الخدامة مدرسة اذا اعددتها اعدتت شعبا طيب الاعراق!!

استبدلت كلمة الام بكلمة الخدامة لان بواقع الحال هذا الي قاعد يصير يمكن اغلبكم بيقولون اي وشنو اليديد بالموضوع ..

اي في يديد بهالموضوع واهوا التنبيه لجيل الامهات الغريب بهالوقت الاغبر..يا امهات يا موظفات هل بنظرج يوم الحساب رب العالمين بيحاسبج على وظيفتج بالاول والا بيحاسبج على امومتج؟؟
صدقوني الحساب عسير لان هذي امانة باعناقنا لازم نهتم فيها بشكل خاص وشخصي بعيد كل البعد عن الخدم الي بدوووون مبالغة كلهم مجرماااااااااااااات من جدامج شي ومن وراج شي ثااااااااااني…
انا حابة اعرف شلون تقفلين الباب على ضناج مع هالغريبة وبدون خوف؟؟

بتقولون الحاجة؟؟الحاجة احنا صنعناها نبي ماركات وسفرات ولعب بلعب شووووووفو هالوافدات معاشاتهم 300 وعايشين وبقمة الفرح واحنا 800 وبقمة الحزن لان مافيه بركة رب العالمين مو راضي والله شي كبير الي قاعد يصير..

رسالتي لكل موظفة تبين تداومين ذابحج المعاش؟؟ حطي اطفالج بمكان أمين–احد الجدات او الخوات او حضااااااانة–
ادري كلامي بيغث واااااااايد حريم بس ما كتبته الا من نية صافية وبعد تجارب كبيرة مع امهات صغار وكبار من مختلف الطوائف صارو مهانة للخدم بحجة الحاجة وكل شوي تقول والله لو ما ماسكة اليهال جان طردتها والله كلام غريب الله يرحم ايام امهاتنا الي شالونا على قلوبهم احنا بايد والملاس بالايد الثانية

تحية لج يا يمة وتحية لج يا يدتي وتحية لكل ام تخاف على عيالها وتهتم فيهم بشكل شخصي شخصي فقط

بووووووووووووووووووووووووووووووووسه على راسج

وانا اضم صوتي لصوتج

اول مره اقرا موضوع احس يعكس قناعاتي

يسلم راسج والله. وترى استانست حرومة انج من حزبي ادعي ان نزيد

يارب ازرع الخوف بقلوب الأمهات الغافلين ونبه كل ام للجرم الي قاعدة ترتكبه باهمالها وبعدها عن ضناها

امين الله يهدي الامهات والابهات ويلتفتون لعيالهم هالفقارا اللي ما يندرا شيصير فيهم بغيابهم

لا ضد كلامج لان الام العامله مو مجرمه و لا قاطه عيالها ممكن تتركهم معاها حم ساعه باليوم

انا الوم الام الي عيالها 24 ساعه عند خدامه و اهيه ضيفة شرف تطلع و عزايم و نت
الاكل خدامه اللعب خدامه السباحه خدامه النوم خدامه الحمام خدامه واااااااااااااااايد ناس شفتهم جذي واموت من قهر لما بالطبيب الياهل يبجي بغرفه الطبيب و لما يطلعون من الغرفه الام جدام و ياهل شايلته الخدامه تسكته والله ودي اقوم اصفعها على وييها والله مو غشمره

ارد واقول الوظيفه مو اهيه المشكله لانها ساعات محدده و اغلبها الطفل نايم و المشكله في الام اذا صارت ضيفع شرف في حياة عيالها

تجربتي الخاصه مااحب اعيالي و اهم رضع بايد الخدامه خذيت اجازه من غير راتب لما تكبر بنوتي و بعدها ارجع الدوام و اتركها مع الخدامه تحت عين ام ريلي و عيالي الكبار بالمدارس رجعتهم معاي

و نفس شي لما كانو عيالي صغار قدمت استقالتي دخلو مدارس رجعت الدوام

و ترى في امهات بالبيت بس بالاسم و عيالهم 100% عند الخدم و تقول انا بالبيت علشانهم !! المهم شلون تقضين الوقت مع اليهال مو شكثر انت معاهم هذا رايي

شوفي الرابط فديتج

https://q8yat.net/showthread.php?t=622858

ام يويو عزيزتي احترم وجهة نظرج لكن اسمحيلي شنو الضمان ان الخدامة زينة مع عيالج اثناء دوامج؟كلنا نعرف ان الدوام سبع ساعات تقريبا تعتبرينها مدة قصيرة؟؟ اذا رجعت تحط راسها وتنام والبيبي لازال عند الام البديلة جذي طار اكثر من نص اليوم كل هذا شي عادي؟
الطفل يكتسب اي تصرف اي كلمة واهوا مجابل هالخدامة نص يومه وانا اجزم ان اليوم كله بعد لان معروفة بصراحة امهات هالايام يدورون الراحة وأقولها عن قناعة مالها خلق اتبدله او تنومه او تأكله والي لها خلق مجرد تراقب من بعيد وهذي فيها الخير والله طبعا موضوع الطبيب يبيله سالفة بروحه لكن أنا موضوعي من باب التنبيه لان لاحظت هالشي صار من البديهيات ترك العيال مع الخدم بروحهم باعذار واهية
يا جماعة ليش نبي نطلع الغلط صح؟ بس بعرف ليش كل وحدة تبي تقنع مو بس نفسها لا تبي تقنع الحريصة بان إهمالها صح وحرص الحريصة غلط
بسنا أعذار وتبريرات يا امهات ترك الطفل مع الخدامة غلط غلط غلط وانا عطيت بدائل اليدة او الحضانة اليدة تخاف على حفيدها والحضانة تخاف على سمعتها بس الخدامة شتخاف منه؟
جرائم يومية وباختلاف الأسباب الخدامة الي تقتل سفارتها غصب عالي مايرضى بتلزم الكفيل يسفرها بحجة مريضة نفسيا
اطفالكم اكبادكم تمشي على الارض
حرام والله حرام تطقه او تعذبه او حتى تزني بوجوده هالطفل مو ذنبه نهائيا ان امه موظفة

كلامج في جزء كبير من الصحة
واللي تروح دوامها تحطهم بحضانة احسن اذا مو ضامنة الخادمة 100%
ولي ردت البيت يكون لها دور بالتربية
السبوح وتبديل الحفاظ …الخ

جذي احطج على راسي اي هذا السنع أنا قصدي عدم تركهم وحيدين بدون اي رقابة مع غريبة ماتعرفين نواياها وصح كلامج أنا معاج ان الكيف اهم من الكم لكن أنا رسالتي للي تفضل وظيفتها على ضناها بحجج واهية وربي يجعل عيالج بارين فيج

صراحه شفت شي صدمني قبل جم يوم

رحنا مخيم بعطله راس السنه ولا وحده معانا تخلي بنتها تنام عند الخدامه لانها بتسهر وتستانس !!!!!! يامال الضربه ان شاءالله اللي اتيي على ويهج وتصحيج من اللي انتي فيه

والله انقهرت

وتقولي خليج معانا وخلي خدامتج عند بنتج قلت لا حرام الخدامه قاعده من الصبح وبتروح ترتاح >> ارحموا من في الارض يرحمكم من في السماء

والشغله الثاني ربي لك الحمد ارضع بنتي يعني علاقتنا قويه وماقدر اخليها عند احد والله حتى مو قادره اداوم واخليها

بنتي عمرها 4 شهور ونص مالمستها الخدامه لاني صج بتعب على بنتي وعلى تربيتها وعسى الله يقدرني

وماراح اداوم الا على الكورس الثاني ووقتها بخليها عند خالتي ام ريلي مع خدامتها

بس صراحه امهات هالوقت يااااااااربي يقهروووووون والله حرام فيهم العيال

اي ام يويو أنا قارية موضوعج اذكر والله يعطيج العافية بس هم ماتركتي مع الخدامة بشقة بعيييييدة وبروحهم لا في احد بالبيت ممكن تخاف الخدامة

حبيبتي ناتشوز حياج بموضوعي وترى مافي خدامة مضمونة خدامة ذبحت رفيجتنا واهيا عشرة عمر معاهم خمس سنوات وعقب ماذبحتها تقول كنت تعبانة نفسيا والبنت ماتت قبل عرسها بشهر قتلتها هالمجرمة

صراحه اضم صوتي لصوت العاطفيه ,, و مافي مهنه أعظم من الامومه و الاجر اهم من المعاش ..

الا ف حالة اذا مافي معيل للأسرة الا هالام ..! .. بس هم بعد افضل حد من الاهل يمسك عيالها ..