الحمل بعد عملية الكورتاج

السلام عليكم ورحمة الله وبركاته

شخباركم كروشات ان شاء الله دوم بخير وعافية ..

حبيباتي ابغي اسئلكم من الي منكم تكرر عندها الاجهاض ولما عملت عملية الكورتاج ثبت حملها ..
لأن انا سقطت مرتين ورى بعض بدون عملية تنظيف والمره الثالثة بشكل متتالي سقطت واجريت عملية التنظيف وناس وااجد يقولون ان الحمل يكون افضل ويثبت بعد عملية التنظيف .. هل صحيح هالكلام ومن منكم مرت بهالتجربة . . ياليت تفيدوني الله يعطيكم العافية ويسهل عليكم كل عسير ..
وشكراً ..

حبيبتي الكرتاج عادة يسوونه اذا كان الحمل بين ٤ – ١٢ اسبوع
بس مادري له علاقة بسرعة الحمل او لا
لانه الحين متوفرة الحبوب اللي تنزل الجنين اذا مات بالرحم وينظف الرحم
بس اذا كان فيه بقايا أجزاء الجنين لازم يسوون تنظيف

انتي سالي طبيب اذا قالج تحتاجين حق تنضيفات سويهم
وانا همن سامعه يصير الحمل اسرع بس العلم عند الله
وسالي دكتور تاكدي احسن

اخواتي اشكر مروركم وردكم الكريم .. بس يبدو انكم مافهمتوا علي .. انا ما انشد الحمل لأني ولله الحمد احمل بسهولة ويسر .. ولكن مشكلتي ان الحمل لايثبت !
انا عندي اربعة اولاد ولله الحمد بس سقطت قبلهم مرتين وبعدهم ثلاث مرات .. وبيتنا كلللله ولهااااانين موووت على طفل في بيتنا .. فبعض الناس قالوا لي انه دام انك سويتي عملية التنظيف فهالمره بيكون حملك ثابت .. هل كلامهم صحيح ؟

ماعتقد انه له دخل
يمكن تحتاجين ابرة مثبت فترة الحمل