الحضانة ولا الخدامة عااجل

ابي نصيحتكم انا ولدي عمره 8 شهور وقبل لا اعطل وديته الحضانه يوم كان عمره 4 شهور والحين بداوم ووايد خايفه على من الحضانه لانه احس بدا يتحرك ويلعب ويبيله مداراة وصار يبجي لمن يشوفني وانا ماحب الخدم …. شنو الاحسن اييب له خدامه ويقعد معاها بالبيت والله يستر من الخدم شيسوون بس عشان توكل وتسويله اكل الصبح وينام على راحته ما يتبهذل امبجر اذا وديته حضانه لازم يفز من الصبح واشلون يوكلون انا واايد متضايقه ومحتارة ساعوني يمكن انتو صاحبات خبرة ويجزاكم الف خير

وديه حضانه
يعني الخدامة بتوكله احسن منهم؟؟

لو عندج مجال امج او خالتج بقولج صغير
بس اذا لا..
حرام وديه الحضانة
ابسط شي يتعلم النظام
شرط تودينه حضانه سنعه…

وموفقين

ديري بالج من الخدم @@ لانج ما تدرين من وراج شنو تسوي فيه

وافضل افضل افضل شي تودينه عنج امج اامن مكان حقة واحن انسانه راح تكون معاه لان ولدها

اللله يكون في عونج حبوبة

اكيد حضانه احسن
ماتدرين الخدامه شتسوي من وراج
انا يوم ولدي عمره 6 شهور وديته حضانه

اذا انتي ساكنه ابروحج اكيد حضانه افضل وامن له من الخدامه انا اعيالي بس يكملون سنتين سيده حضانه لأني ابشقه وتبدي الشطانه بهالعمر وقبل هالعمر بالشقه مع الخدامه لأن طلعتي الصبح لبيت اهلي صعبه ودوامي ابعيد وبعدين زوجي ينتهي دوامه علي الساعه عشر ومرات وايد ابجر فشوي مطمنه يدخل علي الخدامه علي غفله ماله دوام محدد بس اختي ابصراحه الطفل قبل عمر سنتين ماله داعي الحضانه الا اذا الأم ما عندها بديل افيد له النوم الصبح واساس يكون ضايع بالطوشه
قبل هالعمر وما يتكلم علشان اتعرفين شنو امضايقه بس بعد السنتين راح يستفيد وايد من الحضانه وانتي ترتاحين اشويه انا اكبر مؤيد للحضانه

يعطيكم العافيه مشكورين والله يسهل الامور

والله ياتاتية نفسسسسس مشكلتى بالضبط
صارلى اسبوعين وانا أفكر بالهموضووع بس ولدى عمره سنتين وشهرين والمصيبة خدامتة توها جديدة ويكرهااا وهى شكلها تطقه بعد والله معورة قلبى السالفة وابوه الله يهداه لما أقولة الخدامة تطقة يقولى ولدج شيطانى ومومتعود عليها …..
شكلى بتوكل على الله وبدخلة حضانة …..

سورى نسيت ارد عليييج انفعلت خخخخخخخ
ولدج توه اصغير اذا الخدامة حليوه معاااه خلى بالبيت احسلة الحين الجو قاعد يتغير وهالمرض الله يكافينا شره انفلونزا الخنازير منشر انا بناتى بالمدرسه واحاتيهم من الحين ….
فالتجمعات مو زينه والطفل ماعنده منااااعه <<<< تذكرت ولدها شكلها بتهون عن الحضانة خخخخخ
اذا طلعتى للدوام قولى استودعك الله الذى لا تضيع ودائعه ولاتحاتين من تقولين هالدعاء بتحسين براحه لانج خليتيه بين ايدين ربى حبيبى الى بحفضة لج لما تردين …..

بصراحة الحصانة احسن من الخدامة
بعدين يكون قعدة ونومة معاج اذا الخدامة بتقلب لج نومج واكلج

انا ما احب الخدامات وما عندي اصلا كل شغلي انا اسويه وحيييل حساسه على ولدي وبيتي ومضطره اودي الحضانه بسسس اااخ على قلبي حيل متضايقة

الحظانة من غير تفكير انا ولدي 5 شهور حظانة

الحضانه حبيبتى

اكيد حضانه وان شاءالله تحصلين حضانه ترتاحين منها والله ما كثر الحضانات بالديره
انا عيالي واهم اصغر من ولدج اوديهم حضانه

انا مع الحضانه بعدعمر السنه وسنتين

اذا انتي ساكنة برووحج

واهلج او اهل رياج عندهم استعداد يمسكوون بيبيج بس بيوتهم بعييده عليج كمالج الا الحضانة بعد شتسويين

وانا عن نفسي البييت قرييييييب بس مدخلة بنتي حضانة ابيها اتعلم وتوخر عنيي شوي

وانا انقرصت من سالفت الخدم وقلت والله لو يصيير عندي 10 يهال ماراح استغنى عن الحضانة