الحقد ذبحني

مساء الخير

ترددت كثير اني اكتب قصتي لاني من النوع اللي مايحب يشكي كثير
بس بجد تعبت

انا زوجي سافر امريكا يدرس له ثلاث اشهر وبقى له ثلاث اشهر
كنت اترجاه ياخذني ابد مافي فايده
الموهم من سافر وانا بس افكر فيه تعبت بجد وحاسه بحقد فظيييييييييع حاسه قلبي اسود عليه
ومن جد اثاري الحقد يتعب الانسان ويمرضه
ومن راح ابدمايجيب سيرت ……… ولا الشوق لي
بس يكلمني كل يوم ويسال عني وعن عياله بس مايقول اشتقت لكم ابيك ولاشي

وانا افكر والناس لما يقولون لي ليش مارحي معاه اتقهر واحقد عليه زياده

احس اني كارهته مابي اشوف وجهه

ولما ارد عليه من دون نفس
احس شمت الناس فيني وماغير يقولون خلاها وراح

مادري شقولج بس انتي ترى اللي حطيتي الافكار براسج انه الناس تتشمت وجذي بكل بساطه يمكن مايبي يتعبكم ..انا بغربه واتمنى لو ارد لاتوقعين السفر وناسه خصوصا لما يكون دراسه ترى بهذله اول شهر السكن والمكان وجذي ..حاولي تفكرين انه سوا جذي لمصلحتكم وترى فتره قصيره سفره

عادي حبيبتي لاتكبرين الموضوع ولاتعورين قلبج .. كلنا ازواجنا هدونا وسافروا دراسه وردوا وسنين بعد مو 6 اشهر .. هانت مابقى شي لاتزيدين همه بالعكس مفروض توقفين معاه دام مومقصر معاكم ويدق ويسأل ترا غيره والله من يسافر ينسى عياله وزوجته ويلهى عنهم والريال مو من طبعه يعبر بالكلام يعبر بالفعل ممكن اتصاله يعتبره حب واهتمام .. لاتسمعين كلام الناس مامنهم الا المغثة

مابقى شي اقصاهم3 شهور ويردلج بالسلامه لا تنكدين عليه ترا والله عقب حتى اتصال ماراح يتصل وبتحسفين ..مششي الأمور والله يرده لج بالسلامه ان شالله

اذا بضلك تفكري هيك رح تخسري بيتك واولادك وزوجك ، الشيطان شاطر وبدخل من اي ثغره

الله يهديلك اياااه.. يختي تعبنا نقول طنشيه…خلك عادي اذا كلمج لاتنفسين ادري صعبه.. واللي يسإلك ليه ما رحتي معاه قوليلهم هي مو سهله انقل انا وعيالي وقشي هناك وهو مو مطول انشاءالله راح الكثير وبقى القليل… شغلي وقتك بنادي او اي شي عشان لي رجع يكون شكلك احلى ويحتر ههههه ماتوقع بس شنسوي .. ويختي صدقيني لو بتحقدين عليه من اليوم لي السنه الجايه ما منهم فوووود ولا رجى والله بتجيلك شتى انواع المرض والحقد راح يستفحل بقلبك وجرك لمصايب… اخذي اجازة منه هل كم شهر اهتمي بنفسك سوي شي كان خاطرك تسويه قبل وماكان لك وقت .. يعني هيك اشياء.. وربي يمسح على قلبك ويهون عليك الحره ويشغلك فيما ينفعك… الله يهدي ويحفظلك اياه ويرده لكم احسن من اول وكله شوق ولهفه ويغرقج رومانسيه حبيبتي… هونيها اغلبنا بالهوى سوا و بعضنا رياجيلنا جدامنه ومايتحركون ولا يتكلمون ولا يهزون ساكن بس الشكوى لرب العالمين

قلتيها يدرس .. مو يتمشى .. دراسه حبيبتي شــ حقه ياخذج

واايد ناس اقاربنا يهدون حريميهم ويسافرون يدرسون .. ولا شماته ولا هم يحزنون ..

ولا حاقد عليه بعد الله يهداج

لاتحقدين ولاشي .. حاولي تبعدي هالافكار من بالج وانتي بادري وقولي له وحشتنا ماوحشناك ومن هالكلام ..؟!
ارسلي له مسجات شوق وشوية عتب على حب ولهفه .. لاتكبري الموضوع .. صغريه وبيصغر إن شاء الله
والله يرجعه بالسلامه يارب

حبيبتي ريلج مسافر للدراسه وبعدين يمكن ظروفه ماتسمح
ياخذج انتي والياهال بتزيد المصاريف هناك وبعدين
يجابلكم ولايجابل الدراسه
بالعكس وقفي معاه وخليج بصفه وشجعيه هذا مو
بس زوجج هذا ابوعيالج وحبيبج ميخالف الدنيا تمشي
وان شالله يدلج وعاه الشهاده قولي اميييييين

ويه ياعمري انتي متعبه نفسج صج صعبه ٦ اشهر بس مالج شثغل بالناس

حطيهم وراه نفسج وشكو يتشمتون فيج رايح يدرس مو رايح يلعب

واذا ماقالج كلام حلو وجذي انتي ساليه اشتقتلنا انا اشتقنالك

خلي عيالج يكلمونه حنيني قلبه عليك واله يهديج لج

طنشي كلام الناس الناس مايعجبهم العجب واخم شي ريلج وبيتج وعيالج وبعدين هو راح يدرس الدراسه يبيلها جو هادي مو عيال ولويه خليه بيعديمكن يشتاقلج اكثر الله يهديج حبيبتي ويرده لج بالسلامه

البنات كفو ووفو