|
|
مرحبــا بنات
متى تطلع نتايج قبول الجامعه العربيه .. قالولنا نص ثمانيه والحين احنا بتسعه ..
منوو تعرف الخبر اليقين؟؟
وقالوا انه في دفعه ثانيه بشهر 9…
مادري شلون بتردين تدورين اسمج اذا معه الي قريتهم ولا لأ وللاسف من زمان فـ ماقدر افيدج…
تعبثي بالسايت يمكن تلقين اسامي فيه… دوري سايت الجامعه بجوجل وحطي بالج فرع الكويت
الله يوفقج
او حتى شوفي الاعداد السابقه للجرايد في موقع الجريده مثل الوطن وتلاقين الاسماء
الله يوفقج
طلبتكم ادعوووووووووووووولي
تكفووووون ابيكم اتكولولي شرايكم فيها ؟ وشلونهه زينة ولا لاء ؟
وبعدين تكاليفها شلونها ؟
ومتى يبدي التسجيل فيها حق المستجدين؟
تكفون ردوا علية
بس مو شرط تنقبلووون من اول شي .. زي حلاتي يعني
هم قالوا بيأخرون اعلان الاسامي لانهم طالبين من التعليم العالي ان يزيدون عدد المقبولين الى 1000 طالب وطالبه
عشان جذي طولوا على ماياخذون الموافقه
|
المشاركة الأصلية كتبت بواسطة dodoti
 بنات دام ان الموضوع عن الجامعة المفتوحة
تكفووووون ابيكم اتكولولي شرايكم فيها ؟ وشلونهه زينة ولا لاء ؟ وبعدين تكاليفها شلونها ؟ ومتى يبدي التسجيل فيها حق المستجدين؟ تكفون ردوا علية |
هلا والله حبيبتي
انا قبل ما اسجل بقست سألت عن المفتوحة
اللي عرفته ان دراستها بالانجليزي ومو سهله يعني لا تتوقعين ان عشان الدوام ماراح يكون يوميا فراح تكون سهله
لا اللي اعرفهم كلهم قالولي انها صعبه ونظامها بريطاني طبعا اللي بيدرس ويجابل ان شاء الله يمشي بس لا تتوقعين ان ممكن تمشين عالبركة
اللي ماعجبني فيها مبناهم مكسر وعتيج مكان مدرسة بخيطان وزحمة
وغير جذي ماعندهم التخصص اللي ابيه اللي هو المحاسبة
قالوا بيفتحونه من زمان بس ماشفنا شي للحين
ميزتهم رسومهم اقل من باقي الجامعات يعني الكورس يمكن 400 دينار وبقست انا ماخذه 5 مواد ب 2250
بس الحين المفتوحة بيرفعون الرسوم 25% ومايندرى اذا بيرفعونها بعد زيادة عقب فترة
يعني انا عندي لا دفعت حق قست هالمبلغ الا الجامعه راقية ومتطورة من كل النواحي وصج تحسينها جامعه
اما المفتوحة مادري شعليه بيرفعون الرسوم مادري يمكن عشان الزيادات اللي ياتنا كل شي جايز
بس متوى المبنى والمكان وتعاملهم مع الطلبة مايسوى يعني رسومهم الحين تخب عليهم كافي وزيادة
لا انتقلوا مبنى يديد وحديث ونظيف وسنعوا مكانهم وطوروا خدماتهم ذيج الساعه نعذرهم على زيادة الرسوم
في مشكله ثانية بالجامعه خلتني ما اسجل فيها
بما ان نظام الدراسة مو يومي فانتي اذا دخلتي الجامعه وماعجبتج وتبين تحولين جامعه ثانية ماراح يعادلون موادج اللي درستيها بالمفتوحة لان الجامعات تطلب ان الدراسة تكون يومية انتظام مو يومين بالاسبوع
يعني اذا ماعجبتج الجامعه وبتطلعين راح ترجعين من الصفر
وهم اذا بالمستقبل حبيتي تكملين دراسات عليا مو اي جامعه تقبلج عندج بالكويت بس جامعه ماسترخت اعتقد جذي اسمها اللي هي الكلية الهولندية بالدسمة
لان نفس الشي نظامهم بس اذا بتدرسين بجامعه ثانية مايصير عشان نفس المشكله ان الدوام مو يومي
بالاجمال الجامعه تناسب الموظفين اكثر لان عندهم دوام العصر ومايكون يوميا فالموظف يقدر يكمل فيها اذا حب
انتي لا تستعيلين شوفي باقي الجامعات وقرري
وعلى فكرة انا بقست اقدر اخذ 15 مادة اللي هم 45 وحدة واييب 3 نقاط واحول على حساب الحكومة ان شاء الله