|
|
مشكورين بنات على تفاعلكم معاي وأكمل ألحين باجي مأساتي إلي عانيتها مع أغلى إنسان بحياتي تزوجنا مره ثانيه بعد زواج جديد ورجعت حق الجحيم بريولي مره ثانيه رجعت بمهر 100 دينار بس على كل إلي شفته كنت أبي أثبتله إني شاريته وما يهمني شي غيره نسيت لا أقولكم إني تزوجته وإهو مايشتغل كنت أصرف عليه لين إشتغل وعطيته 500دينار من مهري بداية زواجنا عشان وضعه المادي كان تعيس وقعدت معاه بشقه تجيب المرض مع أهله تتكون منت 3 غرف وحمام مشترك أعزكم الله عروس وحمام مشترك ومافرشلي حتى غرفه وآنا شاريه السرير بعد أكيد بتقولون عني غبيه وقتها ماهمني شي غير إني أكون معاه مع إنه الشقه متروسه زهيويه وفي مره لقيت زهيوي يمشي على حخدت ولدي بقيت أموت وصبرت على أساس في فله يديده قاعد تنبني المهم خلصت الفله اليديده ورحت لقيته ماخذ السرير القديم معاه وماشرى يديد هم ماهمني وكان نتنيحس حتى ماحط ستاير قالي ماعندي وحطيتهم على حسابي المهم عقب شهر قالي بسافر الأردن بكمل دراستي حاولت ياخذني آنا وولده معاه مارضى طبعا وبسفره زادت لعانته بس يتهاوش عشان مايدق علي يوفر فلوس المكالمات عشان يحاجيها حسبي الله عليها وربه كان فاضحه عندي الحمد لله عطاني على نيتي دز لي مسج بالغلط يقول فيه نوره آنا مو حبيبج صحإهنيه آنا بقيت أموت طبعا سفلت فيه وجذب جذبات غبيه ما تطوف على ياهل عقبها ضلينا جم شهر ما نكلم بعض وطبعا مايدري عن ولده ومع هذا صممت أضل في بيتي ولا أخليه حق هذي الوصخه طبعا ماأكلمه وكل ماتميت طحت عليه أهزء فيه ويوعدني خلاص مايعيدها وأطيح عليه في مره كنه مانكلم بعض وهذا المعتاد طليت من الدريشه كانت الساعه 3 الفجر لقيت سيارته سافطه عند البيت نزلت لقيته قاعد بالدوانيه يكلمها أكيد هزءته وكان ما يرد على أٍاس إنه موبالدوانيه وآنا متأكده إن قاعد فيها إنحاش الجبان من الباب الثاني وخلى الليتات مفتوحه عشان يقولي إني خبله كالعاده المهم شلت أغراضي ورحت غرفه ثانيه وخليته يولي إلي كان ذابحني كان مايدري عن ولده كله هايت طول ما آنا في البيت إهو طالع وإذا آنا طلعت يرجع عشان يخربط معاها بالتلفون وآنا طبعا مايقرب مني وسافر مره ثانيه وآنا من الحره نمت وقعدت لقيت صار فيني أبو الوجوه ولما عرف إني مريضه مافكر يقولي ماتشوفين شر المهم بديت علاج بمتشفى خاص وعلاج شعبي يعني ماخليت شي وبعز مرضي دق علي وإستغربت من إسلوبه الحلو يسأل عن صحتي بعدين عرفت ليش كان يبي فلوس ما عنده يدفع فلوس تذكرت رجعته طبعا ما عطيته لأن فلوسه كلها راحت على مكالماتها لأني كل ما أدق عليه ألاقي عنده إنتظار والله ما أبالغ مرات أكثر من ساعه أدق وما يرد علي فرضا فينا شي صار بوبده شي ما يهمه غير هذي القذره المهم مرت الأيام لقيت نفسيته تعبانه وما ياكل حسيت إن في شي بينهم المهم حاولت أكسب هذي الفرصه وقربت منه وايد وقلي أبيج معاي لا تخليني بروحي حمدت ربي وحضرت نفسي عشان اروح عقبه على ما ضبطت أموري وقلتله غير خطك عشان ماتدق عليك وعدني وكان كل شي تمام دقيت عليه بشوف شخباره لقيت عنده خط ثاني وكالعاده مارد علي ظليت أدق وأبجي أكثر من ساعه وأدزله مسجات ومايرد علي ولما رد سفل فيني وسكر الخط بوجهي طبعا بقيت أموت المهم عقب جم يوم دقيت على أمه بشوف شخبارها لأني وايد كنت أحبها وإهنيه إخته خذت التلفون من أمها وقالتلي المصيبه عرفت ليش كان بيموت آنا أقولكم ليش إنه راح يخطب هذي الوصخه وأهلها مارضو فيه عشان إهو متزوج إشرطو يطلقني عشان يزوجونه إهنيه آنا واجهته وجذب كالمعتاد سفلت فيه وهددته إذا ماوصلتني ورقتي راح أروح بيتهم مره ثانيه وأكسر سيارتها وبقعد أنطر الشرطه عشان أفشله مو إهو .وجي المهم عقب شهر خذيت ورقت طلاقي ماله داعي أتكلم عن نفسيتي كل يوم أموت ألف مره مادري هذا كابوس وإلاصج المهم وقف كورس حزن عليها ليش أهلها مارضو فيه وخلال هذي المده طالبته بحقوقي الشرعيه من متعه وعده ومصروف حق ولدي كان يعطيني 50دينار مصروف حق ولدي تخيلو 50 وهذا الغلا عشان أكون صادقه طلبت منه 3آلاف متعه وعده و100كل شهر مصروف حق ولدي وال3آلاف كنت أبيهم عشان أسد القرض إلي علي عشان أقدر أصرف على ولدي عدل المهم كلمت إخته تقوله بس كافي ماني حمل المحاكم بس كان رده روحي المحكمه هذا الدرب وقلت لها عيل ماله ولد عندي كان ياخذ ولدي 10دقايق يوديه الفرع ويرجعه المهم ماقام يسأل عنه ولا حتى رفع علي قضية رؤيه وعقب سنه توه يرفعها عشان بس يخسرني مو حبا في ولدي المسكين وطبعا جذب قال آنا مهمله وكثيرة السفر وىنا ما روح الجمعيه بدونه المهم خذا حكم رؤيه 10ساعات كل جمعه بقيت أموت لأني أعرفه إهو مايبيه المهم كان أول يوم يروح ولدب حقه بقيت أموت عقب ما رجع ولدي سألته شلونه طبعا عاتبني ليش خليته ياخذه نسيت لا أقول إن عمر ولدي 4 سنوات بس ويقول هالكلام طبعا بقيت أموت مادري شسوي ولدي رجع متحطم قاطه تحت و إهو قاعد بغرفته يحاجي القذره مايدري عنه ما وداه حتى يلعبه صار له سنه ما شافه تخيلو وآنا ولدي مجبورين نتحمل هذا الوضع حسبي الله عليها وعليه أدعو يارب يفكنا من شره وعلى فكره لي ألحين ماتزوجها خرب بيته وقعد على تله حسبي الله عليهم يعل حوبتي وولدي ما تتعداهم قولو آمين ودعواتكم الله يفرجها علي
الله يوفقج وياخذ حقج واذا خذا ولدج قولي حق خالتج اتخليه عندها ولا حماتج
و مثل ما قتلج يمهل و لا يهمل
وين بيروح معاها من عذاب ربهم
حسبي الله عليهم
عورتي قلبي
الله يعوضج بنصيب احسن منه
قولي حسبي الله ونعم الوكيل فيه وفيها
ترى ربج كريم وما ينسى عبده اللي خلقه
والله يعوضج بالرجال الي يقدرج ويعرف قيمتج
بديتي كلامج بانه اغلى انسان ابحياتج..
واشلون اتحبين امه وقلتي انها عادي لما درت عن تصرفات ولدها؟؟
انا رديت عليج بالجزء الاول ..
ودام انج الحين تطلقتي .. اشتبين منه بعد؟؟؟خل يولي الله يبليهم ابعض..وانتي عيشي حياتج ..
من اول اسبوع يخونج وتسكتين وتتحملين
شنو هالحب الي يخلي الواحد ينداااس ؟؟؟
وبعدين انا مو ضد الحب
وأؤمن فيه
بس مو معناته ان نلغي عقولنا
تحمليني
يمكن كلامي يكون قاسي
بس هذا الواقع الي لازم تعرفينه
لا باجر يقص عليج بكلمتين وتلينين وترديله
حبيبتي
الحب في البدايه ينبني على اعجاب
يعني شي سطحي
لكن بعدين مع العشره الحب ينبني على تصرفات
مو اعجاب شكلي واحساس سطحي وشوية احلام وخلاص
لاااا
تصرفات واطباع يا تخليني احبه واتعلق فيه او تخليني اكره واكره اليوم الي حبيته فيه
بس الي صار معاج انج استمريتي تحبين انسان ما يساهل حتى التراب الي تمشين عليه
وانتي يقص عليج بكلمتين ترديله بارده مبرده
وانا اقرا مشكلتج قاعده ادور على ميزه وحده فيه تخليج تتحملين ما لقيييييييييت
انسان اناني بخيل كسول مهمل خاين جذاب
يسفل فيج وترديله ؟؟ يمد ايده عليج وتتحملينه ؟؟ يخونج وانتي تدرين ومن اول اسبوع ومع هذا دشيتي بالموضوع جنج داشه معركه وتبين تنتصرين فيها .. تتنافسين مع رفيجته وتحطين روحج بمنافسه معاها ليييش ؟؟؟ خليلهيااااااه ونفذي بجلدج .. مو تسكتين وتتحملين وتدقين عليها تتهاوشين معاها بعدين تنزلين من نفسج عشان وحده زباله نفسها وتترجينها تهده لاااااا وتروحيلها للبيييت … وعلى شنو ؟؟؟ علشان واحد بمواصفات طليقج ؟؟؟ وييييييييييييع .. لو انا جان من اول اسبوع في بيت ابووووووووووووووي اعيش معززه مكرمه ورافعه راسي .. شلي بهالطلايب وجان زين على شي يسوى …
الي خلاني اكتب هالكلام ان في وايد بنات نفسج يلغون عقولهم ويمشون ورا عواطفهم وهذي النتيجه
محاكم وبلاوي وحره وقهر وغثا
ديري بالج
صج الحب حلو
بس لا تخلينه يسلبج عقلج وكرامتج
والله بياخذ حقج منه
واهوا مبييين اانه ميييت عليها وباااعج وشاااريها ,, فمالت عليهم ,,لاتضيقين خلقج مو كفووو هذااا
خلييه يولي ولا تفكرين فيه وربي ولدج واهتمي فيه واستانسي بحياتج
ولا تتنازلين عن حق من حقوقج انتي وولدج ,, علشان يعرف الزواج مو لعبه
الله يوفقج ويمسح على قلبج
يالله يفرج همج يابرب
طليقج خبل و على نياته ما ينشره عليه
الشره على بنت ابليس الي متزوجه و تغازل استغفر الله
و خربت بيتين
الله ما يطق يعصى
صبري و بتشوفين
