون أكييد للخادمة لأن الله هداها للإسلام

ولج لأنج دليتيها على الإسلام
ولعيالج لانها بتصير – انشاءالله تخاف الله فيهم – وتحاول تطبق تعاليم الاسلام الي تعلمتها عليهم
هذا غير ان بصير لها طلعة مرة بالاسبوع – للجنة طبعا – منها تستانس وتغير جو وانت عارفة ومتأكدة وين ومع منو
اشراااااااايكم جربوها انشاءالله ما راح تتحسفون

والله انه عندي خدامه هنديه مو مسلمه من اسبوع يايبتها
الصراحه ودي خووووووووش اقتراح

و انا بعد وديت خدامتي الفيلبينية بس عشان تجرب …… و الحمد الله ردتلي مسلمه و لابسة الحجاب

اي والله بنات تشجعوا وودوهم لا تنطرونهم يقولون لكم لانهم يمكن اصلا ما يدرون
آنا عن نفسي وديت خدامتي بدون لا تقولي
والحمد لله وايد استانست هناك واهم شي انها
أسلمـــــــــــــــــــــــــــــــــــــت
يارب ما يحرمنا الاجر قولوا آميييييييييييييييييييييييين
رقم اللجنة 2511294
2511301/5
داخلي 108

ماشاله عليج والله خوش فكره مشكورة

حياج الله حبيبتي
والعفووووووووووووووو

الله يهنيج ياأم مشاري ولايحرمج الاجر انشاءالله

اي والله يا أم بدووور تشجعي ووديها صدقيني ماراح تتحسفين
الله لايحرمج الأجر
وانشاءالله تسلم ياااااااااااااااااااااااارب

أنا وديت خدامتي السيلانية وأسلمت بس موبداعي الأسلام أسلمت لان تبي اتغطي علي سوالفها خرابيطها علشان الناس ماتشك فيها وتعطيها الأمان والثقة

اول شي يزاج الله خير على البادرة الطيبة

و ان شاءلله بيزان اعمالج الصالحة

وانا عن فسي خادتي مسلمة و لله الحمد

بس يزاج الله خير و راح تاخذين اجر ها بكل شي تسويه

تحياتي

لاحول ولاقوة إلا بالله
اول شي احسني الظن عشان ما تاخذين اثم
واذا كنتي متأكدة انها راعية خرابيط
ليش ما تكلمين اللجنة وتقولين لهم عنها وان ودج انها تهتدي وتتسنع وتعرف الاسلام صح
صدقيني اهم بطريقتهم ممكن يجذبونها صوبهم خصوصا انهم من نفس الجنسية وعارفين سوالف بعض
آنا رايي جربي وانشاءالله تسلم صج وبجذي تكون سويتي إلي عليج جدام رب العالمين
والله لايحرمج الأجر ياااارب

مشكورة ياعمري على مرورج ومشاركتج
والله لايحرمنا ولايحرمكم الأجر
يااااااارب

أستغفر الله والحمدلله ولا إله إلا الله والله أكبر
( للرفع )

أستغفر الله والحمدلله ولا إله إلا الله والله أكبر
( للرفع )

اختي ودت خدامتها الفلبينية للجنة
والحمد لله
أسلمت وودوها – يزاهم الله كل خير – المحكمة وغيرت اسمها وتسجلت مسلمة بشكل رسمي الفال لخدمكم بنات قولوا آميييييييييييييييين
يلا ياالحلوين تشجعوا ماراح تخسرون شي
بالعكس ابتكسبون اجر ان شاء الله