الحل مع رفض الاهل لزواج البنت لرجل غير قبيلتها ؟؟

صباح الخير

مراح اطول بدش بالموضوع على طول

من فتره طووويله حيييييييل تقدم لي شخص احبه ويحبني واهلي رفضوه بسبب ان قبيلته غير قبيلتي وزوجوني لشخص من قبيلتي وقعدة معاه فتره وكان بينا موده وغلا بسبب العشره والله ماتمم زواجي لسبب مشاكل وتطلقت منه ولله الحمد ماعلي منه بزران والاخوات عارفين سبب طلاقي منه

رديت لبيت اهلي وقعدة فتره عندهم وجا امي اتصال والصدمه ان ام الولد الي كنت احبه متصله عليها وتبيني لولدها للعلم ان الوقت كان فوق السبع سنين وللحين ناطرني ومايبي يتزوج !!

وافقت وامي وافقت بس الصدمه ان ابوي وخواني رافضين رفض تااااااااام لانه غير قبيلتي كنت احسب الموضوع راح يصير اسهل لاني مطلقه لكن للاسف ماتغيرت نظرتهم وفكرتهم عن الموضوع

وش تنصحوني فيييييه للعلم انه يحبني وانا احبه ومابينا شي غلط لامكالمات ولا طلعات مجرد حب بريييء والله شاهد وقالت امه لامي راح نجيكم لين توافقون لان ولدي رافض الزواج الا من بنتكم

وش تشورون علي بنات الله يجزاكم خيررر

الله يجمع بينكم انشالله على خير
بس انتي حاولي تخلي امج اتكلمهم وانتي بعد ، واذا يبون يزوجونج مره ثانيه لاتوافقين وصري على موقفج
المهم انج تحاولين ترى" كثر الدق يفج اللحام "

انتي مطلقة يعني ثيب وتقدرين تزوجين نفسج بالمحكمة بدون ولي امر روحي المحكمة انتي والولد واشرحوا للقاضي وضعكم وهو بيصير ولي امرج وبيزوجج

اعرف ناس مثلج صار فيهم و تزوجوا بسبب

………..

" الدعــــــــــــــاء " عليج بالدعاء بالحاح شديد و ثقة بربج ..

اللهم حنن قلب والدها

حبيبتي خلي امج تكلم ابوج وتدش له من باب انه البنت مطلقة وفرصها قليلة وصعبة تحصل واحد مو متزوج قبلها او ما عنده عيال
يعني فرصها منحصرة بالمطلق اللي عنده عيال او المتزوج
وهم تدش له من باب الدين ان اذا من جاءكم من ترضون دينه وخلقه فزوجوه ، وان لا فضل لعربي على عجمي الا بالتقوى وان كلنا بشر وسواسية وما بينا فروق
الله يوفقج حبيبتي

اعوذ بالله
تخسر ابوها

واخوانها
واهلها
وامها

عشان رجال ما تدرين اهي راح تستمر علاقتها فيه و لا القسمه و النصيب بتخليها تنفصل عنه

الزوج بداله زوج الضنى بداله ضنى
لكن الاخو و الابو من وين تجيب بدالهم

شهالنصيحه الهدامه

اللي مافيها لا اصل ولا فصل حبيبتي بنات الحمايل بنت ابوها ما تسوي الكلام اللي انتي قلتيه

شوفي حبيبتي

كلمي اخوانج واحد واحد بروحكم
قعدي معاه وقولي انا مطلقه و هالرجال شاريني اشترو راحتي و حياتي و انا مو اول وحده و لا اخر وحده تاخذ من غير قبيلتها
واذا اهو كفو و موظف و اخلاقه زينه و كويتي ليش ما اخذه

و اذا حسيتي انهم لانو كلمي ابوج

قولي يبا انا اهم شي رضاك
انا بدونك مالي بهالدنيا عازه

انت عزوتي و انت تاج راسي
و انا ابي اتزوج
وهالرجال شاريني و يبيني و انا خذيت اللي مني و فيني و كنت صادقه معاه

بس بالاخر الزواج قسمه ونصيب
رضيت باللي اخترتوه لي
الحين خلوني انا اختار اللي انا احس اني مرتاحه له

لاتستحين

واجهي
لو فيها طراق طراقين تحملي

والحمدلله امج معاج … خليها تكلم اخوانج

الله يوفقج و يلين قلب ابوج و خوانج يارب

حبيبتى شوفى احد كبير بالعايله ياثر عليهم

وذكريهم بحديث الرسول الكريم وان هلى يسوونه حرام مايجوز قطع النصيب

اما لمى فانا اقول استحى على وجهج شوى كل ما دشيتى بتنصحين قلتى محكمه واشتكى عيب يا ماما والله عيب

الواحد اما ان يقول خير او يصمت وانتى الصمت ابرك لج من هالكلام اذا انتى دخله المحكمه عادى عندج كيفج ادخلى بس احنا

بالكويت بنات عوايل وقبائل ما ندش نهائيا حتى لو قعدنا بدون زواج طول العمر

يا كرهي لعقد العادات والتقاليد الغلط

طبعا رفضهم جدا خاطيء …وواجب يزوجونج من تقدم لج ….

والمفروض يكون الرفض بسبب سوء اخلاق من اختلاف قبيله

حاولي تكلمين ناس تؤثر براي ابوج…..عم ..ام …اخ

لا تياسيين …..ترى كثر الضغط يعمل انفجار ونتيجه

فوفو

ايييييييييييييييي والله

888
888
888
888

صح ماااكو احلى من الدعااااء و الاستغفاااااار و الله يكتب لج نصيب معاااه

الله يكتب لج اللي فيه الخير

يمكن رفضهم خيره لج

استخيري بالامر .. واكثري الاستغفار بنية الستر والزواج .. لا تلجئين للبشر الجئي لرب العباد

بعدها كثر الدق يفك اللحام ولو اني عارفة عسارة هالموضوع لاني عجمية بعد

عسى الله يكتب لج الي فيه الخير

مشكورين بنات ماقصرتو ومالي الا الدعاء والله

لمى انا ادور رضى ابوي وخواني قبل رضاي هذيل اهلي وعزوتي مستحيل اسوي كذا
احبهم واحترم رايهم ومستحيل اسوي شي مايبونه لو فيها راحتي

ناتشو حبيبتي لا ياقلبي علاقتي معه برئيه ويشهد علي ربي وذكرت بالموضوع
وامه تتواصل مع امي لحل الموضوع

هم رفضو يجوز لان عمري صغير ٢٣ لانهم يقولون صغيره النصيب قدام